लूका 3

यूहन्ना बपतिस्मा जिऊमिठाच गा खाबोर

(मत्ती 3:1-12; मरकुस 1:1-8; यूहन्ना 1:19-28)

1येटेन रोमी सम्राट कैसर तिबिरियुस गा राजो गा पंद्रा साल डा। जब पुन्तियुस पिलातुस यहूदिया जिल्हा गा राज्यपाल डा। हेरोदेस राजा गलील जिल्हा गा राजा डा, एठा दियागा डाईटे फिलिप्पुस, इतूरैया एठा त्रखोनीतिस जिल्हा गा राजा डा। लिसानियास अबिलेने जिल्हा गा राजा डा। 2डी टेमो जब हन्ना एठा कैफा खाटयाजक डा, मेटे परमेश्वर गा खाबोर सुनसान जगान जकर्याह गा कोणटे यूहन्ना गा मेरान पोचातींजे। 3एठा देटेन यरदन गडा गा आसो-पासो गा सेबाई गाँव नौर सेने डा इनी खाबोर जिऊ डा। कि आपे-आपेगा पापो मन बबादला एठा बपतिस्मा सेगे मेटे परमेश्वर आपेके आपेगा सेबाई मापो जेबा। 4डेनोगोका परमेश्वर गा कोनेटे मंडीमिठाच यशायाह गा मंडीके मिनी वचन गा पुस्तक गेन ओलके होय “सुनसान जगान म्या हाको मिठाच गा आवाज आजुमू लक्के होय, कि प्रभु गा कोरा तैयारे मेना, दियागा साळाक्को सीधा आरोए। 5हर म्या भुरु पिलेनेवा, एठा हार म्या टुक्की एठा बल्ला इटेनेवा। एठा जो तेळा होय सिधाएवा एठा जो ऊँचा इटान होय देटेन चावळा कोरा आरोएवा। 6सेबाई कुरकू परमेश्वर गा उध्दार के डोगेवा।” 7जो खाट गर्दी दियाटे बपतिस्मा सा घल्जी ओटटे हेजे डा, देटेन दिकुटे मंडी डा, “आपे जो जहरमिंकू बिंजकु रोंगो खतरनाक होय, आपेगा येटेन सोचातिंज गलत होय, कि सिर्फ बपतिस्मा साटे आपे आपेगा पापो गा घल्जी परमेश्वर गा द्वारा दण्डो घटाऊ टे बचातिंजूवा। 8इनिघल्जी सजाटे बचातिंजू घल्जी येनोगो कामय डाए जो दर्शातिंजेवा होय, कि आमनी सही गेन पश्ताप डाके होय। एठा आपना-आपना मनेन येटेन बाकी सोसाचातिंज, कि आलेके सजा बान जिऊ चोयाकी अब्राहम आलेगा बाटे होय। इंज आपेटे सच्चो मंडीवा मेना कि परमेश्वर आपेगा जगान अब्राहम गा घल्जी अलग्गो जाटो टे कोणकु डायेबा होय। 9परमेश्वर हारेक जेका गा भी न्याय दडा घल्जी तैयारके होय देटेन अमा-इंजा बान दडा डेनोगोका आखे मिठाच कोरो डी सिंज गा जळीके म्हा-म्हागा घल्जी तैयारके होय जो अच्छा फल बान जिऊ। हरेक कोरो जो डी सिंज गा रोंगो होय जो अच्छा फल बान जिऊ, डीके परमेश्वर गा द्वारा गुनेगार ठहारातिंजेबा एठा सिंगेलेन टेप्पाएवा।” 10एठा कुरकू नी दियाटे कोम्बाराके, “परमेश्वर गा सजाटे बचातिंजू घल्जी आले चोच डाए?” 11डीचनी दिकुके जवाब जीके, “जेगा मेरान बरी कुर्ता टासो देटेन म्या डीचके जिकी दियागा मेरान म्या भी बाऊ। जेगा मेरान आटा होय, देटेन भी येनोगोका डाए।” 12एठा टेक्सा सा मिंकूभी बपतिस्मा सा हेन एठा दियाटे कोम्बाराके, “हे गुरु, आले चोच डाए?” 13डीचनी दिकुटे मंडीके, “जो सरकार गा कोनेटे ठहरातिंज्के होय, देटे येठाभी टेक्सा सा बाकी।” 14एठा अदा सिपाईकुनी भी दियाटे कोम्बाराके, “आले चोच डाये?” यीशु नी दिकुटे मंडीके, “जेकाकेभी बाकी ससातातिंज एठा जेका लिंजेन लाबाळ गुनह बाकी तोटाका, एठा खुद मुंजरी लिंजेन शक बाकी दोडो।” 15जब कुरकू मसीह गा जल्लो हेजे गा आसानके डा, एठा सेबाईकु इकु-इकुगा मनेन यूहन्ना गा बारेन बिचार लक्के डा, कि चोच इनिज्का मसीह नी बाने होय? 16मेटे यूहन्ना नी दिकु सेबाईकु गा जवाब गेन मंडीके, “इंज्नी आपेके डा टे बपतिस्मा जेबा मेना, पेनो देटेन हेजेमिठाच होय, जो इंजाटे शक्तीशाली होय। इंज्नी इनी लायको भी बाने, कि दियागा बुट्टा गा मोनजा कोलाकी, देटेन आपेके पवित्र आत्मा एठा सिंगेल टे बपतिस्मा जेबा। 17यीशु गा टी गेन किसिंज होय, एठा देटेन हेजा गा ख्यारयान अच्छा रिती टे साफागेवा, एठा हेजा गुं केनी गोमटान गोलाएवा, पेनो भुसाके डी सिंगेलेन जुलेबा जो हिरीजू बाने।” 18इनी रोंगो यूहन्ना बपतिस्मा जिऊमिठाच घोनेचका शिक्षा जी जीटे अच्छा खाबोर घागल लज्जे।

हेरोदेस व्दारा यूहन्ना के जेलेन येंडा

(मत्ती 3:13-17; मरकुस 1:9-11)

19पेनो डीचनी उफुन भी देशो गा राजा हेरोदेस के दियागा डाईटे फिलीप गा जापाएटे हेरोदियास टे ब्याह डावे डा एठा सेबाई पापो गा बारेन जो डीचनी डाके, डा, यादो जीके। 20इनिघल्जी हेरोदेस डीचके सेबाईकु टे खाट पापो डाके, यूहन्ना के जेलेन येंडाकेनेच।

यूहन्ना व्दारा यीशु गा बपतिस्मा

21जब सेबाई कुरकू नी बपतिस्मा सावे, एठा यीशु भी बपतिस्मा साटे प्रार्थना दडा लक्के डा मेटे बदळा खुल्लायेन मेना। 22एठा पवित्र आत्मा कोम्बोर गा रुपोन कबूत्तर गा रोंगो दिया लिंजेन आगुरुके एठा येटेन बदळा कोंटे आवाज हेन, “आम इंजा प्रिय कोण होय, इंज अमाटे खुशोके मेना।”

यीशु गा पीढी

(मत्ती 1:1-17)

23जब यीशु नी कुरकू के शिक्षा जिऊ सुरुके, मेटे अंदाज टे तीसो साल गा उमार गा डा। एठा (जैसा सामझातिन्जू डा) यीशु यूसुफ गा कोंटे डा, यूसुफ एली गा कोंटे, 24एठा एली मत्तात गा कोंटे डा, मत्तात लेवी गा कोंटे डा, लेवी मलकी गा कोंटे डा। एठा मलकी यन्ना गा कोंटे डा, एठा यन्ना यूसुफ गा कोंटे। 25एठा यूसुफ मत्तिन्याह गा कोंटे डा, मत्तिन्याह आमोस गा कोंटे डा, आमोस नहूम गा कोंटे डा, नहूम असल्याह गा कोंटे डा, असल्याह नोगह गा कोंटे डा। 26एठा नोगह मात गा कोंटे डा, मात मात्तीत्याह गा कोंटे डा, मात्तीत्याह शिमी गा कोंटे डा, शिमी योसेख गा कोंटे डा, योसेख योदह गा कोंटे डा। 27एठा योदह यूहन्ना गा कोंटे डा, यूहन्ना रेसा गा कोंटे डा, रेसा जरुब्बाबेल गा कोंटे डा, जरुब्बाबेल शालतियेल गा कोंटे डा, शालतियेल नेरी गा कोंटे डा। 28एठा नेरी मलकी गा कोंटे डा, मलकी आद्दी गा कोंटे डा, आद्दी कोसम गा कोंटे डा, कोसम इलमोदाम गा कोंटे डा, एठा इलमोदाम एर गा कोंटे डा। 29एठा एर यीशु गा कोंटे डा, यीशु इलाजार गा कोंटे डा, इलाजार योरिम गा कोंटे डा, योरिम मत्तात गा कोंटे डा, मत्तात लेवी गा कोंटे डा। 30एठा लेवी शमौन गा कोंटे डा, शमौन यहूदा गा कोंटे डा, यहूदा यूसुफ गा कोंटे डा, यूसुफ योनान गा कोंटे डा, एठा योनान इल्याकिम गा कोंटे डा। 31एठा इल्याकिम मलेआह गा कोंटे डा, मलेआह मिन्नाह गा कोंटे डा, मिन्नाह मत्तता गा कोंटे डा, मत्तता नातान गा कोंटे डा, एठा नातान दाऊद गा कोंटे डा। 32एठा दाऊद यिशै गा कोंटे डा, यिशै ओबेद गा कोंटे डा, ओबेद बोअज गा कोंटे डा, बोअज सलमोन गा कोंटे डा, एठा सलमोन नहशोन गा कोंटे डा। 33एठा नहशोन अम्मीनादाब गा कोंटे डा, अम्मीनादाब अरणी गा कोंटे डा, अरणी हेस्रोन गा कोंटे डा, हेस्रोन पेरेस गा कोंटे डा, एठा पेरेस यहूदा गा कोंटे डा। 34एठा यहूदा याकूब गा कोंटे डा, याकूब इसहाक गा कोंटे डा, इसहाक अब्राहम गा कोंटे डा, अब्राहम तेरह गा कोंटे डा, एठा तेरह नाहोर गा कोंटे डा। 35एठा नाहोर सरुग गा कोंटे डा, सरुग राऊ गा कोंटे डा, राऊ फिलिग गा कोंटे डा, फिलिग एबिर गा कोंटे डा, एबिर शिलह गा कोंटे डा। 36एठा शिलह केनान गा कोंटे डा, केनान अरफज्ञाह गा कोंटे डी, अरफज्ञाह शेम गा कोंटे डा, शेम नूह गा कोंटे डा, नूह लेमेक गा कोंटे डा। 37एठा लेमेक मथूशिलह गा कोंटे डा, मथूशिलह हानोक गा कोंटे डा, हनोक यिरिद गा कोंटे डा, यिरिद महललेल गा कोंटे डा, एठा महललेल केनान गा कोंटे डा। 38एठा केनान एनोश गा कोंटे डा, एनोश शेत गा कोंटे डा, शेत आदम गा कोंटे डा, एठा आदम परमेश्वर गा कोणटे डा।

Currently Selected:

लूका 3: GOKNT

ማድመቅ

Copy