Hoop en vredeVoorbeeld

Die Vredevors

Is dit nie ’n pragtige belofte nie? Wanneer ons na Johannes 16:33 (NLV) blaai, lees ons Jesus sê: “Ek sê hierdie dinge vir julle sodat julle in My rus en vrede kan vind. In die wêreld sal julle swaarkry beleef, maar skep moed: Ek het die wêreld reeds oorwin.”

My oorlede pa was in die Tweede Wêreldoorlog, maar hy het nooit oor sy ervarings gepraat nie; ek dink dit was te pynlik vir hom. Hy is in Noord-Afrika gevang en het drie jaar as ’n oorlogsgevangene in ’n kamp deurgebring. My ma het vir ons van een insident vertel wat ’n groot impak op sy lewe gehad het. Dit was tydens die Kerstyd en ’n yskoue nag in Duitsland. My pa het deur die draadheining gestaan en kyk. Hy het seker sy familie baie gemis, gewonder wanneer die oorlog sou eindig en hoe om sy situasie te hanteer ... Skielik het hy die mooiste sang van klein kindertjies gehoor. Hy het deur die draadheining gekyk en kindertjies gesien wat “Stille Nag” in Duits sing. Dit het vir hom soveel hoop en vrede in daardie stormagtige tyd in sy lewe gegee.

Die Vredevors is oral te vinde – sy Naam is Jesus. Hou aan Hom vas waar jy ook al vandag is.