Ісус: наш штандар перамогіУзор

Перамога над страхам

У сучасным сьвеце, калі нас увесь час бамбардуюць навінамі й бясконцым патокам дрэнных паведамленьняў, нас можа лёгка апанаваць страх. Мы баімся невядомага, баімся болю й стратаў, баімся, што ня маем таго, што патрэбна дзеля таго, каб мець посьпех. Але калі наш бязгрэшны Збаўца ўзяў крыж, каб заплаціць за наш грэх, то Ён прадэманстраваў дасканалую любоў. Моц тае любові паразіла ўсе пабочныя эфэкты грэху ды цемры ў сьвеце, улучаючы страх.

1 Яна 4:18 кажа нам, што “дасканалая любоў праганяе страх.” Праз Свой паказ любові на крыжы, Ісус заявіў пра Сваю перамогу над страхам, і Ён запрашае нас удзельнічаць у той перамозе. Ён жадае, каб мы мелі супакой у нашым розуме, сэрцы й духу. Але ці мы прымем гэтую пераможную сілу Ягонае любові і ці будзем хадзіць у ёй, залежыць ад нас саміх. У Рымлянаў 8:38 апостал Павал сказаў, што ён быў упэўнены, што нічога ня можа адлучыць нас ад Божае любові. Мы таксама можам быць непахісна ўпэўненымі ў Божай любові да нас і жыць у супакоі, які дае тая любоў. Калі прыйдзе момант, у якім ты будзеш сумнявацца ў тым, як моцна Бог любіць цябе, усё, што табе трэба зрабіць - гэта глянуць на крыж.

Калі страх стукае ў твае дзьверы, у цябе ёсьць выбар: дазволіць яму апанаваць табой, або прыгадаць Ісусаў пераможны акт любові й абраць верыць, што Ён перамог у бітве за твой супакой. Калі ўсё ў тваім жыцьці ідзе ня так, моцна трымайся праўды, што страх ня мае над табой сілы. Прымі Ягоны супакой ды йдзі наперад з упэўненасьцю, што цябе з усіх бакоў абкружае Ягоная любоў!

Спампуй сёньняшнюю выяву тут.