Атрымаць прыкладаннеІсус: наш штандар перамогіУзор
Перамога над сьмерцю
Калі Ісус памёр за нашыя грахі й здабыў нам прабачэньне, то Ён вызваліў нас ад вечнага адлучэньня ад Бога. Ён замяніў безнадзейнасьць сьмерці жывой надзеяй на вечную будучыню ў Гасподняй прысутнасьці. Узьняўшыся з магілы, Ісус прадэманстраваў Сваю канчатковую перамогу над сьмерцю і давёў, што ейная сіла ня можа параўняцца зь Ягонаю. У Адкрыцьці 1:18 Ён заявіў: “Я ёсьць Жывы, і Я быў мёртвы, і вось, жыву на вякі вякоў, амін. І Я маю ключы пекла і сьмерці.”
Хоць сьмерць і зьяўляецца цяжкаю рэчаіснасьцю для нас у гэтым жыцьці, перажываючы боль ад страты нашых блізкіх і нарэшце маючы справу з уласнаю зямною сьмяротнасьцю, мы цяпер можам моцна трымацца праўды аб тым, што Ісус мае ключы пекла й сьмерці і Ён зрабіў магчымым для нас увайсьці ў вечнае жыцьцё празь іншыя дзьверы. Сьмерць на зямлі - гэта не канец. Ёсьць працяг, і яшчэ які! У Яна 11:25 Ісус паабяцаў: “Хто верыць у Мяне, калі і памрэ, - ажыве.”
Мы ня мусім жыць у страху, бо Ісус збавіў нас ад трываласьці сьмерці. Мы можам жыць адважна і ў паўноце, ведаючы, што незалежна ад таго, што можа здарыцца тутака на зямлі, мы будзем жыць вечна ў Божай прысутнасьці разам зь Ягонаю сям’ёю. Нават калі мы моцна смуткуем па людзях, якія ўжо ня ёсьць з намі, мы смуткуем з надзеяю, ведаючы, што калі яны прынялі Ісуса як свайго Збаўцу, то мы ўбачымся зь імі зноў і зазнаем Божую славу разам.
У гэтую велікодную нядзелю, дазволь, каб напамін пра Ісусаў трыюмф над сьмерцю пранікнуў у тваё сэрца й перамяніў тваю пэрспэктыву - з крохкасьці твайго жыцьця на вечную бясьпечнасьць у нябёсах. У сьмерці сапраўды няма джала! Сьвяткуй Ягоную перамогу, хай цябе поўніць удзячнасьць, і не забывайся, што кожнаму чалавеку на зямлі патрэбна гэткая ж упэўненасьць у вечным жыцьці. Паміраючы на крыжы за грахі чалавецтва, Ён прагнуў аднога: каб аніводны з нас не правёў вечнасьць у адлучэньні ад Яго. Няма лепшага спосабу выказаць тваю ўдзячнасьць за тое, што Ён зрабіў дзеля цябе, чымся расказваць усім пра Ягоную любоў да іх. Менавіта так мы выцягваем як найбольш з гэтага жыцьця. Дык ідзі й жыві ў паўноце - бо Ён Жывы!
Спампуй сёньняшнюю выяву тут.
Аб гэтым плане
Калі мы сьвяткуем Вялікдзень, то мы сьвяткуем найвялікшае дасягненьне ў гісторыі. Праз Сваю сьмерць ды ўваскрасеньне, Ён назаўжды паразіў моц грэху й сьмерці, а таксама ўсе іхныя пабочныя эфэкты, і Ён абраў падзяліцца гэтаю перамогаю з намі. Падчас гэтага велікоднага тыдню, паглядзем на некаторыя цьвярдыні, якія заваяваў Ісус, паразважайма над бітвай, у якую Ён пайшоў дзеля нас, і праслаўма Яго як наш Штандар Перамогі.
More
