Ператварэньне блуднага сына з Кайлам АйдлманамУзор

“Дзеяньне–Час устаць ”

Шмат хто з нас папросту загразаюць, калі трэба дзейнічаць. Мы ведаем, што трэба рабіць, мы ўжо падышлі да дарогі, але мы ўсё ніяк не пачнём рухацца. Адна справа адчуць абуджэньне і нават быць шчырымі наконт таго, што нам трэба рабіць, а другая — пачаць тое рабіць. У Лукаша 15:20 напісана простае слова, якое зьмяніла лёс блуднага сына. Ісус папросту сказаў, што ён “устаў”.

Блудны сын пачаў дзейнічаць неадкладна. Ён разумеў, што надышоў час устаць. Надышоў час нешта зрабіць. Гэтаксама і з намі, пакуль у нашых асабістых гісторыях ня будзе напісана “Ён устаў” ці “Яна ўстала”, нічога насамрэч не зьменіцца.

Вось як раз тут для шмат каго з нас “AHA” перапыняецца. Мы перажываем абуджальны момант, нават знаходзім у сабе сілу быць поўнасьцю адкрытымі, але мы не знаходзім час на тое, каб пачаць дзейнічаць. Мы праводзім большую частку нашага жыцьця загразаючы паміж адкрытасьцю і дзеяньнем.

Магчыма, вы чытаеце гэта, думаючы: “Я згаджаюся з вамі, але я папросту ня маю ахвоту штосьці зьмяняць.”

Мо наступнае прагучыць няветліва, а мо нават і трохі банальна, аднак праўда ў тым, што нам трэба слухацца Бога нават тады, калі ня маем ахвоту. Калі мы слухаемся Яго, нават ня маючы на тое жаданьня, то ў рэшце рэшт нашыя пачуцьці дагоняць нашыя дзеяньні.

Пераглядзіце ваш плян дзеяньня і паразважайце над тым, што ў ім трэба зьмяніць. Вы, мусіць, ужо складалі гэтакі сьпіс дзеяньня раней — на паперы ці ў думках — і вы ведаеце, што гэта будуць за зьмены. Вызначыце ваш першы крок, як тое зрабіў блудны сын, калі ён сказаў: “…пайду да бацькі майго і скажу яму…” Ён ведаў, як ён мусіў дзеёнічаць, і ён зрабіў тое. Вызначыце ваш першы крок і пачніце дзейнічаць цяпер, незалежна ад таго, ці маеце вы на тое ахвоту або не. І ў працэсе дзеяньня вы пабачыце, што, з Божай дапамогай, дзеяньні, якія спачатку падаваліся штучнымі, могуць стаць сапраўднымі.

Ці вы адчулі абуджэньне і ці вы ўжо шчырыя з сабой, але яшчэ не пачалі дзейнічаць? Які першы крок вы можаце зрабіць, каб пачаць дзейнічаць?