Wat Jesus Gesê Het Oor Die DoopVoorbeeld

Wat is die betekenis van die doop? (Deel 2)

Lees Romeine 6:3-11. Hier vind ons die mees uitgebreide beskrywing van die betekenis van die doop in die Skrif.

5. Deur die kruis is die mag van sonde oor ons lewens gebreek. Om gedoop te word, beteken: ons ou self is saam met Hom gekruisig sodat die liggaam van sonde kragteloos gemaak kan word.

6. Die doop verkondig dat ons nie meer slawe van die sonde is nie. Ons is vrygemaak: ons is nie meer slawe van die sonde nie, want elkeen wat gesterf het, is van die sonde bevry.

7. Omdat Jesus gesterf het, het ons ook gesterf, en omdat Hy uit die dood opgewek is, is ons saam met Hom opgewek, en sal ons nie geestelik sterf nie. As ons deur die doop saam met Christus gesterf het, glo ons dat ons ook saam met Hom sal lewe. Ons weet dat omdat Christus uit die dood opgewek is, Hy nie weer kan sterf nie.

8. Deur die kruis, die bloed en die opstanding word ons vrygemaak om vir God te lewe. Ons reken onsself dood vir die sonde en begin vir God lewe: Hy het eens en vir altyd vir die sonde gesterf; maar die lewe wat Hy leef, leef Hy vir God. So moet julle julleself ook dood ag vir die sonde, maar lewend vir God in Christus Jesus.