PONGWANG LAIPEX 49
49
Jakop Okim Tsai-kax
1Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:
2“Jakop sasün hwom asoxlaxle,
hünpa Israel kax apahüi.
3“Kusa tüichongpa Reuben,
nang a ku janzüi changle;
ku mixmüi ang changkya nao.
Ku sasün hwom khakhama nang angamkya tamchu tsak-zongle tüikya mix.
4Nang a tinu tichap ningle,
ikoxchu nang akhokya le chichang,
chemthüikoxle nang a ku dacha füi jipkya mix changle;
nange hünpa lya wün ahaidaoa.
5“Simeon hia Liwi nyi a tüita-naopa.
Okhie ma chang-paxbu mix to chakmok ang twonle.
6Hwom huxsa zangwün ma ku münwomüi,
hwom katzua to kue müntsaüi.
Mongtsiktsik ma hwome mix-lang;
tsom-pom to chakmok-janlangkya hwome abaokya ang laxle.
7Za-adünkya hwom mongtsik to othuak-ozom naxtüikox,
üntoxlechu hwom mongtsik to.
Kue hwom Israel haxtok awangle chiakle sam ang tomüi.
Hwom kue hwom khünakbu khato paole sam ang tomüi.
8“Judah, hüntüi-hünnao hwome nang to achuak-achenüi.
Nange nang zanbu to dingkux ma fyetüi,
nang tüita-naopa hwom nang chitong to akhuxüi.
9 #
Huak 24.9; Mik 5.5. Judah a mailang#49.9: mailang: Chax khakha ma chax wanghom, oja ang chaxmai lechu nyaktsuak. tuita ningle,
chixe sax ang müi langlaxle longlua to chatlaxle ozax tinle jiple ngo.
Chix to pox ang owa mongchu chichongtsuak.
10Judah chak ma chongwang kiathox twonüi,
ilaxle chix sixli hwome jento apün-adale ngoüi.
Jat-libue chix hato süidünüi,#49.10: Changkoxlaxle Aokya Laitong ma Jat-libue…changüi;
ilaxle chix kax ma laxle akhuxüi.
11Chixe chix mansa grep zu ma fün,
ataxle müikya ozu tuita ma a.
Chixe chix nyizabu aji ningle khikya grepti-ju ma so.
12Grep ti linglaxle chix mik aji ningle khi,
tsomti#49.12: grep…tüile; chichangba Chix mik a grepti-ju füi ngaxchu sünakle, chix wa a tsomti füi ngaxchu süthole. linglaxle chix wa thobokle tse.
13“Zebulun a tinu kax to ngoüi.
Chix fa a chongkya khuanubu hanpakma nazaknui ang changüi.
Chix haxtok a Sidon alople tüiüi.
14“Isakar a hünlix-püisütle jiple nazak ngokya,
Tsakkya mantsak tuita ningle changle.
15Chixe nazaknui müitüia le ngün,
chaxwan-longkho chasa single ngün.
Idaile hün dan angkya chixe tok-khya aho,
ilaxle da tuita ningle atsangle amok.
16“Dan a chix khünaknu lompa ang changüi.
Hwom a Israel nok mama jat-libu ningle changüi.
17Dan a tuita lommun angkya pu ningle changüi;
lomkax ma ngokya oje füikya pu,
ojae man chisok ma tule koxpuix,
ija mankho ma ngakya mix tswon-wüt puix.
18“Jowanpa, ku a nang khosün hanpak tanle ngopu.
19“Gad to a ahuxmix othom tuitae singüi,
ikoxle anongle chix mixe hwom achuale changüi.
20“Ashar chak makhange sütli huanuma alaiüi.
Chixe wanghom tuitae saxkya sütling koxüi.
21“Neptali a mongtex ma zikle aham ngokya müikhi ningle changpu,
ojae tsaimüi-kaxmüikya zangwün#49.21: Neptali…tüipuix chichangba Neptali a okang owan müikya pünnu tuita changle.koplaxle tüipuix.
22“Jusep a shuasa kax ma ngokya fao mantsak tuita ningle,
haxhua#49.22: Jusep…ningle; chichangba Jusep a tsawat to o-le oziak füi tüikya, shuasa kax angkya pünnu tuita ningle. tokya fao mantsaksa tuita ningle.
23Chix zanpabue chix to za-adünle sing,
hwom hap-sanbu füi chix achuale zik.
24Ikoxlechu chix hapnu a shingmong lüwüi tüikya,
ilaxle Israel nok long chunnyetpa tuita mün ma,
Jakop Khüthak Zang chak füi,
chix chak a tüle shingmongle#49.24: ikoxlechu…tüikya; chichangba ikoxlechu hwom hapnubu a sanle pakpao, hwom chak angkya hakbu fünfüntho le pao. tüikya.
25Nang to asunkya a hünpa Zang changle.
Ija Khüthak Zang-e nang hato,
ding tokya zangwat ajo,
tamchu haxmong tokya tibu fuakle alai.
Üntoxle tsom-pom hia su-sabu mohimanle pu-tsa ang tom.
26Saxziak hia maipuabu#49.26: Changkoxlaxle Aokya Laitong ma saxziak hia maipuabu; Ibri ma hünpu-hünpa hwom wüi tsak-zongle. mohiman tüikya,
kaipongkya mohiman haxnubu
Mongzaozekya haxnu angkya jali ibu,
mohiman ibu Jusep khang ma paxle naxngo,
hotüi-honao hwom füi ajankya tuita khangpong ma a.
27“Benjamin a tüle shixkya shwon tuita changle,
swompui hansonge chixe langüi ilaxle joküi.”
28Ibibi pangwüi Israel homjen 12 changle, ilaxle ibu a, sasün hwom pangnusa ang, hwom füi ashemkyakya kaxzexle wünzua kaxtsuak pongma hopae akaxkya kax changle.
Jakop Zikya hia Akhünkya
29Ifüima Jakop-e sasün hwom ang kaxtom koxle thüi: “Athaxpi ku a mamix hwom füi lumchi to tom angkya hanpak nguile hüipu. Ku a apu-apa hwom füi tomle, 30#Pon 23.3-20.Kanan haxtok ma Mamre zongma handünchi Makpelah ma Hit sün Efron haxtok ma tüikya longlua ma zuhüi. 31#Pon 25.9,10; Pon 35.29.Ija kha a hwome Abraham hia Sarah nyi mang akhünkya kha changkya. Ikhama hwome Isak hia Rebika nyi akhün, ilaxle kue Liah chuwüi ikhama akhünpu. 32Ija haxtok hia ikhama tüikya longlua a Hit nok ma shakle kopkya changle. Ku chu ikhama wüi zuhüi.” 33#Mwt 7.15.Chemtue Jakop-e sasün hwom zün-saikya kax ashukle changpuix, chix chatle lya ma shui üntoxle zile pao.
Currently Selected:
PONGWANG LAIPEX 49: WANCBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.