Lees God se Storie: Een Jaar Kronologiese Leesplan

Dissipelskap Joernaal se Een-Boek-Op-‘n-Slag Leesplan

Hoe om swaarkry en lyding te hanteer

Delf dieper deur Openbaring

Oorkom Teleurstellings

Die basiese beginsels van die Christelike geloof

Leef vir die ewigheid

Ester

Die Wetboeke (Die Groot Storie Leesplannne no. 2)

<div class="version vid6 iso6393afr" data-vid="6" data-iso6393="afr">
 <div class="book bk2KI">
 <div class="chapter ch23" data-usfm="2KI.23">
 <div class="label">23</div><div class="p"> 1Die afvaardiging het so aan die koning gerapporteer, en hy het al die leiers van Juda en Jerusalem by hom laat bymekaarkom. 2Daarna is die koning na die huis van die Here toe met al die mense van Juda by hom en ook die inwoners van Jerusalem, die priesters en die Leviete, al die mense, groot en klein. Daar het hy alles aan hulle voorgelees wat in die boek van die verbond gestaan het wat in die huis van die Here gekry is. 3Toe het die koning op sy plek gaan staan en 'n verbond met die Here gesluit en beloof om die Here te volg en sy gebooie, verordeninge en voorskrifte met sy hele hart en siel te gehoorsaam en om die bepalings van die verbond soos dit in hierdie boek vasgel&#234; is, na te kom. Die hele volk het die verbond aanvaar.</div><div class="s1">Josia bestry die afgodery</div><div class="r">(Vgl. 2 Kron. 34:3-7)</div><div class="p"> 4Koning Josia het aan die ho&#235;priester Gilkija, aan die priesters net onder hom en aan die drumpelwagte opdrag gegee om uit die tempel van die Here al die goed te bring wat vir Ba&#228;l en Asjera en al die hemelliggame gemaak is. Hulle moes dit verbrand buite Jerusalem op die gelyktes langs die Kedron en die as na Bet-El toe vat. 5Josia het die afgodspriesters afgesit wat deur die konings van Juda aangestel is en wat offers gebring het op die hoogtes, in die stede van Juda en in die omgewing van Jerusalem. Hy het ook 'n einde gemaak aan di&#233; wat geoffer het vir Ba&#228;l en vir die son en die maan en die diereriem en al die ander hemelliggame. 6Hy het die Asjera uit die huis van die Here laat bring na die Kedronspruit toe buite Jerusalem, dit daar laat verbrand en laat fynstamp. Die as het hy laat weggooi op die grafte van die gewone mense. 7Hy het die manlike prostitute se kamers by die huis van die Here laat afbreek waarin die vroue klere geweef het vir die diens van Asjera.</div><div class="p"> 8Verder het Josia al die priesters uit die stede van Juda laat bring en die hoogtes waarop die priesters geoffer het, laat ontwy, van Geba af tot by Berseba. Hy het die hoogtes wat by die poorte was, laat afbreek, ook die een by die poort van die stadsbevelvoerder Josua, aan die linkerkant as 'n mens die stadspoort binnegaan. 9Josia het nie die priesters wat by die hoogtes geoffer het, by die altaar van die Here in Jerusalem laat kom nie, maar hulle kon saam met hulle ampsgenote ongesuurde brood eet.</div><div class="p"> 10Hy het die offerplek wat in die Ben-Hinnomdal was, laat ontwy, sodat niemand meer sy seun of dogter as offer vir Molek kon verbrand nie. 11Die perdebeelde wat deur die konings van Juda ter verering van die son opgestel is, het hy laat verwyder. Hulle het gestaan by die ingang van die huis van die Here, by die kamer van die amptenaar Netan-Melek aan die binneplein. Die sonwa het hy laat verbrand. 12Die altare wat deur die konings van Juda gebou is op die dak van die bovertrek van Agas, en die altare wat deur Manasse in die twee voorhowe van die huis van die Here gebou is, is deur die koning afgebreek. Hy het hulle net daar laat stukkend slaan en die puin laat weggooi in die Kedronvallei. 13Verder het die koning die hoogtes laat ontwy wat oos van Jerusalem, suid van die berg van verwoesting, was en wat deur koning Salomo van Israel opgerig is vir die verering van Astarte, die veragtelike godin van die Sidoni&#235;rs, Kemos, die veragtelike god van Moab, en Milkom die afskuwelike god van die Ammoniete. 14Hy het die klippilare laat stukkend slaan, die gewyde pale laat afkap en op hulle plekke mensbene laat gooi.</div><div class="p"> 15Selfs die altaar in Bet-El, die hoogte wat deur Jerobeam seun van Nebat ingerig is toe hy vir Israel laat sondig het, selfs di&#233; altaar en di&#233; hoogte is deur Josia laat afbreek. Hy het die hoogte laat afbrand en fynslaan en die Asjera laat verbrand. 16Toe hy omdraai, sien Josia die grafte daar teen die berg. Hy het die bene uit die grafte laat uithaal en hulle op die altaar laat verbrand. So het hy die altaar laat ontwy in ooreenstemming met die woord van die Here wat destyds deur die man van God aangekondig is. </div><div class="p"> 17Daarna s&#234; Josia: &#8220;Watter grafsteen sien ek daar?&#8221; en die mense van die stad s&#234; vir hom: &#8220;Dit is die graf van die man van God wat uit Juda gekom en voorspel het presies wat u met die altaar van Bet-El gedoen het.&#8221;</div><div class="p"> 18Toe s&#234; hy: &#8220;Laat hom rus, moenie sy bene versteur nie.&#8221; Hulle het toe sy bene en die bene van die profeet wat uit Samaria gekom het, met rus gelaat.</div><div class="p"> 19Josia het verder al die heiligdomme wat deur die konings van Israel op die hoogtes by die stede van Samaria gebou is om die Here uit te tart, laat opruim. Hy het met hulle gemaak soos hy in Bet-El gedoen het. 20Al die priesters wat daar op die hoogtes diens gedoen het, het hy op die altare laat slag en mensbene op die altare laat verbrand. Daarna is hy terug Jerusalem toe.</div><div class="p"> 21Daarna het die koning die volk beveel: &#8220;Vier die paasfees tot eer van die Here julle God soos dit voorgeskryf is in hierdie boek van die verbond.&#8221;</div><div class="p"> 22'n Paasfees soos hierdie is nie gevier van die tyd van die leiers af wat oor Israel geregeer het nie, ook nie tydens die regering van die konings van Israel en Juda nie. 23Hierdie paasfees tot eer van die Here is in die agtiende regeringsjaar van koning Josia in Jerusalem gevier.</div><div class="p"> 24Josia het ook die dodebesweerders en die waars&#234;ers, die afgodsbeelde, al die stinkende en veragtelike afgode wat in Juda en Jerusalem te sien was, uitgeroei. So het hy voldoen aan die eise van die wet soos dit opgeteken was in die boek wat die priester Gilkija in die huis van die Here gekry het.</div><div class="p"> 25Daar was nie voor hom nog so 'n koning soos hy wat hom tot die Here bekeer het met sy hele hart en siel en met al sy kragte in ooreenstemming met die hele wet van Moses nie, en n&#225; hom was daar ook nie so 'n koning soos hy nie.</div><div class="p"> 26Die Here het egter nie sy hewige toorn teen Juda laat vaar nie. Hy het toornig gebly oor Manasse se uittartende optrede teen Hom. 27Hy het ges&#234;: &#8220;Ek sal Juda ook uit my teenwoordigheid verwyder, net soos Ek Israel verwyder het. Ek sal hierdie stad, Jerusalem, wat Ek uitverkies het, verwerp, en ook die tempel waarvan Ek ges&#234; het: My Naam sal daar wees.&#8221;</div><div class="s1">Die dood van Josia</div><div class="r">(Vgl. 2 Kron. 35:20-27)</div><div class="p"> 28Die ander verhale oor Josia en alles wat hy gedoen het, is opgeteken in die annale van die konings van Juda.</div><div class="p"> 29In sy tyd was die farao koning Neko van Egipte op pad na die koning van Assiri&#235; toe aan die Eufraat. Koning Josia het teen die farao opgetrek, maar die farao het hom met die bymekaarkom in Megiddo doodgemaak. 30Sy lyfwagte het sy lyk op 'n wa gesit en na Jerusalem toe gebring. Daar het hulle hom in sy graf begrawe.</div><div class="s1">Joahas</div><div class="r">(Vgl. 2 Kron. 36:1-4)</div><div class="p">Die burgers van die land het Josia se seun Joahas geneem, hom gesalf en hom koning gemaak in sy pa se plek.</div><div class="p"> 31Joahas was drie en twintig toe hy koning geword het en hy het drie maande in Jerusalem geregeer. Sy ma was Gamutal, 'n dogter van Jeremia uit Libna.</div><div class="p"> 32Joahas het gedoen wat verkeerd is in die o&#235; van die Here en in alles die voorbeeld van sy voorvaders gevolg.</div><div class="p"> 33Farao Neko het vir Joahas gevang en in Ribla, in Hamat, in die tronk gehou sodat hy nie in Jerusalem kon regeer nie. Neko het die land beboet met drie en 'n halwe ton silwer en vier en dertig kilogram goud. 34Daarna het farao Neko vir Eljakim seun van Josia koning gemaak in sy pa se plek, en sy naam verander na Jojakim. Neko het vir Joahas na Egipte toe gevat, en hy is daar dood.</div><div class="s1">Jojakim</div><div class="r">(Vgl. 2 Kron. 36:5-8)</div><div class="p"> 35Jojakim het die goud en die silwer aan die farao betaal. Om te betaal wat die farao ge&#235;is het, moes hy die land aanslaan. Hy het die goud en die silwer van die burgers van die land ge&#235;is, van elkeen volgens sy aanslag, en dit aan farao Neko betaal.</div><div class="p"> 36Jojakim was vyf en twintig toe hy koning geword het, en hy het elf jaar in Jerusalem geregeer. Sy ma was Sebida, 'n dogter van Pedaja uit Ruma. 37Jojakim het gedoen wat verkeerd is in die o&#235; van die Here en het in alles die voorbeeld van sy voorvaders gevolg.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk2KI">
 <div class="chapter ch24" data-usfm="2KI.24">
 <div class="label">24</div><div class="p"> 1In di&#233; tyd het koning Nebukadnesar van Babel teen Jojakim opgetrek. Jojakim was drie jaar aan hom onderhorig en daarna het hy teen Nebukadnesar in opstand gekom.</div><div class="p"> 2Die Here het bendes Galde&#235;rs, Arame&#235;rs, Moabiete en Ammoniete teen Jojakim gestuur. Hy het hulle gestuur om Juda uit te roei, in ooreenstemming met wat die Here deur sy dienaars die profete ges&#234; het. 3Dit het met Juda gebeur op bevel van die Here, omdat Hy Juda uit sy teenwoordigheid wou verwyder oor die sonde van Manasse, oor alles wat hy gedoen het, 4ook oor die mense wat hy onskuldig laat doodmaak het. Jerusalem was vol van die bloed van onskuldige mense, en die Here wou dit nie vergewe nie.</div><div class="p"> 5Die ander verhale oor Jojakim en alles wat hy gedoen het, is opgeteken in die annale van die konings van Juda. 6Jojakim is oorlede, en sy seun Jojagin het hom as koning opgevolg.</div><div class="p"> 7Die koning van Egipte het nie weer 'n veldtog buite sy land aangepak nie, want die koning van Babel het die gebied van Egiptespruit af tot aan die Eufraat verower, die hele gebied wat voorheen aan die koning van Egipte behoort het.</div><div class="s1">Jojagin</div><div class="r">(Vgl. 2 Kron. 36:9-10)</div><div class="p"> 8Jojagin was agtien toe hy koning geword het en hy het drie maande in Jerusalem geregeer. Sy ma was Negusta, 'n dogter van Elnatan uit Jerusalem.</div><div class="p"> 9Jojagin het gedoen wat verkeerd is in die o&#235; van die Here en het in alles die voorbeeld van sy pa gevolg.</div><div class="p"> 10In di&#233; tyd het die le&#235;r van koning Nebukadnesar van Babel 'n aanval op Jerusalem begin en die stad bele&#235;r. 11Nebukadnesar het self na die stad toe gekom terwyl sy soldate dit bele&#235;r het. 12Koning Jojagin van Juda het hom oorgegee aan die koning van Babel, hy, sy ma, sy lyfwag, sy amptenare en sy offisiere. Jojagin is deur die koning van Babel gevange geneem in sy agste regeringsjaar. 13Nebukadnesar het, soos die Here vantevore ges&#234; het, al die skatte van die huis van die Here en die skatte van die paleis gevat en hy het al die goue goed stukkend geslaan wat koning Salomo van Israel vir die tempel van die Here laat maak het.</div><div class="p"> 14Nebukadnesar het die hele Jerusalem weggevoer: al die amptenare, al die soldate, tien duisend gevangenes, ook die vakmanne en die smede. Niemand het agtergebly nie behalwe die armstes van die landsbevolking. 15Hy het vir Jojagin na Babel toe weggevoer. Hy het ook die koninginmoeder, die vrouens van die koning, sy offisiere en die belangrikste mense in die land van Jerusalem af na Babel toe in ballingskap weggevoer. 16Die koning van Babel het al die weerbare manne gevange weggevoer na Babel toe, al die soldate, sewe duisend, en ook nog duisend vakmanne en smede.</div><div class="p"> 17Hy het vir Mattanja, 'n oom van Jojagin, in sy plek koning gemaak en sy naam verander na Sedekia.</div><div class="s1">Sedekia. Die val van Jerusalem</div><div class="r">(Vgl. 2 Kron. 36:11-21; Jer. 52:1-11)</div><div class="p"> 18Sedekia was een en twintig toe hy koning geword het en hy het elf jaar in Jerusalem geregeer. Sy ma was Gamutal, 'n dogter van Jeremia uit Libna.</div><div class="p"> 19Sedekia het gedoen wat verkeerd is in die o&#235; van die Here en het in alles die voorbeeld van Jojakim gevolg. 20Die toorn van die Here was op Jerusalem en Juda; Hy wou hulle wegvee uit sy teenwoordigheid uit.</div><div class="p">Sedekia het in opstand gekom teen die koning van Babel,</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk2KI">
 <div class="chapter ch25" data-usfm="2KI.25">
 <div class="label">25</div><div class="nb"> 1en in die negende regeringsjaar van Sedekia, op die tiende dag van die tiende maand, het koning Nebukadnesar van Babel met sy hele le&#235;r met 'n aanval op Jerusalem begin. Hy het kamp opgeslaan by die stad en 'n bele&#235;ringswal rondom die stad gebou. 2Die stad is bele&#235;r tot in die elfde regeringsjaar van koning Sedekia. 3Teen die negende dag van die vierde maand was die hongersnood in die stad so erg dat daar nie meer kos vir die bevolking was nie. 4Toe is daar 'n opening in die muur gebreek, en al die soldate het in die nag gevlug deur die poort tussen die twee mure langs die Koningstuin ten spyte daarvan dat daar Galde&#235;rs rondom die stad was. Die soldate het in die rigting van die Jordaanvallei gevlug, 5maar die Galdese le&#235;r het die koning agtervolg en hom ingehaal op die Jerigovlakte. Sy hele le&#235;r was toe al uitmekaargejaag, weg van hom af, 6en hy is gevang en na die koning van Babel toe in Ribla gevat. Hy is verhoor, 7en toe het hulle sy seuns voor sy o&#235; geslag, s&#253; o&#235; uitgesteek, hom met bronskettings geboei en na Babel toe gevat.</div><div class="p"> 8In die vyfde maand, op die sewende van die maand, in die negentiende regeringsjaar van koning Nebukadnesar van Babel het Nebusaradan by Jerusalem aangekom. Hy was hoof van die lyfwag en amptenaar van die koning van Babel. 9Hy het die huis van die Here, die paleis en al die huise in Jerusalem, elke groot gebou, afgebrand. 10Al die Galdese soldate wat onder sy bevel was, het die muur om Jerusalem afgebreek. 11Die mense wat in die stad oor was, ook di&#233; wat na die koning van Babel toe oorgeloop het, al wat van die groot stadsbevolking oorgebly het, is gevange weggevoer deur Nebusaradan die hoof van die lyfwag. 12Net die armste mense van die land het hy laat agterbly om die wingerde en die lande te bewerk.</div><div class="p"> 13Die Galde&#235;rs het die bronspilare, die waentjies en die bronswaterbak wat by die huis van die Here was, stukkend geslaan en die brons na Babel toe gevat. 14Hulle het die potte, die skoppe, die sk&#234;re en die panne saamgevat, en al die ander bronsgoed wat in die tempeldiens gebruik is. 15Die hoof van die lyfwag het ook die vuurpanne en die komme vir besprinkeling buitgemaak, alles wat goud of silwer was. 16Die brons van die twee pilare, die waterbak en die waentjies wat deur Salomo vir die huis van die Here gemaak is, was soveel dat dit nie geweeg kon word nie. 17Elke pilaar was ag meter, en die bronskapiteel bo-op was een en 'n derde meter hoog. Die rooster met die granate om die kapiteel was heeltemal van brons. Die ander pilaar en sy rooster was dieselfde.</div><div class="p"> 18Die hoof van die lyfwag het die ho&#235;priester Seraja, die priester tweede in rang, Sefanja, en die drie drumpelwagte gevange saamgevat. 19In die stad het hy die offisier gevange geneem wat in bevel was van die soldate. Daar was ook nog vyf van die koning se vertrouelinge in die stad, die sekretaris van die hoof van die le&#235;r wat vir die oproep van die burgers verantwoordelik was, en sestig van die burgers. 20Nebusaradan, die hoof van die lyfwag, het hulle gevange geneem en hulle na die koning van Babel toe in Ribla gevat. 21Die koning van Babel het hulle laat doodmaak daar in Ribla, in Hamat.</div><div class="p">So is Juda dan uit sy land weggevoer.</div><div class="s1">Die moord op die goewerneur Gedalja</div><div class="r">(Vgl. Jer. 40:7 &#8211; 41:3)</div><div class="p"> 22Oor die mense wat in Juda oor was, di&#233; wat deur koning Nebukadnesar van Babel toegelaat is om daar te bly, het hy vir Gedalja, seun van Agikam seun van Safan, aangestel. 23Toe die le&#235;raanvoerders en hulle manskappe hoor dat die koning van Babel vir Gedalja aangestel het, het hulle na hom toe gegaan in Mispa. Die aanvoerders was Ismael seun van Netanja, Joganan seun van Kareag, Seraja seun van Tangumet uit Netofa, en Ja&#228;sanja uit Ma&#228;ka.</div><div class="p"> 24Gedalja het hulle en hulle manne met 'n eed verseker: &#8220;Moenie bang wees vir die Galdese amptenare nie. Bly in die land en onderwerp julle aan die koning van Babel, dan sal dit goed gaan met julle.&#8221;</div><div class="p"> 25Maar in die sewende maand het Ismael seun van Netanja, seun van Elisama uit die koninklike familie, met tien manne by hom 'n aanslag gemaak op Gedalja en 'n klompie Jude&#235;rs en Galde&#235;rs wat by hom in Mispa was, en hulle vermoor. 26Daarna het almal, klein en groot, saam met die le&#235;raanvoerders na Egipte toe gevlug uit vrees vir die Galde&#235;rs.</div><div class="s1">Jojagin word bevoorreg</div><div class="r">(Vgl. Jer. 52:31-33)</div><div class="p"> 27In die sewe en dertigste jaar van die ballingskap van koning Jojagin van Juda, op die sewe en twintigste van die twaalfde maand, het Ewil-Merodak, wat pas koning van Babel geword het, vir koning Jojagin van Juda uit die gevangenis vrygelaat. 28So het hy hom begenadig en hom ho&#235;r status gegee as die ander konings wat by hom in Babel was.</div><div class="p"> 29Jojagin kon sy gevangenisklere uittrek en het so lank as hy gelewe het, aan die koning se tafel ge&#235;et. 30Hy het van die koning 'n permanente toelae ontvang vir sy daaglikse behoeftes so lank as hy gelewe het.</div>
 </div>
 </div>
</div>

HistoriesVoorbeeld

Skrif

Aangaande hierdie leesplan

Verwante Leesplanne