መጽሐፍ ቅዱስ ህያው ነውናሙና

መጽሐፍ ቅዱስ ሃገራትን ይለውጣል

በ 1800ዎቹ መጀመሪያ ነበር የ 12 አመት ናይጄሪየዊ ወንድ ልጅ እና ቤተሰቡ ወደ አሜሪካ በፖርቹጋል የባሪያ መርከብ ተወሰዱ። ነገር ግን መርከቡ የአፍሪካ ክልልን ሊለቅ ሲል በጸረ-ባሪያ ተቆጣጣሪዎች ተከቦ ህገወጥ አዘዋዋሪዎቹ በቁጥጥር ስር ውለዋል።

ልጁ እና ቤተሰቡ ነጻ ወጥተው ወደ ሴራሊዮን ተላኩ። እዚህ ነበር የመጽሐፍ ቅዱስን ሃይል ያገኘው።

ክርስቲያን ከሆነ በኋላ፣ ሳሙኤል አጃዪ ክሮውተር ብዙ ቋንቋዎችን በመማር በሴራሊዮን አካባቢ ወደሚገኙ ሀገሮች በመሄድ የሚሽነሪ ስራዎችን የሰራው።

ይህን ሁሉ ጊዜ ግን መጽሐፍ ቅዱስ በናይጄሪያ ቋንቋ—በዮሩባ ስላልነበረ ያጠናው በእንግሊዝኛ ነበር። ይህ ማለት በናይጄሪያ ያሉ እንግሊዝኛ መናገር የማይችሉ ሰዎች የእግዚአብሔርን ቃል በራሳቸው ማንበብ አይችሉም ማለት ነው። ስለዚህ አጃዪ በዮሩባ የሰዋሰው ስርአት በመጻፍ እገዛ በማድረግ መጽሐፍ ቅዱስን ወደዚያ ቋንቋ ተርጉሟል።

የዮሩባ መጽሐፍ ቅዱስን ከጨረሰ በኋላ፣ ሰዎች እርሱ ያገኘውን ህየወት ቀያሪ ተሞክሮ እንዲያገኙ መጽሐፍ ቅዱስን ወደሌሎች የናይጄሪያ ቋንቋዎች መተርጎም ቀጠለ። በኋላ ላይም ክራውተር በአንግሊካል ቤተክርስቲያን "የኒጀር ቢሾፕ" በመሆን የመጀመሪያው አፍሪካዊ የአንግሊካል ቢሾፕ ሆኖ ተመረጠ። እና ዛሬ በናይጄሪያ ያለው አንግሊካል ቤተክርስቲያን ከ 18 ሚሊዮን በላይ የተጠመቁ አባላት ያሉት ሁለተኛው ትልቅ አንግሊካን ክልል ነው።

በክራውተር የሰራው ራሱ እግዚአብሔር በአንተ ውስጥ በመስራት በቃሉ በኩል አለም ላይ ተጽእኖ ማምጣት ይፈልጋል። አንተ ብቻ ልትደርስባቸው የምትችላቸው በመጽሐፍ ቅዱስ ሊለወጡ የሚችሉ እየጠበቁ ያሉ ሰዎች አሉ። ስሊዚህ ዛሬ፣ እየተናገረ ባለው ታሪክ ውስጥ መጫወት የምትችለው ሚናን እንዲገልጥልህ እግዚአብሔርን ጠይቅ፣ እና ከጠየከው፣ ካሰብከው ወይም ከገመትከው በላይ በህይወትህ ሲያደርግ ተመልከት።