Oomblikke van hoopVoorbeeld

Net ’n waarnemer

Kry jy swaar onder die juk van die lewe se oneindige swaar laste? Is jy goeie vriende met wanhoop en vrees? As dit die geval is, moet jy iets daaraan doen. Verban daardie negatiewe emosies. Doen dit dadelik! Moenie vrees en wanhoop toelaat om in jou hart te kom woon nie. Moet ook nie toelaat dat ’n moeilike werksomgewing, eensaamheid of armoede jou vrede in Christus steel nie. Weier dat siekte of ander ellende jou van God se pad af wegtrek.

Jy moet iets spesiaals doen met hierdie deel van die lewe wat vir jou “geleen” is. Onthou dat jy net een lewe het. Gebruik dit wys! Leef elke deel daarvan tot eer van God. Gebruik vriendelike woorde wat God se genade oordra en aan die mense om jou hoop gee. Gebruik opbouende woorde wanneer jou kollegas negatiewe en depressiewe taal gebruik. Deel ’n vriendelike glimlag met iemand by die werk of stuur ’n bemoedigende boodskap aan ’n vriend of vriendin.

Moenie ’n passiewe waarnemer van die lewe wees nie. Leef God se boodskap uit met liefde en diensbaarheid. Maak ’n werklike verskil. God se sonstrale sal skielik weer skyn!