Wĭkheegŭn 12
12
1Toocheu, Sāsoos kamachĭn kesoogŭnŭk mĕskw nankŭmehagāwā’ wĭkhŭpalteemŏŏk, Bĕtanĭk pŭkŭchehĕ tan Lasa’l āĭt, tan wŏŏt kese mĕchenĕtpŭn, tanĭl Sāsoos kesepŭmowsooĕhlatpŭnĭl.
2Net tĕt ĕtlewĭkwhŭpalatĭt, ha Malt oonootŭmawŏ; kānookŭloo Lasa’l nĭkt pĕskw nāgŭmow tanĭk mowĭhpoomajĭk.
3Toocheu’ Male wĭhkwĕhtoon n’koochĭtkeegŏŏn soonhŭkĕnsoo’t lewĭhtasoo speiknald, pooktŭkehĕ, ŭksa’oodoo, ha oosoonpĕgŭnŭmooanŭl Sāsoosŭl ooseetŭl, ha oochekasŭmooanŭl ooseetŭl oopeāsoom ĭkŏŏk; ha wĕnoochegwŏm p’sŭnŏkwhĕsoo soonhŭkĕnsoot’.
4Toocheu’ nŭt pĕskw tanĭk wĕjekĕhkemoojĭk oohŭkĕk, Sooda Iscaleot lewesoo, Semoo ookwŏŏsŭl, tan kĕtekenooĕhlat Sāsoosŭl, eetŭm:
5Kĕkw wāje skat ankooĕhtase’nookŭs’ yoot soonhŭkĕnsoot ooche n’satkwādool denāleŭl, (tamaha’l nāooĭnsk’ kesageesooŭk), ha ŭnŭpmelan tŭmaksŭsooenooŭk.
6Skat yoot ooche‐etŭmooŭn ootŭmetŭhaman tŭmaksŭsooenoo, kānookŭloo ooche nāgŭm kŭmootŭnĕsks, ha ooteĭn manenoot’, ha pŭmĭptoon tan kĕkw pejātasĭk.
7Toocheu’ Sāsoos eetŭm: Ehkwĭhan āpet: ooche‐eenĕs’ ookesajĭhtŭmŭn keesook pooskŭnĭmk.
8Eebŭchŭl tŭmaksŭsooenooŭk k’mĕcheme‐uwawŏk ha mowāye’neak’; kānookŭloo nel skat k’mĕcheme‐ëuëpah’.
9Netwāje ŭktanakwsooŭk Lĕsweesŭk kĕjejehatĭt Sāsoosŭl ooteëlĭn net, ha pedabasooŭk skat tĕpŏŏkt ooche nāgŭm, kānoo neaga ooche nŭmĭha’nea Lasalŭl tanĭl Sāsoos kese pĕmowsooĕhlatpŭnĭl.
10Kānookŭloo k’chepatŭleasŭk mowăgŭnootŭmatooŭk neaga oonāpŭha’nea Lasalŭl.
11Eeebŭchŭl ooche nāgŭm ŭktanakwsoo’bŭnĭk Lĕsweesŭk majeaba’sĭtpŭnĭk, ha wĕlamsŭtŭmootoo’bŭnĭk Sāsoosŭl oohŭkĕk.
12Net apch ātau kesook ŭktanakwsooŭk pŭmowsooenooŭk tanĭk pĕdabasejĭk wĭkhŭpalteemŭk, noodŭmatĭt Sāsoosŭl oochkooëhalĭn Sāloosālĕmk’,
13Wĭhkwĕhtoo’neal p’skĕtkoonool ŭpŭs’ lewesoo Penĭks, ha ootŭlabase’nea ootasĭkoonea, ha ootookāmooltooŭk, etŭmootoo’ŭk; Hosana! (netŭna, kekĕk’w tŭkā’ch!) oolĕhlŭkwsooŭl Islĕl ookĭnchāmŭsmŭl, tanĭl wĕchkooehalejĭl K’chesakŭm wesooŭn ĭkŏŏk.
14Ha Sāsoos mĕskooŏt āwasesooëlejĭl jăkhasŭl, ootĕsagoopĕseenŭl, stŭkā ĕloowĭkhasĭk,
15Moo sak sĕksekŭch Seŭn ootoosŭl! sagĭhtĕ ŭkĭnchāmŭsŭm wechooĭhat ootĕsakoope’toowŏl jăkhas oojăkhascesŭmŭl.
16Netŭl kĕkwsāăl wĕdekĕhkemoojĭk skat oonŭstŭmoo‐teleunāweepŭn tŭmk. Kānookŭloo kesĭkchetŭmetŭhamkoosĭt Sāsoos oomĭkwetŭhadŭmŭn’eal netŭl kĕkwsăl āwĭkhaseegĭl; ha neaga Sāsoosŭl ookeselĕhtaganĕb’ŭnĭl netŭl kĕkwsāăl.
17Netwāje nāgŭmow tanĭk wĭjāooatĭtpŭnĭk [Sāsoosŭl] tan toocheu wĕje‐nootĕg’emat Lasalŭl pooskŭnegŭna’lŭkŏŏk, ha pĕmowsooĕhlat’, n’speuwŏŏlămhŭt’ooŭk.
18Ha netwāje mowehamŭk ootasekooawŏl, eebŭchŭl ookese‐noodŭma’nea nāgŭm ookeselĕhtagan yoot kenooŏskoodeegŭn.
19Netwāje Pălooseŭk yŭhoodooltooŭk: Skat k’nŭmĭhtoonea skatŭkĕkw k’tŭlekesātoopa? Sagĭhtŏŏk, ooskĭtkŭmĭkw oonŭkanoosookagoon.
20Net ankwŏŏch Gŭlekāweŭk mawe‐eooltooŭk nā’gŭmow tanĭk kesĭch‐kooĭkwakweabasejĭk ootemehanea [Săloosalĕmk’] wĭkhŭpaltemŭk.
21Nāgŭmow pĕdabasooŭk Pelĭpk, tan tŭlā’ Bĕtsādĭk, Goolelĕtk, ha oopabĕhche‐gĕse’neal, etŭmootooŭk: Sakŭm, n’pawatŭmŭnĕn nŭmĭhanĕn’ Sāsoos.
22Pelĭp pĕgŭchehat ha ootagŭnoodŭmooŏl Atŭlāwŏŏl, ha agĭmtĕ Atŭlā ha Pelĭp pĕtkowootooŭk ha ootagŭnoodŭmooawŏl Sāsoosŭl.
23Ha Sāsoos ootasedāma, eetŭm: Tĕpŭnaskooĭhak egĕhe pŭmowsooĭn Ookwŏŏsŭl ookechetŭme‐tŭhamkoosĭn.
24Ulĭhĕ, ŭlĭhĕ, yŏŏhoolĕkw, tanŭch eaga n’koochemĭngŭt hĭglĭskalŭn skat ŭlebŭnāgwehanook kŭtakŭmeegook ha skat mĕchenāwenŏŏk, n’koodookahtĕk; kānookŭloo mĕchenāwĭk k’chāowwemĭn‐kasooch’.
25Tan wŏŏt moosajĭt oopŭmowsooagŭn, ookŭskatoo’nch. Kānookŭloo tan akwetŭhhadŭk oopŭmowsooagŭn yoot ooskĭtkŭmĭkw, ootankāoo’tŭmŭn askŭmowsooagŭn ĭkŏŏk.
26Wĕn loo’kāwĭt noosookooĭch; ha tan āe, nooskenoosŭm net tĕtŭch āetŭch’. Wen lookāwĭt N’mĭhtakws ookeche‐tŭmetŭhamâl’ch.
27Tŭkā’ch n’chŭcha’kw oonmăjedŭhasoo: ha kākooch’ n’teetŭm? N’metakwe’, oochekekehe’n yoot t’paskooteegŭn! Kānookŭloo ooche yoot n’pŭkŭche yoot t’paskooteegŭnŭk.
28N’me’takwe’, k’chetŭmetŭhadŭmoon kooesooŭn’. Toocheu [Nŭkskam] noodooŏh ĕtlāwĕstakw spŭmkeek, eetŭm: N’kesĭkchetŭmetŭhadŭmŭn, ha neaga apch n’kechetŭmetŭhadŭmŭn’ch.
29Netwāje mowehamŭk tanĭk sĕklŭteejĭk kwĭheu’, etŭmootooŭk: Pā’dageu’. Kŭtŭkĭk etŭmootooŭk: Asā’leŭl ookŭloo’lkool.
30Sāsoos asedāmat ha eetŭm: Yoot kŭloowagŭn skat oochehegahāoo ooche nel: kānookŭloo oocheëgĕhĕ ooche kelooow’.
31Tŭkāch yoot ooskĭtkŭmĭkw ŭtploodasoo; tŭkā’ch yoot ooskĭtkŭmĭkw ookĭnchāmŭs’ŭmŭl noodeakânch’.
32Ha nel ooche‐oonagĕhlĭmk’ ktakŭmeegŏŏk, noochkooĭphak’ch m’seu pŭmowsoooenooŭk tan āe.
33Yoot wĕje‐eetŭk ootahkenooĕhtoon tanŭch ĕlemĕchenĕt.
34Pŭmowsooenooŭk ootasedāmawŏl: Nooje‐noodŭm‐ŭnĕnoopŭn bootoosooagŭn ĭkŏŏk Newĕsk’ askŭmeheu. Ha kĕkwsā’ wĕje‐heetŭmŭn pŭmowsooĭn Ookwŏŏsŭl chooeoonagĕhlach? Wĕn ea’ nŭt pŭmowsooĭn Ookwŏŏsŭl?
35Toocheu’ Sāsoos ootĭha: Makeyāoo pŭshakwhĕk wĕjehĕmkoo’nea. Pŭmabasĭkw kwĕneheeyĕkw pŭsakwhĕk, wĕlaman pĭskahtĕk skat ktŭlŭmĭhkagoonea; eebŭchŭl tan pāmĭhat pĭskatādook skat ookŭjejetooŭn tan ĕlehat.
36Kwĕneheeyĕkw pŭsakwhĕk wŏŏlamsŭtŭmŏŏkw pŭsakwhāgĭkŏŏk, wĕlaman ookwŏŏsĭn pŭshakwhĕk ŭkhŭkāwŏ. Yootŭl kĕkwsăl Sāsoos eetŭkĭl, ha machĕhĕ ha neaga ookwasŏŏhtooŏh.
37Kānook kak ĕdoochĭktana’gŭtool kenooŏskoodeegŭnŭl kesātak’pŭnĭl wāoochŭskooweu, skat oolamsŭtŭmoo’nëawepŭn oohŭkĕk.
38Wĕlaman Esae nekanĭk‐chejetakawenoo’ ookŭlooswagŭn, ŭlāu tan eetŭkŭs: Ukchesakŭm, wĕn kese oolamsŭt’ŭkŭs n’tagŭnoodŭma’gŭnŭn? ha wĕn Ukchesakŭm oopetĭn ĕlĕmĕsooĕhtoowŏŏts’?
39Netwāje skat kese‐wŏŏlamsŭtŭmooteetekoopŭn, eebŭchŭl Esae apch eetŭkŭs:
40Ookesĭnkabooĕhtooanŭl ooseskooŏl, ha neaga ookesesaglĭhtooanŭl oomŭshoonooŏl; wĕlaman skat oochenŭmĭhtahteuneal ooseskooŏl, ha oochĭnsŭtŭmooteuneal oomŭshoon’ooŏl, ha ookwŏŏlpĕh‐lŭsoolteunea, ha nel n’kesepelawŭnp’.
41Yootŭl kĕkwsăl Esae etŭkŭpŭnĭl, eebŭchŭl oonŭmĭhtooŏnāpŭn ookechetŭme‐tŭhamkoosoowagŭn, ha neaga oonŭstooha’bŭnĭl.
42Kānookŭloo ŭktanakwsooŭk pootooŭsooenooŭk wĕlamsŭtŭmooteejĭk oohŭkĕk, kānookŭloo ooche Paloo’se skat oopabĕhkensŭtoomoonea, ooche skat oochenoodeh‐nawŭnp hemeāwĭgwamŭk.
43Eebŭchŭl oopeāme‐moosaje’nea pŭmowsooenooŭk ookechetŭme‐tŭham‐koosooagŭnoowŏ skatŭk Nŭkskam ookechetŭme‐tŭhamkoosooagŭn.
44Ha Sāsoos kĭntakwsoo, eetŭm: Tan wĕlamsŭtŭk n’hŭkĕk skat [tĕpŏŏkt] ’leoolamsŭtŭmoo nel n’hŭkĕk, kānookŭloo Nāgŭm oohŭkĕk tan pĕtŭkemĭtpŭn.
45Ha tan nĕmĭhat oonŭmĭhal Tanĭl pĕtŭkemĭtpŭnĭl.
46N’pŭkŭche ooskĭtkŭmĭkw n’pŭshakwhan, wĕlaman m’seu wĕn tan wĕlamsŭtŭk n’hŭkĕk, skatŭp pŭmehāoo pĭskatātŏŏk.
47Ha tan wĕn nootŭk n’kŭlooswa’gŭnŭl ha skat kŭlnŭmook, nel skat n’tŭbloomaoo; kānookŭloo skat nooche‐pŭkŭchehow n’tŭploo’tŭmŭn ooskĭt’kŭmĭkw, kānookŭloo wechepŭkŭchehae n’kekĕhtoon ooskĭtkŭmĭkw.
48Tan wĕn sāmahlĭt, ha skat wekwātŏŏkw n’kŭlooswa’gŭnŭl, ootewŏl tanĭl tĕbloomchĭl. Kŭlooswagŭn tan etŭmanpŭn, netŭch tĕbloomal m’chŭsŭlāwā keesŏŏk.
49Eebŭchŭl skat nooche‐kŭloosekoopŭn nel n’hŭkĕk, kānookŭloo N’mĭhtakws tan pĕtŭkemĭtpŭn, Nāgŭm n’mĭlkoonāpŭn hŭlgetŭmooagŭn tan ĕlāwĕstoo ha tan eetŭm.
50Ha n’kŭjejĭhtoon ootŭlgetŭmooagŭn askŭmowsooagŭneu’. Netwāje tanĭl kĕkwsăl nĕstoomanĭl N’mĭhtakws tan yehĭtpŭn net nĕstŏŏm’.
Currently Selected:
Wĭkheegŭn 12: PQM1870
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
First published by the British and Foreign Bible Society in 1870.
