لشهر دجنبر؛ رحمات جديدة كل صباحعينة

حتى المُتعة كتوعض بالنعمة. كل نهار كلنا كنعيشو سيمفونية موسيقية ديال المُتع اللّي ماعمّر كنّا نقدرو يكون عندنا الحق باش نستمتعو بيهم.

هاهما بعض الهدايا الممتعة من الله لينا:

·صوت الطيور في فصل الربيع

·الجمال ديال شي وردة

·المنضر ديال غروب الشمس المتعدّد الألوان

·الغطاء النقي ديال التّلج اللّي يالّاه طاح

·الحنان ديال البوسة ديال الوالدين

·الريحة ديال الورود كيتفتحو

·الأدواق والقوام الكتيرة ديال الماكلة

·المجد ديال مقطوعة موسيقية زوينة بزّاف

·الألوان الزاهية ديال لوراق د الشجر في الخريف

·الاستمتاع بشي دراما تلفزيونية

·الجمال ديال شي لوحة فنية

·الصوت الحلو ديال الدراري الصغار

·العضمة العجيبة ديال شي جبل

الله خلق لينا عالم ديال الجمال الرائع فين كاينين مُتع في كل بلاصة حدانا. هو خلقنا مع بيبان باش يدخلو هاد المُتع (العينين، الودنين، الفم، النيف، اليدّين، العقل، وزيد وزيد) باش نقدرو نستمتعو بيهم. هو كيباركنا بهاد الحوايج المزيانين والزوينين كل نهار. هادشي كيعني أنه في أسوأ نهار في حياتك وحتّى في أحسن نهار، راك تباركتي بمُتع كيجيو مباشرة من اليد ديال الله. وهادشي كيورّيك أنك ماخديتيش هاد المُتع حيت نت ربحتيهم أولا ستاحقّيتيهم، ولكن حيت هو إله ديال النعمة. كيباركك بالخير حيت هو صالح وماشي حيت نت مزيان.

ممكن يكون هادشي في شكل غير شي طاجين بنين في الغدا. نت ماكتستحقش تستمتع بداك الطجين. نت ماكتستحقش لسان يقدر يلمس داك المداق والقوام. نت ماكتستحقش عقل يقدر يستوعب هاد التجربة كلها. هادي غير واحد هدية خرا من اليد ديال الله، الله اللّي كيعطيك كل نهار شنو ماكتستحقش حيت هو كيحبّك. ممكن كتطل من الشرجم ديالك وكتشوف وراق الشجر كيولّي اللّون ديالهم حمر. داك المشهد كيبهرك. حبس وكون شاكر حيت الله ديال النعمة الرائعة خلق داك الشجر والقدرة ديالك باش تشوفهم وتستوعبهم وتستمتع بيهم. هو ختارك باش تحس بالمتعة ديالهم في ديك اللحضة حيت هو إله ديال الرحمة والصبر: "حِيتْ هُوَ اللِّي كَيْشْرَقْ بْشْمْسُه عْلَى الْقْبَاحْ وْالْمْلَاحْ، وْكَيْنَزّْلْ الشّْتَا عْلَى اللِّي كَيْدِيرُو الْخِيرْ وْاللِّي كَيْدِيرُو الشَّرّْ" (متى 5: 45).

من أجل دراسة وتشجيع كتر: مزمور 104