الميلاد - المهمة الصعبةعينة

في مجتمع شرقي متدين، بيقدم طقوس من غير أي معرفة حية حقيقية بربنا، ووسط قادة دينيين متشددين، اختار الله بنت متواضعة بسيطة مفيش حاجة تميزها غير تواضع قلبها وحبها لربنا، اختار يجي منها المخلص بطريقة معجزية. مهمة صعبة لبنت في سنها، مخطوبة، يهودية تقية وبتخاف ربنا، وعارفة كويس قوانين الشريعة لواحدة في موقفها وإن العقاب إنها تترجم!

الغريب إننا نلاقي مريم -بعد ما بشرها الملاك بأنها هتكون أم المخلص- خاضعة لصوت الرب والمُهمة اللي ادهالها من غير مجادلة، هي كل اللي سألته: "إزاي هيحصل؟" ومن كل قلبها كانت عارفة إن الله قادر على كل شيء.

في وقتنا دة احنا بنخاف نتكلم عن الله، بنخاف نصلي قدام الناس، بنخاف نشارك إيماننا، عشان رأي الناس فينا ميتغيرش وأفضل مقبول وسط المجموعة.

لو حطيت نفسك مكانها، والله يوكل ليك مهمة عظيمة جدًا لكن قصاد ده تكلفتها غالية، تفتكر مشاعرك هتكون إزاي؟ هل هتقبل بخضوع زي مريم ولا هتجادل؟

صلاة:

يا رب إديني قوة أقدر بيها أعيش مهمتي واشهد عنك واعيش حياة شبهك من غير خوف من رأي أي حد فيَّ. إديني قلب يشبه قلب العذراء مريم في خضوعه وتواضعه قدامك. آمين.