آيات مشهورة من الكتاب المقدس منSAN JUAN 7

شارك

Ñati̱ nu ntsu'u cha' ji'i̱ lo'o na' caca ji'i̱ ngu' bi' ñi'ya̱ laca si ntsu'u sca su̱u̱ hitya ne' cresiya ji'i̱ ngu'. Tlyu tsa cha' tso'o ntsu'u ne' cresiya ji'i̱ ngu' bi', cha' cua'ni tso'o ngu' bi' lo'o tya'a ñati̱ ngu' li' ―nacui̱ Jesús ji'i̱ ngu'―. Lo quityi ji'i̱ ycui' Ndyosi nguscua cha' jua'a̱ caca ji'i̱ ngu' bi'.

Lo'o cua tye ti ta'a, tsa̱ ycui' ta'a li' tya ndu̱ Jesús ne' laa tonu. Cui̱i̱ nchcui' yu lo'o ñati̱ ca bi': ―Lo'o nguityi ca ma̱ hitya, ca̱a̱ ma̱ ca slo na' cha' ta na' hitya co'o ma̱ ―nacui̱ yu―.

Cua nti' Jesús chcui' lo'o ngu' cha' cua ta ti Ni Xtyi'i ycui' Ni cha' tyanu ne' cresiya ji'i̱ ñati̱ nu cua ngusñi cha' ji'i̱ ycui' Ni, bi' cha' nacui̱ yu jua'a̱. Bilya ta ycui' Ndyosi Xtyi'i ycui' Ni ca̱a̱ nde chalyuu, xqui'ya cha' bilya tyaa Jesús ca su tlyu su ntucua ycui' Ndyosi Sti yu.

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

Li' nda Jesús sca cha' lo'o ngu' nu ndi'i̱ ne' laa bi': ―Ná nclyu'u na' ji'i̱ ngu' cha' nu nda'ya hique ycui' ca ti na'; ña'a̱ cha' nu nclyacua ti' ycui' Ndyosi nu nda 'na lijya̱a̱ chalyuu, bi' laca cha' nu nclyu'u na' ji'i̱ ngu' ―nacui̱ Jesús―.

cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.