آيات مشهورة من الكتاب المقدس منSAN JUAN 8

شارك

Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

Li' taca ca cuayá' ti' ma̱ lcaa cha' liñi; ná tucui caca tatsaa ji'i̱ ma̱ cha' cua'ni ma̱ cña cuxi ca su ndi'i̱ ma̱, xqui'ya cha' jlo ti' ma̱ cha' liñi bi'.

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

Na' nu laca̱ nu sca ti Sñi' ycui' Ndyosi ni, lo'o cua'ni lyaá na' ji'i̱ ma̱, chañi cha' nga'aa caca tatsaa ngu' ji'i̱ ma̱ cha' cua'ni ma cña cuxi chaca quiya' ca su ndi'i̱ ma̱ ―nacui̱―.

Lo'o jua'a̱ nchcuane ngu' ji'i̱ Jesús chaca quiya'. Li' ndaca'a̱ liñi Jesús, nchcui' yu lo'o ngu' nu ya̱a̱ lo'o ji'i̱ nu cuna'a̱ bi': ―Lo'o ntsu'u tsaca cu'ma̱ nu ná ntsu'u qui'ya ji'i̱ ma̱ ―nacui̱ yu―, bi' caca nu cujui'i̱ quee ji'i̱ nu cuna'a̱ cua clyo.

―Liñi tsa cha' ta na' lo'o ma̱ juani ―nacui̱ Jesús li'―, cha' cua laca ntsu'u xu'na ñati̱ chalyuu, lcaa ca ñati̱ nu ntsu'u qui'ya ji'i̱ ngu'.

Ndaca'a̱ Jesús chaca quiya', li' nacui̱ yu ji'i̱ nu cuna'a̱ bi': ―¿Macala ndyaa ngu' jua? ―nacui̱―. ¿Ha tya ndu̱ nu ngusta qui'ya jinu'u̱? ―Ná tucui ndu̱ nu ngusta qui'ya 'na, cusu' ―nacui̱ nu cuna'a̱ bi'. ―Tso'o lacua ―nacui̱ Jesús ji'i̱―. Jua'a̱ na', ná ntsu'u qui'ya nu sta na' jinu'u̱. Tyaa clya nu'u̱ juani ―nacui̱―, nga'aa cua'ni la nu'u̱ cha' cuxi.