یارادیلیش 25
25
ائبراهئمئن اؤلومو
1ائبراهئم آیری بئر آرواد آلدی. اونون آدی قِطورا ائدی. 2قِطورا اونا بونلاری دوغدو: زئمران، یوقشان، مِدان، مئدیان، یئشباق و شواَخ. 3یوقشاندان شِبا و دِدان اولدو. دِدانین نسئللری: آشورلولار، لِتوشلولار، لِعوملولار. 4مئدیانین اوغوللاری: اِفاه، اِفِر، هه‌نوک، اَبئداع و اِلداعا. بونلارین هامیسی قِطورانین اؤولادلاریدیرلار. 5ائبراهئم بوتون وار-یوخونو ائسحاقا وردی. 6جارئیه‌لرئنئن اوغوللارینا دا هدئیّه‌لر وردی. صاغلیغیندا اونلاری اوغلو ائسحاقین یانیندان شرقه، شرق تورپاغینا طرف گؤندَ‌ردی.
7ائبراهئم یوز یتمئش بش ائل عؤمور سوردو. 8او، اوزون عؤمور سوروب حیاتدان دویموش حالدا عؤمرونو باشا چاتدیردی و خالقینا قوشولدو. 9اوغوللاری ائسحاق و ائسماعئل اونو مَمرِه‌نئن موقابئلئنده اولان ماکپِلا ماغاراسیندا، خئتلی زوخَر اوغلو عِفرونون زَمئسئنده باسدیردیلار. 10او زمئنی ائبراهئم خئتلی‌لردن ساتین آلمیشدی. ائبراهئم و آروادی سارا اورادا باسدیریلدی. 11تاری ائبراهئمئن اؤلوموندن سونرا اوغلو ائسحاقا برکت وردی. ائسحاق بئر لَخایی رویئیه یاخین یاشاییردی.
ائسماعئلئن نسئلی
12بودور ائبراهئم اوغلو ائسماعئلئن نسئل تارئخچه‌سی کی، سارانین کنئزی مئصئرلی هاجر اونو ائبراهئمه دوغدو: 13دوغولما سیراسینا گؤره ائسماعئلئن اوغوللارینین آدلاری بله‌دئر: ائسماعئلئن ائلک اوغلو نِوایوت، قِدار، اَدبِعِل، مئبسام، 14مئشما، دوما، ماسّا، 15خَدَد، تِما، یِطور، نافئش و قِدِما؛ 16ائسماعئلئن اوغوللاری بونلاردیر، کَندلری و اوبالاری ائله بئرلئکده اونلارین آدلاری بله‌دئر. اونلار اؤز قبئله‌لرئنئن اون ائکی باشچیسی ائدئلر. 17ائسماعئل یوز اوتوز یدّی ائل عؤمور سوردو. او، عؤمرونو باشا چاتدیردی و اؤلوب اَجدادلارینا قوشولدو. 18ائسماعئلئن نسئللری خَوئلادان شورا قدر اولان اراضئده ساکئن اولدولار کی، آشورا گدرکن مئصئرئن شرق سمتئنده‌دئر. او بوتون قارداشلارینین موقابئلئنده ساکئن اولدو.
یعقوب و عئسو
19ائبراهئمئن اوغلو ائسحاقین نسئل تارئخچه‌سی بله‌دئر: ائبراهئمدن ائسحاق اولدو. 20ائسحاق قیرخ یاشیندا ائدی کی، اَراملی لابانین باجیسی، پَدّان‌اَرامدان اَراملی بِتوعِلئن قیزی رئبقانی آرواد آلدی. 21ائسحاق آروادی اوچون ربّه یالواردی، چونکی او، سونسوز ائدی. رب ائسحاقین یالواریشینا جاواب وردی: اونون آروادی رئبقا بویلو اولدو. 22رئبقانین بطنئنده‌کی اوشاقلار چارپیشماغا باشلادیلار. او دا «نئیه بو ائش باشیما گلدی؟» دیئب بو باره‌ده ربدن سوروشماغا گتدی. 23رب اونا جاواب وردی:
«سنئن بطنئنده ائکی مئلّت وار،
سنئن قارنیندان ائکی خالق چیخاجاق.
بئر خالق او بئری خالقدان گوجلو اولاجاق،
بؤیوکو کئچئیئنه قوللوق اده‌جک.»
24رئبقانین دوغما واختی چاتاندا اونون بطنئنده اِکئز اوغوللار وار ائدی. 25ائلک دوغولان اوشاغین بوتون دَرئسی قیرمیزی و توکلو جوبّه کئمی ائدی. اوندا اونون آدینی عئسو#25:25 «عئسو» - عئبرانی دئلئنده یعنی «توکلو» قویدولار. 26اوندان سونرا قارداشی دوغولدو. او، اَلی ائله عئسونون توپوغوندان توتموشدو. بونا گؤره ده اونون آدی یعقوب#25:26 «یعقوب» - عئبرانی دئلئنده ائکی معناسی وار: «توپوق توتان»، «آلداتان». چاغیریلدی. رئبقانین اونلاری دوغدوغو واخت، ائسحاق آلتمیش یاشیندا ائدی.
27اوشاقلار بؤیودولر. عئسو ماهئر شئکارچی و چؤل آدامی اولدو. حال‌بوکی یعقوب چادیرلاردا یاشایان مولایئم بئر آدام اولدو. 28ائسحاق عئسویو سِوئردی، چونکی اونون شئکار اتدئیی حیوانلارین مزه‌سی آغزینا خوش ائدی. لاکئن رئبقا یعقوبو سِوئردی.
29بئر گون یعقوب شوربا پئشئرئردی. عئسو چؤلدن آج گلدی. 30عئسو یعقوبا ددی: «بو قیرمیزی شوربادان بئر آز ور، ییئم، چونکی آجمیشام.» بونا گؤره ده عئسویا اِدوم#25:30 «اِدوم» - عئبرانی دئلئنده «قیرمیزی». آدی ورئلدی. 31یعقوب ددی: «اوّلجه ائلک اوغوللوق حاقّینی منه سات.» 32عئسو ددی: «باخ، من اؤلوم حالیندایام، ائلک اوغوللوق حاقّی نَیئمه لازیمدیر؟» 33یعقوب ددی: «اوّلجه منه آند ائچ.» عئسو اونا آند ائچدی و ائلک اوغوللوق حاقّینی یعقوبا ساتدی. 34یعقوب عئسویا چؤرک و مرجی شورباسی وردی. عئسو یئب ائچدی و سونرا قالخیب گتدی. بله‌جه عئسو ائلک اوغوللوق حاقّینا حقارت اتدی.
Currently Selected:
یارادیلیش 25: موقدس کتاب
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Elam Ministries 2013. All rights reserved.