Wat Jesus gesê het oor die WoordVoorbeeld

Die ewige Woord van God

1 Petrus 1:22-25: "Noudat julle julle in gehoorsaamheid aan die waarheid gereinig het om mekaar as broers ongeveins lief te hê, moet julle mekaar dan ook van harte en vurig liefhê. Julle is immers weergebore, nie uit verganklike saad nie, maar uit onverganklike saad: die lewende en ewige woord van God. Die Skrif sê: 'Die mens is soos gras, en al sy prag soos ’n veldblom; die gras verdor en die blom val af, maar die woord van die Here, dít bly vir ewig.'”

Matteus 24:35: "Die hemel en die aarde sal vergaan, maar My woorde nooit."

Openbaring 22:19: "en as iemand een van die woorde van hierdie profetiese boek wegneem, sal God sy deel aan die boom van die lewe en aan die heilige stad wegneem waarvan in hierdie boek geskrywe is."

Vra die Heilige Gees om met jou te praat vanuit hierdie Skrifgedeeltes. Vra Hom vir dieper openbaring. Hierdie gedeeltes sê baie meer as net dat die Bybel vir ewig die Woord van God is.

Ons moet verstaan dat wanneer ons die Bybel lees, dit nie net 'n paar goeie gedagtes is nie. Ons lees van ewige werklikhede – daarom moet ons noukeurig ag slaan op wat dit sê. Dit is die Heilige Gees wat met ons deur die Woord praat.

Vraag: Wat leer ek oor God uit hierdie drie Skrifgedeeltes? Wat leer ek oor myself en oor mense uit hierdie Skrifgedeeltes? Wat is daar wat ek moet gehoorsaam?