إحصل على التطبيقالميلاد - المهمة الصعبةعينة
افتكر كل مرة أضايقت بسبب أن بعد خدمتك محدش قالك "ربنا يباركك" أو شجعك. بس تخيل معايا قصة واحدة من غير ما حد يلاحظ فضلت عايشة في الهيكل 84 سنة، ماسابتوش أبدًا!
حنة النبيّة كرست حياتها للصلاة والصوم، يمكن مانعرفش كتير عن حياتها قبل وبعد الحدث ده، ولا مدى التأثير اللي قدرت تعمله في سنين خدمتها لكن كل ده مامنعش إن الكتاب يتكلم عن دورها في قصة الميلاد، بسبب قلبها اللي طالب ربنا قدرت تميز أن الطفل اللي هي شافته هو المسيح.
حنة كانت مُهمتها بسيطة.. وغريبة جدًا! إنها تعبد الله وتطلبه من غير خدمة ظاهرة على منابر، من غير انجازات ومتابعين وتصقيف، هي فضلت تصلي وتصوم وتعبد الله كل حياتها بس!
قدام شخصية حنة بنحتاج نقف ونراجع نفسنا هل احنا عندنا استعداد نثق في الله ونخدمه من غير ما نشوف أي نتيجة؟ هل اللي بيقودنا إعجاب الناس ومدحهم؟
أشجعك النهاردة ترفع قلبك تصلي وتقعد بهدوء قدام ربنا تعبده، أسمع منه هو، مش من الناس.
صلاة:
يا رب أنا طالب اخدمك بحسب قلبك وبحسب ما تحركني أنت، مش بإعجاب الناس وتشجيعهم ليا. عايز اخدمك بخضوع، حتى لو مش شايف النتيجة دلوقتي. آمين.
الكلمة
عن هذه الخطة
استعد إنك تحتفل بميلاد يسوع بمنظور جديد لما تقرأ الأحداث اللي حصلت وقت وصوله للعالم. من خلال الخطة، هنقرأ عن شخصيات مُهمة شاركت في قصة الميلاد، زي يوسف ومريم وزكريا وسمعان الشيخ وحنة النبية والطفل يسوع. هنتعرف على استجابتهم لخطة الله وإزاي أثروا في التاريخ. وهنتعلم إزاي نطبق دروسهم في حياتنا النهاردة. الخطة مكونة من 7 أيام، وتشمل قراءة من الكتاب المقدس وتأمل وصلاة.
More
نود أن نشكر Sharek Online على تقديم هذه الخطة. لمزيد من المعلومات، يرجى زيارة الموقع: https://sharekonline.com/
