Ператварэньне блуднага сына з Кайлам АйдлманамУзор

“АДКРЫТАСЬЦЬ–Адкрытасьць, што прыносіць аздараўленьне”

Большасьць хрысьціянаў разумее важнасьць быць шчырымі як з сабой, так і з Богам. У 1 Яна Біблія вучыць нас, што калі прызнаем нашыя грахі, то Ён верны і праведны, каб дараваць нам іх і ачысьціць нас ад усякае няправеднасьці. Біблія таксама кажа, што Ісус узяў на сябе пакараньне, што мы заслугоўвалі, калі Ён памёр на крыжы. Ісус памёр за мае грахі, таму, калі я прызнаю маю віну, Бог даруе мне.

Звычайна, мы кажам сабе, што больш анічога не патрэбна: “Я шчыры з сабой ды з Богам, і таго дастаткова.” Але “AHA” патрабуе большага.

Якуба 5:16 вучыць нас вызнаваць адзін аднаму нашыя грахі і маліцца адзін за аднаго, “каб быць аздароўленымі”. Калі мы шчырыя з Богам наконт нашых грахоў, то Ён даруе нам, а калі мы шчырыя зь іншымі людзьмі, то мы аздараўляемся.

Што значыць “аздараўляемся”?

Прызнаньне адзін аднаму ў правінах робіць нас адказнымі і дапамагае нам знайсьці неабходную падтрымку, каб паправіць нашыя няправільныя паводзіны. Калі мы бяром тое, што мы хаваем у цемры, і сілаю валачом яго на сьвятло, то мы бачым, што яно губляе значную частку сваёй сілы над намі.

І аздараўленьне, пра якое кажа Якуб, ёсьць нашмат больш літаральным, чым вы сабе ўяўляеце. Сучасны нерэлігійны падручнік па псыхалёгіі “Coping with Stress” (“Як спраўляцца са стрэсам”) пацьвярджае аздараўляльную сілу споведзі. Аўтар заўважае, што “людзі, схільныя захоўваць сакрэты, як правіла скардзяцца на свой фізычны і псыхічны стан часьцей за людзей, якія таго ня робяць… у тым ліку, яны скардзяцца на мацнейшую дэпрэсію і непакой, а таксама такія фізычныя сымптомы, як боль у сьпіне і галаўны боль. Палягчэньне, якое прыходзіць ад выказваньня свайго цёмнага сакрэтнага боку, часта бярэ верх над першапачатковай няёмкасьцю, што выклікае споведзь.”

Выслоўі 28:13 пацьвярджае гэтыя словы: “Той, хто хавае свае злачынствы, ня будзе мець посьпеху; а хто прызнаецца і пакідае іх, той будзе памілаваны.”

Як вызнаньне вашых грахоў іншым дапамагло вам у мінулым? Ці ёсьць у вас якія-небудзь таемныя грахі, якія вы хаваеце, не жадаючы вынесьці іх на сьвятло?