الميلاد - المهمة الصعبةعينة

العالم حوالينا مليان بالشر، زلازل وأعاصير وفيضانات وحروب وأزمات اقتصادية والناس متألمة وموجوعة زي وقت ميلاد المسيح اللي كان وقت احتلال وفقر وقتل للأطفال..

لكن وسط كل التحديات دي، كان في شخص مسئوليته إنه يقود أسرته لبر الأمان. يوسف مهمته ماكانتش سهلة، من أول رحلتهم لبيت لحم وميلاد يسوع، وتهديدات هيرودس الملك بقتل يسوع، وهروبهم لمصر، لحد رجوعهم للناصرة. وفي كل قرار كان الله بيرشد يوسف وبيخترق حيرته وخوفه بكلمة منه تحسم الموقف.

لو أنت رب أسرة، أو قائد مجموعة، لو مسؤول عن فريق في شغلك، متقلقش الله هيرشد كل قراراتك. هو وعدنا إنه مش هيسيبنا يتامى وسط العالم لكن هيرسل لينا الروح القدس يعزينا ويرشدنا.

وده متاح لينا مش بس في القرارات المصيرية -مش بس في قرارات اختيار شريك الحياة أو الهجرة- لكن حتى في القرارات اليومية البسيطة.

صلاة:

يا رب أنا بأصلي أن قلبي يكون خاضع لقيادتك وصوتك، وأديك أنت دفة حياتي روحك يقودني كل قرار في كل لحظة حتى القرارات الصغيرة مش بس الكبيرة. آمين