लूका 4

यीशु गा अंदजोए

(मत्ती 4:1-11; मरकुस 1:12-13)

1डाबोलटे यीशु पवित्र आत्मा टे भेट्टी के डा, यरदन गडा टे हिराका। एठा आत्मा गा अगुवाई टे सुनसान जगान इखाट लक्के, एठा चालीसो दिन एठा चालीसो रातो टाएन शैतान डीचके अंदाजोएच लक्के डा। 2एठा चालीसो दिन टाएन शैतान नी दियागा अंदजोएच लक्के डा डी दिनेन यीशु नी चोचकाभी जोमडुका एठा मेटे डी दिन पुराएन। मेटे दियेन आटा रांगेन। 3एठा शैतान नी डीचके मंडीके, “अगर आम परमेश्वर गा कोणटे होय, मेटे इनी घोटाके मंडे कि सोकळा आरुयु।” 4यीशु नी डीचके जवाब जीके, “पवित्र ग्रंथ गेन ओल्के होय, कोरोनी बस सोकळा टेका जीटा बान थंदळ, पेनो परमेश्वर गा वचन टे जीटा थंदळवा।” 5मेटे शैतान यीशु के खाट टुक्कीन सैय्येनेच एठा डीचके जाल्दिका सेबाई दुनिया गा राज्य घल्के। 6एठा दियाटे मंडीके, इंज येटेन सेबाई अधिकार, एठा येनेगा महानता आमके जेबा, चोयाकी देटेन शैतान जिले होय, एठा जेके जिऊ होना डिचकेका जेबा। 7इनिघल्जी, अगर आम इंजा आराधना डाए, मेटे इनी सेबाई चोच्काभी आमगा डाऊवा। 8यीशु नी डीचके जवाब जीके, “हे शैतान लेंक्कीनजू, चोयाकी पवित्र ग्रंथ गेन ओल्के होय, आम प्रभु आमगा परमेश्वर गा आराधना डाए एठा बस दियागा का स्तुति डाए।” 9मेटे डीचनी डीचके यरूशलेम शहर गेन ओलेडो यरूशलेम गा मंदिर गा ठुम्बी लिंजेन टेगेनकेनेच। एठा दियाटे मंडीके, “अगर आम परमेश्वर गा कोण टासो, मेटे आपना खुदके इटान बोचोकी। 10चोयाकी ओल्के होय? देटेन अमागा विषय गेन हेजा स्वर्गदूत के हुकूम जेबा, एठा दिकु आमके टी गा टी लिंजेन ठूल्कोम्बा, तोटेनका येनोगो बाकी डाऊ कि अमागा नंगान घोटा घैय्यु बाकी।” 11एठा डीच आमके टी गा लिंजेन ठूल्कोम्बा येनोगो बाकी डाऊ कि अमागा नंगान घोटा घैय्यु बाकी। 12यीशु नी डीचके जवाब जीके, “पवित्र ग्रंथ गेन इनी मंडीके होय आम प्रभु आमगा परमेश्वर गा अंदाजोएच बाकी।” 13जब शैतान सेबाई अंदाजोएच डाके, मेटे थोळासा टेमो घल्जी यीशु गा मेराटे ओले।

गलील जिल्हा गेन सेवा कामय

(मत्ती 4:12-17; मरकुस 1:14-15)

14डाबोलटे यीशु पवित्र आत्मा गा शक्तीटे भेट्टिके, गलील जिल्हान हिराके, एठा दियागा चर्चा आसो पासोन सेबाई जगान फैलातिंजे। 15एठा यीशु डीका आराधना जगा गेन परमेश्वर गा राज्य गा खाबोर गघाल लज्जे। एठा सेबाई कुरकू दियागा जीमू डाए लज्जे।

नासरत गेन यीशु के मनातिंजडुका

(मत्ती 13:53-58; मरकुस 6:1-6)

16देटेन नासरत पुरान डाबोलटे हेन, देटेन दियागा पालन पोषान डाएन डा एठा हेजा रिती रेंगो परमेश्वर गा चोखरा दिन आराधना जगान ओलेडो पवित्र ग्रंथ टे पपाळातिंजा घल्जी टेंगेनजे। 17परमेश्वर गा कोनेटे मंडीमिठाच यशायाह गा पुस्तक डीचके जीके, डीचनी पुस्तक खुल्लाटे डी भागो टे पळातिंज्के येटेन इनी ओल्के डा: 18“परमेश्वर गा आत्मा इंजा लिंजेन होय, चोयाकी डीचनी गिरबोकु के अच्छा खाबोर घागल गा घल्जी इंजा अभिषेक डाके होय। शैतान गा बंदना टे आरा घल्जी, अंधळाकुके दोडो गा घल्जी प्रचार डाए, हरेक कुचलातिंज्के मिंकूके मुक्त दडा घल्जी, 19एठा येटेन गघाल घल्जी कि परमेश्वर गा कृपा दोडो गा टेमो हेन होय। इनी डी टेमो होय जब परमेश्वर हेजा कुरकू के दया डाएवा।” 20मेटे डीचनी पुस्तक बांदोटे सेवाक गा टीन जीके, एठा सुबान जे: एठा आराधना जगा गा सेबाई कुरकू डीचके ध्यान टे दोडो लक्के। 21मेटे देटेन दिकुटे मंडी लज्जे, “टैंजका इनी पवित्र ग्रंथ गा बातो जो आपेनी इंजाटे आजोम लक्के डा, आपे सम्मान पुराएन होय।” 22दिकु सेबाईकु दियाटे काफी खुशोके डा। इनिघल्जी सेबाईकु नी दियागा तरीफ डाके, एठा जो कृपा गा बातो दियागा चाभु टे ओटबा डा, देटे अचम्बोएन डो कोम्बाराए लज्जे, “चोच येटेन यूसुफ गा कोणटे बाने?” 23डीचनी दिकुटे मंडीके, “आपे इंजा लिंजेन इनी कहवत जारूर टेका मंडेबा, कि हे डाकतार आम खुदके सजाए! जो चोचकाभी आलेनी आजुम्के होय, कि जो आमनी कफरनहूम पुरान डाके होय, डीके येटेन आबुगा देशोन भी डाए।” 24एठा डीचनी मंडीके, “इंज आपेटे साच्चो मंडीवाकी तुनिका परमेश्वर गा कोनेटे मंडीमिठाच हेजा देशोन मान सम्मान बान घगाटा। 25इंजा बातो आजुमे येटेन सच्चोका होय कि परमेश्वर गा कोनेटे मंडीमिठाच एलिय्याह गा दिनेन देटेन घोनेच्का विधवाकु डा जब साळे तीन साल टाएन बदळा बन्दोके एठा डा बान घामा डुका येटे पूरा इस्राएल देशोन खाट काळकी हेन। 26पेनो एलिय्याह इस्राएल गेन तुनिकाभी विधवा गा मेरान बान कुल डुका, बस सीदोन शहर गा शारफत गा ईरिया गेन म्या अलग्गो जाटो गा विधवा गा मेरान कुल्केनेच। 27परमेश्वर गा कोनेटे मंडीमिठाच इलीशा गा टेमोन इस्राएल देशो गेन घोनेच कोळ्या गा बिमारीनके डा, पेनो नामान सीरिया देशो गा म्या अलग्गो जाटो कोरो गा आलवा दिकु तलाटे जेकाभी बान सजाडुका।” 28इनी बातो आजुम्टेका जोभी कुरकू आराधना जगा गेन डा, सेबाई खीजो टे भेट्टेन। 29दिकुनी यीशु धक्का जीटे पूरा टे बल्लान ओटकेनेच एठा डीचके ओळटेका डी टुक्की चुटी लिंजेन सैय्येनेच डी टुक्की लिंजेन पूरा सुबांके डा, कि डीचके देटे टे इटान धिकली टे घोच्केच। 30पेनो देटेन दिकु तालाटे ओठ्जेडो ओले मेना।

भूतोके बल्लान कोखाला

(मरकुस 1:21-28)

31डाबोलटे देटेन गलील जिल्हा गा कफरनहूम गा पुरान ओले एठा परमेश्वर गा चोखरा दिन गेन कुरकू के शिक्षानौर जिऊ लज्जे डा। 32दिकु दियागा शिक्षानौर टे बिचारजे। चोयाकी दियागा वचन हाक गा गेल्ला डा। 33आराधना जगा नी म्या कोरो डा, दियेन भूतोकु डा। 34देटेन खाट आवाज टे चिल्लातिंजके, हे नासरत गा थांदळ मिठाच यीशु, आलेन अमाटे चोच कामय? चोच आलेके ननाशो घांजी हेन? आमके अच्छा टे हडाई-कि अमा जे होय? अमा जीटा परमेश्वर गा चोखरा कोंटे होय जो परमेश्वर कोनेटे हेन होय। 35यीशु नी भूतो मुके कोरो के कल्लाटे मंडीके, “कायोमे एठा डी कोरो टे वोटजू।” मेटे भूतो डी कोरो इटान बोचोकेनेच एठा कोळेच्टेका, चिल्लातिंजटे दियाटे वोटजे। 36मेटे आराधना जगान नी घोनेच कुरकू अचाम्बोएन डो एक मेग टे कोकाम्बारा लज्जे, “येटेन ठायका अलग्गो शिक्षा होय, आले चोलाकाभी एटो हाकगेल्ला इथूलक्के लठ्ठाका बान आजुमडूका।” देडेन हाकगेल्ला भी एठा शक्तीगा सेंग्गोन भूतोकुके भी हुकूम जेबा होय, एठा भूतो भी दियागा हुकूम आजुम्बा होय। 37इनिघल्जी उफुन भी कोनेन हर जगान यीशु गा वोजीटे डाके मिनी अचम्बो कामय चर्चा डाऊ लज्जे।

पतरस गा कणकर एठा अलग्गो कुरकू के ससाजा

(मत्ती 8:14-17; मरकुस 1:29-34)

38यीशु एठा दियागा चेलाकू आराधना जगा टे ओले, शमौन गा उरान ओले। एठा शमौन गा कणकर टे राँवा लक्के डा। एठा दिकुनी दिया घल्जी दियाटे बिनती डाके। 39यीशु नी दियागा मेरान टेगेन टे दियागा राँवा के काल्लाके। एठा राँवा आगोरोएन, देटेन तुरुटो बिटजे डो दिकुगा सेवा दडा लज्जे। 40सूर्य नम्बुरु टेमो कुरकू अलग्गो-अलग्गो रोंगो टे टाकु कुरकू के यीशु गा मेरान सालेकु। यीशु नी हर म्याकोमा लिंजेन टी धोटे साजाकेकु। 41एठा भूतोकुनी चिल्लातिंजटे एठा इनी मंडीटे, “आम परमेश्वर गा कोणटे मसीहा होय,” घोनेचकुटे ओठ्जे पेनो डीच दिकुके काल्लाकेकू एठा भूतोके हेजा सम्मान मंडी डाए डुका, चोयाकी भूतोकुन मालूम डा कि यीशु मसीह परमेश्वर गा कोन्टे होय।

गलील जिल्हा गेन घागल

(मरकुस 1:35-39)

42मेटे दिन ओटजे मेटे यीशु बिटजे डो म्या सुनसान जगान देटेन डीच एकलान थंदळ टे प्रार्थना दडा लज्जे। एठा गर्दी डीचके घगाटा लठ्ठाका दियागा मेरान हेन, एठा डीचके रोकातिंजेज लज्जे कि दियागा मेराटे बाकी सेने। 43पेनो यीशु नी दिकुके मंडीके, इंजेन येठाभी दूसरा पुरान भी परमेश्वर गा राज्य अच्छा खाबोर घागल होना। चोयाकी इंज इनीघाल्जी दुनियान हेन होय। 44एठा यीशु गलील जिल्हा गा आराधना जगा गा प्रचार गघाल लज्जे।

Currently Selected:

लूका 4: GOKNT

ማድመቅ

Copy