آيات مشهورة من الكتاب المقدس منSAN JUAN 9

شارك

Lo'o tya xee nga'a̱ cha' cua'ni na cña ―nacui̱ Jesús―, lo'o cua ndyaa cuichaa nga'aa caca cua'ni ni sca na cña li'. Lo'o jua'a̱ laca lo'o na' ―nacui̱―, nga'a̱ cha' cua'ni na' lcaa ña'a̱ cña nu ngulo ycui' Ndyosi jna' lo'o nda Ni jna' lijya̱ na' ca nde ―nacui̱ Jesús―.

Lo'o tya tyi'i̱ na' chalyuu, tya ta na' xee nu tyu'ú ne' cresiya ji'i̱ ñati̱.

Li' nchcuane nu ngu' nu ndyaca tsa'a̱ bi' ji'i̱ Jesús: ―Mstru ―nacui̱ ngu'―, ¿tilaca ntsu'u qui'ya ji'i̱ cha' cuityi̱' cloo yu cua lo'o ngula yu? ¿Ha ycui' yu? ¿Ha ngu' cusu' ji'i̱ yu ndacui qui'ya ji'i̱? ―Si'i xqui'ya yu cua, si'i xqui'ya ngu' cusu' ji'i̱ yu ―nacui̱ Jesús ji'i̱ ngu'―. Na cuityi̱' yu lo'o ngula yu cha' taca ña'a̱ ngu' ñi'ya̱ laca cña tonu nu cua'ni ycui' Ndyosi lo'o cua'ni Ni cha' tyaca tso'o yu.

Li' nchcui' Jesús lo'o: ―Cua lijya̱ na' chalyuu cha' cua'ni cuayá' na' ji'i̱ ñati̱, tilaca laca nu xñi cha' jna', tilaca laca nu ná tyaja'a̱ xñi cha' jna' ―nacui̱ Jesús―. Ta na' xee nu tyu'ú ne' cresiya ji'i̱ ngu' nu xñi cha' jna', masi ñi'ya̱ nti' cuityi̱' ti ngu' ndi'i̱ ngu' chalyuu; tacu̱' na' xee ji'i̱ ngu' nu ná tyaja'a̱ xñi cha' jna' tsiya' ti, masi ndu'ni ngu' cha' tso'o tsa ycui' ngu'.