Laai die Bybeltoep afMy Groot Vet MondVoorbeeld
Verminder Leuens met die Waarheid
Jare gelede het ek iets onwaar oor my kinderdae vertel. Wat ek besig was om te sê was eintlik bietjie van 'n versinsel.
Jong, dit klink mos baie beter as om te erken ek het gelieg, nie waar nie? Ons kamoefleer leuens met pragtige, unieke woorde, sodat dit nie so sleg moet klink nie.
Ons almal het al gejok, en die meeste van ons voel skuldig wanneer ons dit doen, maar ons plaas voorwaardes op leuens. As ons nie oor ons belasting jok nie, vir ons huweliksmaat of by die werk nie, wat dan van die kleiner versinsels wat ons vertel? Ons antwoord "goed dankie" om mense op 'n afstand te hou dat hul nie moet uitvind hoe dit regtig met ons gaan nie. Wanneer die deurklokkie lui sê ons vir ons kinders om te sê ons is nie tuis nie. Ons maak onsself die held van 'n verhaal. Ons sê vir ons werkgewers ons is amper klaar met 'n taak wat ons vergeet het om te doen.
Alle groei begin met eerlikheid. Kom ons wees dus eerlik — al hierdie klein versinsels is leuens.
Die Bybel is duidelik hieroor. God haat leuens. Gelukkig is God lief vir ons, maar Hy hou nie daarvan wanneer ons sondig nie. Wanneer ek lieg, dan sondig ek.
Hier volg drie algemene leuens en hoe ons die waarheid kan gebruik om hulle te verminder.
1. Leuen: Ons jok vir onsself, want ons dink ons kan nie die waarheid hanteer nie. Waarheid: Die werklikheid is dalk meer as wat ons kan hanteer, maar God se krag kom in werking wanneer ons swak is.
2. Leuen: Ons jok vir ander, want ons wil nie die ongemak verduur wat verantwoordelikheid bring nie.
Waarheid: Ons bely aan God om vergifnis, ons bely aan ander om genesing te ontvang.
3. Leuen: Ons jok vir God — miskien omdat ons bang is dat Hy sal ophou om ons lief te hê.
Waarheid: God weet alles en sien alles, en Hy het ons nogtans lief.
Kom ons verander dus ons goeie bedoelings in eerlike aksies. Kom ons verminder ons leuens met eerlikheid. Kom ons soek die waarheid, wees lief vir die waarheid en vertel die waarheid in alles wat ons sê en doen.
-Cindy, waarheid prater
Vra jouself af: Waarin moet ek groei? Hoe kan ek met eerlikheid begin?
Aangaande hierdie leesplan
Woorde het baie krag. Hulle kan ons vernietig en opbou. Hulle kan ons wond en genees. Die regte woorde op die regte tyd kan presies wees wat ons nodig het om te hoor — of wat ons nodig het om te sê. Lees hoe vier mense, net soos jy, die regte woorde kry in hierdie nuwe leesplan van Life.Church wat gepaardgaan met Pastoor Craig Groeschel se reeks: "My Big Fat Mouth".
More
