Lûqa 21

Sedqeyê Cenîyerda Vîya

(Marqos 12:41-44)

1Îsa weyna û dî ki merdimê zengînî yê sedqeyê xo dekenê qutîda sedqî mîyan. 2Hima Ey jûna cenîyeka vîya fiqarî dî ew ay zî di quruşê baqirinî dekerdî qutî mîyan. 3Uja di Îsay va: “Ez şima rê raşta ci vaja: Na fiqarîya vîya, ê bînan heminan ra vêşî day. 4Çiki înan hemin, oyo ki zengîneyda ci ra vêşî maneno, tayn ey ra da. Naqor nay, qandê werdî çiçî yo nay dest di, ay o pêro da.”

Îsa Qalê Soyindê Nê Dinyay Keno

(Matta 24:1-35; Marqos 13:1-31; Matta 10:17-22)

5Tayn merdiman kêfa qalê Keyedê Ellay kerdê, çiki Keyeyê Ellay bol sîyandê weşana viraşte bi ew pey sêmina nexşî kerde bi. 6Wexta Îsay wuna va: “Winî rojî do bîrê ki wexta no heme çîyo ki şima yê vînenê, nînan ra sî sîyer sero do nêmano, no pêro do xirabe bo.”

7Înan zî pers kerd va: “Mehlîmê ma, nê girwey do çimhal bibê? Ew ma do çiçî ra bizanim ki wextê ci yo nê girwey do bibê?”

8Îsay înan rê va: “Çimakerdey bê ki wa şima nêxapeynê. Çiki bolî do namedê mina bîrê ew vajê ‘Ez Mesîh a!’ Ew ê do vajê ‘Wext nezdî yo!’ Qethîna înan dima meşirê! 9Çimhal ki şima aşnawenê herb o beno ew milet qarşî milet werzenê xo ser, xo pê şanê, wexta metersê! Verdê soyindê nê dinyay nê çî do bibê, hima fina zî soyin hewna nezdi nîyo.”

10Bahdo Ey înan rê wuna va: “Jew qewm do jewna qewmîya ew jû hukumdarey do zî jûna hukumdareya herb bikero. 11Zelzeleyê#21:11 Zelzele yazî zerzele, erdlerz girdî do bibê ew ca bi ca qitlixey, nêweşîn ew girweyê ecêbî do bibê ew azmîna zî hekmetê girdî do bibê.”

12“Hima verdê nê girwan hemin, ê do şima tepêşê ew şima rê zilim bikerê ew do şima berê mahkemada sînagogan ver ew çekerê hepis. Qandê namedê mi, ê do şima berê walîyan û qiralan ver. 13Nê girwey do bîrê şima sere ki şima rê firsen bivijyo ew na mijdîyan rê şima şahîdîn bikerê. 14Şima qethîna qaxu megîrê ki şima do se vajê ew senî xo bireynê. 15Çiki ez do bixo winî hîkmet bida şima ki fekdê şima ra tayn qisey do bivejîyê ki hinî dişmenê şima do nêzanê se vajê ew nêşê şima vero vinderê. 16Hima may û pîyê şima, war û birarê şima, merdim û embazê şima zî do şima bidê dest ew do şima ra tayin bikişê. 17Qandê namedê mi, heme merdimî do şima rê dişmenî bê. 18Hima fina zî, seredê şima ra jû têla porrî bile do vinî nêbo. 19Damiş bê, wexta şima do ganê xo bireynê!”

Soyinê Yeruşalîmî

(Matta 24:15-22; Marqos 13:14-20)

20“Çimhal ki şima weynenê çorçorşmeyê Yeruşalîmî dişmenan giroto, wexta bizanê ki na sûk do nezdi ra xirabî bo. 21Wexta kamo ki Yawudîye di, wa biremo kerran ser. Êyê ki sûk mîyan di, wa bivijyê teberdê sûk ew êyê ki gema, wa nîyageyrê sûk mîyan. 22Çiki ê rojî, rojê xişmî yê#21:22 Yazî: rojê cezay ê ew zeki Qisandê Mibarekan di yazi bîyo, o heme çî do bîro herun. 23Cenîyê ki ê rojan di winî halî yê ew êyê ki qeç lawnenê, wax bi înan rê! Çiki jew tengêndo gird do bîro welatî ser ew xişmê Ellay#21:23 Yazî: xezebê Ellay do bîro nê qewmî ser. 24Ê do şemşêrdo tuja bikişyê ew ê do sirgûnan di heme qewman rê bindestî bê. Naqor, Yeruşalîm zî do lingandê xerîban bin di pay bo, hetanî wextê nê miletandê xerîban pirr bo.”

Soyin Di Îsa Do Fina Bîro

(Matta 24:29-32; Marqos 13:24-27)

25“Tîjî di, aşmî di ew istaran di nişanî do biasê, ew qewmê ki erdî sero yê, ê do ecêb bimanê, vengdê delxan û gumîda dengizî ra zahrê înan do ters ra biteqê. 26Merdimê ki nê felaketanê girdan pawenê, felaketîyê ki hewna do bîrê nê dinyay pêroy ser, xewf do merdiman pîze kewo, çiki hukmê ki azmîna yê#21:26 Hukmê ki azmîna yê, yanê tîjî, aşmî ew istarey ê., ê do herun ra biluwê. 27Ew bahdo ê do bewnîyê ki Lajê Însanî yo hekmetda girda ew nûrî mîyan di hewrî sero yeno. 28Hima çimhal ki nê girwey benê, wexta şima zerrî bigîrê, werzê ew seranê xo zî hewadê cor, winî bizanê ki reyayişê şima nezdî yo!”

29Bahdo Îsay înan rê va: “Bewnîrê na darda encîlan ra, yazî jûna dar ra. 30Eki şima vînenê ki perrî akerdê, wexta şima bixo zanê ki amnan nezdî yo. 31Zeydê neya, çimhal ki şima dî ki nê girwey ê benê, wexta bizanê ki Hukumdareya Ellay nezdî ya. 32Ez şima rê raşta ci vaja, hetanî nê girwey pêro nîrê herun, no cisn do vinî nêbo. 33Ew azmîn û erdîya do werte ra hewadeyê, hima qiseyê mi do qethîna do vinî nêbê.”

34“Hima, xo bipawê! Wa zerrîya şima çimveyşaneya, serxoşeya ew qaxudê hirg rojîya kor nêbo, winî ki na roj zeydê feqa jû find' şima sero nêguno. 35Çiki na roj, êyê ki na herr sero yê, do bîro înan heminan ser. 36Tim û tim çimakerdey bê ew duay bikerê ki şima damiş bê ki şima nê girwan ra bivijyê ew şima bişê Lajdê Însanî ver di pay vinderê.”

37Îsay rojdihîr Keyedê Ellay di wahzî dayê, naqor şew zî şîyê Kerredê Zeytûnan#21:37 Kerreyê Zeytûnan sûka Yeruşalîmî ver di bi, uja ra heta Keyedê Ellay pay-şîyayen nîm sehat bi, bewnîrê letedê 22:39 zî. di kerdê şewra. 38Milet pêro şefaqe rew ameyê Keyedê Ellay ki goştareya ey bikerê.

المحددات الحالية:

Lûqa 21: diq

تمييز النص

نسخ