Wĭkheegŭn 11
11
1Naga ooskedape ŭksenookapŭnŏk, Lasa’l lewesoopŭnŏk, Bĕtanĭk tŭlāowewoopŭnŏk, Male ha wĭjegetetejĭl āpelejĭl Malt ootoodānĕseesooŏk.
2Nŭt Male tan soonpĕgŭnatpŭn Uksakŭmamenooŭl soonpĕgŭnŭsoot’, ha ookasŭmooanĕpŭnĭl ooseetŭl oopeāsoom ĭkŏŏk, tan wĭjegetetedŭŭ Lasal kĕsenookatpŭn.
3Netwāje wĭjegemajehe āpe’lejehe, oopĕdapoohaneapŭn kŭloosooagŭn Sāsoosŭl, eetŭmoopŭnĭk: Sakŭm, sagĭh’t, tan moosalŭt ŭksenooka.
4Net Sāsoos nootŭk, eetŭm: Yoot ŭksenookāwagŭn skat ooche ëu n’pooakun ĭkŏŏk; kānookŭloo wĕje ëĭk Nŭkskam ookechetŭmetŭhamkoosooagŭn ĭkŏŏk, wĕlaman Nŭkskam ookwŏŏsŭl ookeche‐tŭme‐tŭhamkoosĭn.
5Net Sāsoos ookŭsĕlmal Malëtŭl ha wĭjegetetejĭl āpelejĭl, ha Lasalŭl.
6Netwāje tan toocheu kese noo’tŭmat ookŭsenookalĭn māch ŭnkĕhsoo nesoogŭneu’ tan tĕt āĭt.
7Toocheu agĭmtĕ ootĭha nootŭkĕhkemoojĭk: Labasenĕch apch Lĕsweesooŏkĭk.
8Nootŭkĕhkemoojĭk ootĭhawŏl: N’sakŭmamŭn, kĕchhe’kaweu’ Lĕsweesŭk kŭtepŭnŏpskoohookoo’pŭnĭk, ha k’tŭlehan apch net?
9Sāsoos ootasedāma: Skat ea’ nesankoo tŭpaskoodeegŭnŭl n’kāgeu’? Pŭmoosĕt’ wĕn spŭtā’oo skatŭch napĭskwamaoo, eebŭchŭl nŭmĭhtoon ooskĭtkŭmĭk oopŭsakwhāgŭm.
10Kānookŭloo pŭmoosĕt wĕn nebaeu napĭskwamach’, eebŭchŭl skat pŭsakwhĕk ëeu’ oohŭkĕk.
11Yootŭl kĕkwsăl eetŭkĭl, toocheu’ agĭmtĕ ootĭha: Lasal ŭksewĕn koowak. Kānookŭloo n’tŭlĭhan wĕlaman n’tookĕhla.
12Netwāje nootŭkĕhkemoojĭk ootĭhawŏl: N’sakŭmamŭn, kooweet, woolāooch.
13Kānookŭloo Sāsoos wĕskoowootŭmooŏt oonŭpooagŭn; kānookŭloo nāgŭmow ledŭhasooltooŭk ooskoowootŭmŭn atlasĭmwā’ kāweemŭk.
14Netwāje toocheu Sāsoos opabĕhkeyaha: Lasal mĕhche’neak’.
15Ha noole’dŭhas ooche kelooow’ skat n’teë’wŭn net; wĕlaman koolamsŭtŭmŭnea. Kānookŭloo la, base, nech āĭt.
16Netwāje Tooma, tan eaga lewesoo Tŭkwĕhs, ootĭha tanĭhĭ mowkĕhkemajĭhĭ; Keloon na labasenĕch, wĕlaman kooweje‐mĕhchĭnhŭteebŭn.
17Netwāje Sāsoos pĕgŭchehat net, oomŭskŭmŭn kesepooskŭnasooŭl kes nāoogŭnŭkŭt.
18Net Bĕtăne kwĭheu’ Sāloosălĕmk, wĕjātagāmŭk tamahal toodŭn nanankoo stādëei, [netal tamahal neesoohsalkŏŏt.]
19Ha ŭktanakwsooŭk Lĕsweesŭk pĕdabasejĭk Malt ha Male āeetĭt, ooltĕkooŏn’ea ooche wĭjekematetŭhŭ.
20Netwāje Malt ātoochenoo’dŭmat Sāsoosul oochkooehalĭn ootŭlĭhan oonăjeasĭkooŏl. Kānookŭloo Male māch hŭppoo wĕnoochĭgwamŭk.
21Toocheu Malt ootĭhal Sāsoosŭl: N’sakŭmam, ëŭnsŭbŭn yoot tĕt, wejegeteĕk’ skatŭp mĕchenāweak’.
22Kānoo n’kŭjejĭhtoon tŭkāch tan ĕlewĭh‐koodŭm‐ooŭt Nŭkskam, kŭmĭlkoonch’ Nŭkskam.
23Sāsoos ootĭhal: Wejege’teĕkw nŭmchĕsoo’ch.
24Malt ootĭhal: N’kŭjejĭhtoon nŭmchĕsooch tan toocheu menooowsooltĭmk m’chŭsŭlāwā’ keesook.
25Sāsoos ootĭhal: Nel net abĭjebāwa’gŭnĭ, ha pĕmowsoowa’gŭnĭ. Tan wĕlamsŭtŭk n’hŭkĕk chegow mĕchenĕt pŭmowsooch’.
26Ha tan pĕmowsĭt ha wĕlamsŭtŭk n’hŭkĕk, skatŭch mĕhchenāoo askŭmeu. Koolamsŭtŭmŭn yoot?
27Ootĭhal: Aha, ’nsa’kŭmam, noolamsŭt’ŭmŭn kel Newĕskooĭn, Nŭkskam Ookwŏŏsŭl, tan pĕkŭche’hat ooskĭtkŭmĭkw.
28Ha kese eetŭk net n’noomachŭhan, ha wĭhkwemal wejegetetejĭl Malewŏŏl kegemeu’, ootĭhal: Nootŭkĕhkekāmĭt pŭkŭchehĕ, ha kooĭhkweemŭkw.
29Ha Male ātoochenootŭk nŭkŭsaoonagĕsoo ha oopŭkŭchehanŭl.
30Net Sāsoos māch mĕskw pŭkŭchehāwe oodānĕseesŭk; kānookŭloo māch ëu tan tĕt Malt ĕtle‐asegooŏtpŭn.
31Netwāje Lĕsweesŭk tanĭk wejāooŏtpŭnĭk lămĭgwŏm, tanĭk ĕtle‐wŏŏlĭkooŏtpŭnĭk, nĕmehatĭt Malewŏŏl oonŭkŭsaoonagĕselĭn ha oonoodŭhalĭn, oonoosookooawŏl, yŭhoodooltooŭk: Pooskŭnegŭnalŭkŏŏk ŭlehĕ năje‐oosegĕltŭm net.
32Netwāje Male pĕkŭchehat Sāsoosŭl āeelĭt, m’sakŭnahtĕssĭn ooseetŭk, ootĭhal: N’sa’kŭmam, ëŭnsŭbŭn yoot tĕt, wejegeteĕk skatŭp mĕhchenāwea’k.
33Sāsoos netwāje nĕmĭhat oosasŭtĕmeelĭn ha oonŭmĭha Lĕswees tanĭhĭ wejāoowajĭk, sasŭtĕmooltŏŏh’, mākwĕ, oochŭchakwemākwĕ, ha oosegetŭhasoo,
34Ha eetŭm: Tama k’poonawŏh? Ootehawŏl: N’sakŭmamŭn, ch’kooe, ha sagĭht!
35Sāsoos sasŭtāmoo.
36Netwāje Lĕsweesŭk etŭmootooŭk: Sagĭhtook! ātoochemŏŏsalats!
37Ha ankwŏŏch etŭmootoo’ŭk: Wŏŏt ooskedap tan pantĕhtooŏtpŭn nĕkabelĕjĭl ooseeskool, skatŭpa’l keselĕhlow’eŭl wŏŏt ooskedăpeŭl skat oomĕhchenaleewŭn?
38Netwāje Sāsoos apch mākwĕ lameu pĕkŭchehat pooskŭnegŭnalŭkŏŏk. Ulmalkŭtŏŏs’ pŭnŏpskŏŏk nŭ, ha pŭnŏpskw wĕskĭtĕk.
39Sāsoos eetŭm: Sĕmahtŏŏk pŭnapskw. Malt, n’pool’n wejegetetejĭl, ootĭhal: N’sakŭmam, tŭkā’ch kes pelooemĕhĕ, eebŭchŭl kes oomĕhchenan nāoo‐wookŭnŭkŭt.
40Sāsoos ootĭhal: Skat ea kŭtehoolookpŭs, wŏŏlamsŭtŭmŭn’, kŭnŭmĭhtoo’nch Nŭkskam ookeche‐tŭme‐tŭhadŭmooagun?
41Toocheu’ oochesāmahtoo’nea pŭnŏpskw [tan tĕt n’pooenooŭl ĕlŭsĭnlĭt]. Ha Sāsoos spŭmŭk lĭkchĕsooŭl ooseeskool, labĕsoo, ha eetŭm: N’metakwe’, wĭhwenooamŭl eebŭchŭl ŭkjĭksŭtooeepŭn!
42Ha n’kŭjejĭhtoonāpŭn kel mājemeu’ k’jĭksŭtooe; eebŭchŭl ooche yoot mowehamŭk tanĭk weunekabooehajĭk, n’teetŭm: wĕlaman nāgŭmow oolamsŭtŭmŭn’ea kel ŭktŭlkeemĭn.
43Ha kese edŭk yoot, kĭntakwsoo, eetŭm: Lasa’l! chkooe‐nootaha!
44Ha tan mĕchenĕtpŭn wĕchkooe‐nootahat, tŭbakwĕknasooŭl oopeteenŭl ha ooseetŭl n’pooenooāyal hŭlgootāwa’gŭnŭl. Sāsoos ootĭha: Apkwĕhlŏŏk, ha kesĕltŭmoowŏŏk’ oomachŭhan.
45Netwāje ŭktanakwsooŭk Lĕsweesŭk tanĭk pĕdabasenëa’bŭnĭl Malewŏŏl, ha oonŭmetoonea ĕlookālĭt, oolamsŭtŭmootooŭk oohŭkĕk.
46Kānookŭloo ankwŏŏch labasooŭk Paloose‐eekŏŏk ha ootagŭnoodŭmooawa Sāsoosŭl ĕlookālĭt.
47Netwāje k’chepatŭleasŭk ha Palooseŭk oomawĕhlawa bootooŭsooenoo’ ha etŭmootoo’ŭk: Tanŭch tŭlātakhŭtenān? eebŭchŭl wŏŏt ooskedap ookesātoonŭl ŭktana’gŏŏtool kenooŏskoodeegŭnŭl.
48Chegetooŭkw ootŭlāĭn yŏŏt, Lomkā’weŭk pĕdabasooŭkch ha kooekwātagoonānŭch kŭmŭtkĭn’ ha neaga kooëkwĕhlŭkoonwŏŏk’ch nĕkwtakŭmĭkseŭkw.
49Nŭt pĕskw nā’gŭmow lewesoo Keiep, tan ĕlĭkche‐patŭleaswĭt net pĕme’kŭtŭk, ootĭha: Skatama kĕkw kŭjeje’toote’pa.
50Ha skat ŭktŭlĭtpedŭhadŭmoo’nea kooche‐kaneāwooltenĕn’ pĕskw ooskedăp oochemĕchenan ooche‐pŭmowsooenooŭk, wĕlaman m’seu’ nĕkwtŏŏkŭmĭksejĭk skat ooche‐skwŏŏskĕseuneea.
51Kānookŭloo skat ooche eetŭmoo’ŭnŭl yootŭl kĕlooswa’gŭnŭl nāgŭm oohŭkĕk; kānookŭloo ĕlĭkche‐patŭleaswĭt net pĕmeekŭtŭk, nĭkaneuhŭla’jŭmoo Neewĕskw oochemĕchenĕch’ nĭhĭht n’kŏŏtookŭmĭksoo.
52Ha skat tĕpŏŏkt nĭhĭh’t n’kŏŏtookŭmĭksoo, kānookŭloo neaga mowĕhlan oopĕskooeelĭn Nŭkskam ooneja’n tanĭk sesĕhtĕkoojĭk.
53Netwāje wĕchā’tagā’mŭk net kesŏŏk mowagŭnoodŭmak oonā’paha’nea.
54Netwāje Sāsoos skat agwa’mk ŭlemĕsoowepŭmehāu Lĕswesooĭkŏŏk, kānookŭloo machĕhĕ, ha ŭlĭhe kŭta’kŭmĭkw, oodānĕk tan lewesooweu’ Eplŭm, ha net ĕtlemow‐āyĭt tanĭhĭ ĕgĕhkemajĭhĭ.
55Net Lĕsweesŭk nankŭmehagāwā’ wĭkwhŭpaltĭmkāwāamooŏh kŭtëegĕhe, ha ŭktanakwsooŭk pŭleu‐ootabasooŭk, ha ĕlĭtkwakweabasooŭk Sāloosălĕmk, oopĕhkehoosoolte’nea, mĕskw wĭkhŭpalteemŏŏk.
56Nookwelooŭha’nea Sāsoosŭl, ha yŭhoodooltooŭk sĕklŭteetĭt k’chehemeāwĭgwamŭk: Kĕkw ledŭhasoolteeba? skatŭcha’l pŭkŭchehāoo wĭkhŭpalteemŭk?
57Net k’chepatŭleasŭk ha neaga Palooseŭk ĕlekeslootŭmootĭt wĕn ŭkche’jeha’t tan āeelĭt ootăgŭnemal’p, wĕlaman ootakwoonawŏlp.
Currently Selected:
Wĭkheegŭn 11: PQM1870
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
First published by the British and Foreign Bible Society in 1870.
