Ідзі Рабі Кажы Давай: Свабода ў скарэньні ІсусуУзор

Сілай Сьвятога Духа

Уявіце, што знаходзіцеся ў найдаўжэйшым падарожжы вашага жыцьця, але вы адны. Няма з кім пагутарыць, ніхто ня можа вам дапамагчы, і няма нікога, каб дзяліць зь ім радасьць. Гэткае падарожжа было б смутным і вельмі цяжкім. На жаль, шмат якія хрысьціяне жывуць менавіта так, не зазнаўшы сілу й суцяшэньне, абяцаныя празь Сьвятога Духа. Яны практычна жывуць так, нібыта Ісус не знаходзіцца побач зь імі.

У выніку, мы схільныя падарожнічаць, прыкладаючы ўсе ўласныя намаганьні. Нашыя высілкі быць больш падобнымі да Ісуса канчаюцца правалам. Калі мы гэтак скараемся Богу, то мы будзем адчуваць, што нам наканавана толькі расчараванасьць і няўдача.

У Яна 13-17 мы чытаем, як, прабыўшы ў жыцьці вучняў амаль штодзень на працягу трох гадоў, Ісус рыхтуе іх да жыцьця без Сваёй фізычнай прысутнасьці зь імі — і гэта як раз тое, што мы перажываем сёньня як Ягоныя пасьлядоўнікі. Ён неаднаразова казаў вучням пра Сьвятога Духа. Дух меўся жыць у іх і заўжды быць зь імі. Ён называе Сьвятога Духа Духам праўды, памочнікам, тым, хто меўся гаварыць пра Ісуса, тым, хто меўся зрабіць іх сьведамымі грэху, і тым, хто меўся накіраваць іх да праўды.

У Яна 15 Ісус тлумачыць гэта праз мэтафару аб вінаграднай лазе й галінках. Быць штодзённа злучаным зь Ім Ён называе “заставацца ў Ім”. Мы павінны заставацца ў Ім, або жыць у Ім, прызнаючыся ў грахах, а потым зноў злучаючыся зь Ім і зь Ягоным жыцьцём ды моцай. Гэта становіцца магчымым празь Сьвятога Духа, Які жыве ў нас. Калі мы застаёмся злучанымі зь Ім, то Ягонае жыцьцё цячэ праз нас, нібыта сок у лазе, што цячэ да галінак. Мы не адны ў гэтым падарожжы.

Сіла Сьвятога Духа дзее ў нас, каб зьмяняць наш характар. Калі мы застаёмся злучанымі з Ісусам — лазой, то мы як галінкі прынясем плод. Калі мы засяроджваемся на тым, каб заставацца ў Ім, то пачынаюць зьяўляцца плады хрысьціянскага жыцьця. Але калі мы засяроджваемся на тым, каб прыносіць плод, і забываемся, што мы павінны заставацца ў Ім, то мы адчуваем расчараваньне.

Даваць шмат плоду, або стаць поўнасьцю разьвітым, патрабуе шмат часу. Будзьце цярплівымі да сябе й да іншых на гэтым шляху — плод абавязкова зьявіцца.

Ці вы прымеце верай сілу Сьвятога Духа, каб напоўніць вашае жыцьцё Ісусам сёньня?

Адвядзеце зараз некалькі момантаў, каб прызнацца ў сваіх грахах; потым папрасеце Ісуса зноў напоўніць вашае жыцьцё Ягоным Духам.