Wĭkheegŭn 13
13
1Net mĕskw nankŭmehanook wĭkhŭpalteemŭk Sāsoos ookoojejĭhtoonĕs’ ootĕbŭnaskooehaagŭm egĕhĕ oochenoodahan ooskĭtkŭmĭkw ha ootŭlĭhan Oomĭh’takwsŭk, kes ookesĭksĕlmabŭnĭhĭ oosewĕs tanĭhĭ ooskĭt’kŭmĭkw āooltelejĭhe, oomoosalabŭnehe malŭmŭtā māchehak.
2Ha oolagwĭhpooagŭn e’gŭhĕs, ha mŭchŭhant ookese‐pejĕhtooŏts Sooda Iskăleo’t Semoo ookwŏŏsŭl oomŭshoonŭk ootahkenooĕhlan;
3Sāsoos ookŭjejĭhtoonĕs’ Oomĭhtakwsŭl oopoonĕhtagoon m’seu kĕkwsal oopeteenŭk, ha nāgŭm ookesuchĭhan Nŭkskamooĭkŏŏk, ha ootŭlĭhan Nŭkskamooĭkŏŏk;
4Ooche‐oonagĕhsoopŭn oolagwĭhpooa’gŭnŭk, ha oopoonĕhtoonāpŭnĭl ootŭlkwŏŏtawagŭnŭl, ha wekwĕhtoonāpŭn kasegŏŏhoosoot’ ha ootŭlĕgŭpĭlsenāpŭn.
5Agĭmtĕ oosooka’toonāpŭn sâmagwŏn tooegŭsegwĕnsootĭk, toocheu’ oomachĕksŭspatooŏnāpŭnĭl ooseetoowŏl’ tanĭhĭ ĕgĕhkemăjĭhĭ, ha oochekashŭmooanāpŭnĭl kasegŏŏhoosootĭk tan ĕlĕgŭpĭlsĭtpŭn.
6Toocheu’ oopŭkŭchehanŭl Semoo Peālŭl, ha Peāl ootĭhal: Nsa’kŭmâm, kŭsŭspatoonŭl ’nseetŭl?
7Sāsoos asedāmat ha ootĭhal: Tan ĕlŏŏkĭ tŭkā’ch skat ŭkŭjejetooŭn; kānookŭloo ĕlmĭhak kŭjejetoo’nch.
8Peāl ootĭhal: Kel skattĕhch kŭsŭspatooweunŭl ’nseetŭl. Sāsoos ootasedāmâl: Skat ŭksŭspahlŭl’ooân’ kel skadama k’teëwŭn tŭpĕltŭmooagŭn ’nhŭkĕk.
9Semoo Peāl ootĭhal: N’sakŭmâm, skat tĕpŏŏkt ’nseetŭl, kānookŭloo neaga ’npeteenŭl ha neaga nŭneagŭn.
10Sāsoos ootĭhal: Tan wŏŏt kesĭksŭspatasĭt tĕpŏŏk’t wĕtŭmĕtŭhadŭk ookoosŭspahtoon ooseetŭl, ha toocheu’ ’nkĭhkapabâtŭmepĕhkeegoo. Ha kelooow’ ŭkpabâtŭmepĕhkeegoolteba, kānookŭloo skat m’seu.
11Kānookŭloo Sasoos ookŭjejĭhal tanŭl kĕtooekenooĕhlĭhjĭl, netwāje eetŭk: Skat ’mseu’ ŭkpabâtŭme‐pĕhkeegoolteeba.
12Net kesĭksŭspatoo’ŏt ooseetooŏl, ha kesewĭhkwāātâkw ootŭlkwŏŏtāwa’gŭnŭl, ha kesŭpĕssĭt, ootĭha: Kŭjejetoo’nea keselĕhlŭlĕkw?
13Tŭleweheepa Noodŭkĕhkegāmĭt ha’Nsâkŭmamŭn, ha koolâmhŭteeba, eebŭchŭl nel nŭt.
14Netwāje nel tan koosakŭmamoolte’nea ’nhŭk, ha neaga kŭnootŭkĕhkemlŭpa, ŭksĭspahtoolĕkw ŭkseetooŏl, kelooow’‐ŭpŭna kŭsŭspa‐taootool‐te’neal ŭkseetooŏl.
15Eebŭchŭl kesemĭlŭn’ea kĕhkĭmsoot k’tŭlookhŭte’nea tan lĕhlŭlĕkw.
16Ulĭhĕ, ŭlĭhĕ, yŏŏhoolĕkw, tan wŏŏt tĕbĕlŭmŭkwsĭt, skat ăjĭspāu skatŭk oosâkŭmamŭl; kŭsŭna tan wŏŏt ĕlkeemoo’t skat peāme‐spāu skatŭk tanĭl ĕlkemajĭl.
17Net kŭjejetooĕkw yootŭl kĕkwsăl, koolāoolteeba hŭlŏŏkhŭteĕkw’.
18Skat noochekŭlooseu ’mseu kĕs’eĕkw: ’nkŭjejĭhâk tanĭk mĕgŭnookpŭnĭk: eebŭchŭl wĕlamân tan ĕloowĭkhasĭk ŭlĭhĕ: Tan wŏŏt mowĭhpoolteeĕk hŭpanŭl, ĕleoonagĕhtak’ws wookwŭn nel ŭlgweu.
19Net nekanagŭn‐ootŭmoolpa mĕskw egŭhanŏŏk, wĕlamân eegŭhâk koolâmsŭtŭmŭnea’ch nel nŭt.
20Ulĭhĕ, ulĭhĕ, tan yŏŏhoolĕkw, tan wĕn wekwĕhlat tanĭl nel ĕlkeemook, neaga nel noowĭhkwĕhlŭkw. Ha tan wĕn wekwĕhlĭt nel, wekwĕhlal tanĭl pĕtŭkemĭtpŭn.
21Net Sāsoos kese eetŭk neetŭl, wŏŏnmăje‐dŭhasoo oomŭshoonŭk, ha ootăgŭnoodŭmooha, eetŭk: Ulĭhĕ, ŭlĭhĕ, tan yŏŏhoolĕkw, pĕskw kelooow’ ’ntakenooĕhlŭkwch.
22Toocheu’ nootŭhkĕhkemoojĭk esagehootooltooŭk, skat ookŭjejĭhaweuwŏl tanĭl wĕnĭl eetŭkĭl.
23Net pĕskw tanĭhĭ Sāsoos ĕgĕhkemajĭhĭ, tanĭl Sāsoos kĕsĕlmajĭl, sĭtkwĕhsoonool Sasoosŭl oopŭskoonŭk.
24Netwāje Seemoo Peāl oomătkwĕhtoowŏl oopabĕhchemân tanĭl wĕnĭl eetŭkĭl.
25Toocheu’ nāgŭm tan ĕsĭtkwĕssĭkpŭn Sāsoosŭl oopŭskoonŭk, ootĭhal: N’sakŭmâm wĕn nŭt?
26Sāsoos asedāmat’ eetŭm: Nŭt ĕhtŭ tanŭch meelook ăpsŭgĭkwsŭsŭk keseskwĭhhegeân’. Ha kese skwĭh‐heegĕk ăpsŭgĭkwsŭsŭk, oomeelân Sooda Iskăleotŭl.
27Kesĭmsŭnŭk ăpsŭgĭkwsŭsŭk muchŭhant’ ookŭsahaanŭl. Toocheu’ Sāsoos ootĭhal: Tan kĕkw kĕdelĕhta’geŭn, nŭkŭsalātâk’.
28Net skat wĕn nāgŭmow tanĭk mowepoomajĭk ookŭjejetoonea kĕkwsā’ wĕjeyŭhat net.
29Kānookŭloo ankwŏŏch ledŭhasooltooŭk eebŭchŭl Sooda ooteĭn manenoot’, Sāsoos ookeseyŭhân mŭnŏŏhmoo’n tanĭl kĕkwsăl pawa’tŭmŭkw ooche wĭkhŭpalteemŭk, kŭsŭna oomeelan kĕkwsā tŭmaksŭsoowenoo.
30Net kesĭmsŭnŭk ăpsŭgĭkwsŭsŭk nŭkŭsa‐noodĕhĕ: ha kes pĭskehĕ.
31Ha netwāje kese noodŭhat Sāsoos eetŭm: Tukāch’ pŭmowsooĭn Ookwŏŏsŭl k’chetŭmetŭhâmkoo’sooŭl.
32Ha Nŭkskam wĕjĭk‐chetŭme‐tŭhâmkoosĭt oohŭkĕk. Nŭkskam neaga ookechetŭmetŭhamâl’ch oohŭkĕk, ha oonŭkŭsak‐chetŭme‐tŭhamâlch’.
33Wasestŏŏk, ’mchŭsŭl makeāwŏŏs kooejāyoolpa. Kweloohepâch’, ha stŭkā’ yŭhŏŏkpŭn Lĕsweesŭk tan tĕt ā’lehae skat pĕdabasun’ea, net na kelooow’ yŭhoolĕkw.
34Pelā’ hŭlgetŭmooagŭn melĕkw, wĕlamân kŭsĕltoolte’nea. Stŭkā’ net ĕlĭksĕlmŭlĕkw, net na ŭktŭlĭksĕltoolte’nea kelooow’.
35Netŭch ’mseu wĕnĭk ookŭjejetoo’nea kelooow’ koodŭkĕhkĭmkoosoolte’nea nel ’nhŭkĕk ŭksĕltoolteĕkw’.
36Semoo Peāl ootĭhal: N’sakŭmâm, tama k’tŭle? Sāsoos ootasedāmal: Tan ā’lehae skat kese noosookŭweu’ tŭkāch’; kānookŭloo ĕlmĭhak noosookooĭch’.
37Peāl ootĭhal: Nsa’kŭmâm, (kĕkwsā’ wāje,) kĕkwāje skat kese noosookooloo tŭkāch? ’npŭmowsooagŭn ’ntŭlepoonmŭnch ooche kel.
38Sāsoos ootasedāmal: K’tŭlepoonmŭnch k’pŭmowsooagŭn ooche nel? Ulĭhĕ, ŭlĭhĕ, yŏŏhool, nabaha’ch skat mŭtĕhtakseu agĭmtĕ ŭktĭgŭnāwalĭch’ nĭhĭ.
Currently Selected:
Wĭkheegŭn 13: PQM1870
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
First published by the British and Foreign Bible Society in 1870.
