الميلاد - المهمة الصعبةعينة

احنا جيل اتعودنا على مستوى من السرعة ماكنش موجود قبل كده، بنسابق الزمن وكل ما بنحقق إنجاز نطمع في اللي بعده!

مطلوب منك متضيعش أي لحظة من يومك: تأخذ كورسات، تهتم بشكلك وبصحتك، تقرا كتير، يبقى ليك أصحاب أكتر.. وسط كل ده إنك تقعد وتهدى وتفكر.. بيبقى صعب!

تخيل إن فيه واحد كانت دعوة حياته هي إنه ينتظر في نفس المكان لحد ما الوعد يتحقق. سمعان الشيخ، الله وعده إنه مش هيموت إلا لما يشوف بعينيه مُخلص شعبه.

الانتظار احيانا كتير بيكون مرهق، وكل ما تطول المُدة بيزيد الشك جوانا. النهاردة خلينا نرجع نثق في الله وفي أمانته مهما طال أو تأخر في نظرنا، هو أمين، وحافظ العهد مش بينكر نفسه أبدًا.. ومش بيغير كلامه.

صلاة:

يا رب انا بأصلي أني اتعلم أصبر وانتظر مهما طال الوقت، واتعلم اثق فيك، حتى لو الواقع مختلف. وأثق في كل كلمة منك وامشي وراك بكل إيمان. آمين.