OngegriefdVoorbeeld

"VREEMDELINGE OP DIE INTERNET"

Ons voel dikwels dat ons nie die paal gehaal het nie omdat ons die menings van ander mense toelaat om te bepaal hoe ons in die lewe vorder. As ons tog net mense so ver kan kry om te "hou van" ons hoogtepunte op die Internet, dan kan ons onsself om die bos lei deur te glo hulle hou van ons hele lewe. 

As ons vriende en vreemdelinge op die Internet sover kan kry om te "hou van" die plek waar ons vakansie hou, dan voel ons soos iemand spesiaal, vir 24 uur, totdat een van ons ander vriende 'n beter vakansieplek plaas. Onvermydelik gaan ons dus voort om die meetstok van ons sukses aan ander mense te gee, sommige wat ons nie eens ken of ooit mee sal praat nie. Die enigste manier hoe jy sal ophou omgee wat ander mense van jou dink, is deur die meetstok vir God te gee. 

Ek glo Jesus gee ons 'n merkwaardige manier om ons lewens te meet. Ons sien dit in sy beskrywing van die koninkryk van God in die gelykenis in Matteus 25. 

In hierdie gelykenis, sien ons hoe Jesus die koninkryk van God vergelyk met 'n man wat op reis wou gaan, sy slawe bymekaar roep en muntstukke "volgens elkeen se vermoë" aan hulle gegee het. Die rede waarom dit werklik goeie nuus vir jou en my is: dit beteken ons hoef nooit wat ons ontvang het met ander te vergelyk nie. Dit beteken wat jy ook al ontvang het, is presies wat God dink jy op hierdie stadium van jou lewe mee vertrou kan word. 

Jy wil dalk 'n huweliksmaat hê. Hoe behandel jy jou gesin, vriende en die huidige verhoudinge wat God reeds vir jou gegee het? Jy wil dalk meer geld hê. Hoe is jou rentmeesterskap van dit wat jy reeds het? 

Ons kan maklik ons sukses of mislukking meet aan ons geleerdheid of gebrek daaraan, bankbalans, ampstitel, verhoudingstatus of volgelinge op sosiale media, maar God meet nie jou lewe volgens enige van daardie standaarde nie. Hy meet jou lewe deur te kyk waarmee jy vertrou kan word. 

Deur hierdie waarheid te aanvaar, word jy van gegriefdheid bevry deur mense wat dink jy is nie goed genoeg of doen genoeg nie. Moenie die leuen glo dat jy goed genoeg sal wees met 'n hoër graad, ses-syfer bankbalans, "Besturende Direkteur" op jou besigheidskaartjie, gelukkig getroud of gemiddeld 100 "hou van" per plasing kry nie. Dit is nie vreemdelinge op die Internet wat besluit of jy 'n sukses of mislukking is nie. Dit is God.