Vertrou, Werk Hard, En RusVoorbeeld

Werk Hard

Die laaste paar dae het ons die spanning begin verken waarmee ons as gelowiges in ons werk te doen kry en hoe ons op God kan vertrou en hard werk om dinge te laat gebeur. Soos ons gister gesien het, gee Salomo vir ons leiding oor hoe om te dink oor hierdie onderwerp. Hy begin met hoe om ons werk aan God toe te wy (Spreuke 16:3). In vers 9 van dieselfde hoofstuk moedig Salomo ons aan om hard te werk. "'n Mens beplan sy pad, maar die Here bepaal hoe hy loop." 

Ja, God het ons geroep om op Hom te vertrou, maar Hy het ook vir ons 'n verstand gegee om planne te maak en uit te voer. As ons eers ons werk aan God toegewy het, word ons geroep om ons werk "van harte soos vir die Here" te doen (Kolossense 3:23). 

Soms fokus ons as gelowiges te veel op net óf vertroue óf harde werk. Sekere gelowiges gebruik "wag op die Here" as 'n verskoning om lui te wees, terwyl ander weer so hard werk dat hulle fisiek, geestelik en emosioneel ongesond raak. Die wonder van Spreuke 16:9 is dat dit duidelik die aanvaarding van die spanning tussen die twee waarhede seën. Ja, ons moet erken dat die Here bepaal hoe ons loop, maar dit is ook goed vir ons om ons eie lewenspad te ontwerp, bou, versterk, ontwikkel, verf, vernuwe, skryf, adverteer, en verkoop. 

Ons werk is een van die primêre maniere waarop ons ons naaste in die wêreld kan dien. Onthou, werk het ontstaan voor die sondeval in die tuin van Eden. Werk is 'n uiters goeie ding wat deur God ontwerp is om sy karakter bekend te maak en waardeur ons ander kan dien en liefhê. As gevolg daarvan is ambisie vir ons werk, wat ons dryf om hard te werk, 'n goeie ding. Soos ons môre sal sien, in ons finale dag van hierdie leesplan, is dit slegs wanneer ons harde werk gekoppel is aan vertroue in God, dat ons ware rus sal vind.