Шалёная Любоў з Фрэнсісам ЧанамУзор

“Профіль цеплаватага верніка”

Ці апісалі б вы сябе, як чалавека, поўнасьцю закаханага ў Ісуса Хрыста? Ці можа такія эпітэты, як “безжыцьцёвы”, “цеплаваты” і “часткова адданы” падыходзяць лепш?

Біблія вучыць нас правяраць саміх сябе, і таму я прапаную вам апісаньне цеплаватага верніка. Чытаючы гэтыя прыклады, уважліва і чэсна паглядзіце на чалавека, якім вы ёсьць цяпер, ды на тое, чым вы займаецеся сёньня.

Цеплаватыя вернікі:

• Наведваюць царкву давалі рэгулярна. Гэта тое, што ад іх чакаюць і што — як яны вераць — “добрыя хрысьціяне” робяць, таму і яны таксама робяць тое.
• Даюць грошы на дабрачынныя мэты і царкве… пакуль тое не пасягае на іхнія стандарты жыцьця. Калі яны маюць дастаткова грошай і даваць нястрашна, яны даюць.
• Маюць жаданьне быць “сваімі” як у царкве, так і па-за межамі царквы. Яны больш дбаюць пра тое, што думаюць аб іх учынках іншыя, чым пра тое, што думае аб іхнім сэрцы ды жыцьці Бог.
• Ня надта жадаюць быць выратаванымі ад граха; яны жадаюць быць выратаванымі толькі ад спагнаньня за свой грэх.
• Расчульваюцца, калі чуюць гісторыі людзей, што робяць радыкальныя рэчы для Хрыста, але самі яны анічога ня робяць. Цеплаватыя вернікі называюць “радыкальным” тое, што Ісус чакаў ад усіх сваіх пасьлядоўнікаў.
• Амаль ніколі ня дзеляцца сваёй верай з суседзямі, калегамі ці сябрамі. Яны ня хочуць быць адкінутымі, і ня хочуць прычыніць дыскамфорт людзям сваімі гутаркамі пра такія прыватныя рэчы, як рэлігія.
• Вымяраюць сваю мараль, ці “дабрату”, параўноўваючы сябе са сьвецкімі людзьмі. Адчуваюць задавальненьне, што яны не настолькі кепскія, як вось гэны хлопец ці вось тая дзяўчына.
• Кажуць, што яны любяць Ісуса, і што Ён ёсьць часткай іхняга жыцьця. Але толькі часткай. Яны даюць яму частку свайго часу, грошай, думак, але не дазваляюць Яму кантраляваць іхняе жыцьцё цалкам.
• Любяць Бога, але ня любяць Яго ўсім сваім сэрцам, душой і сіламі.
• Любяць іншых, але не намагаюцца любіць іншых так, як любяць сябе.

Як многа з гэтых “цеплаватых рысаў” нагадалі вам аб тым, як вы праводзіце вашае жыцьцё? Памалецеся, каб Бог працаваў над зьмякчэньнем вашага сэрца, потым выберыце адну канкрэтную рысу, над якой вы будзеце працаваць (і маліцца) на працягу гэтага тыдня.

У заключэньне, паглядзеце гэтае відэа ды падумайце, пра што там ідзе размова.