Histories

Kronologiese Bybel

Spreuke

Mosaiek Lydenstydgids: Jesus se vrae in lyding

Staan weer op

Sy Glorie, My Storie: 'n Studie Van Sy Heerlikheid in Hebreërs

Delf dieper deur Romeine

Voltydse Volharding

<div class="version vid6 iso6393afr" data-vid="6" data-iso6393="afr">
 <div class="book bkNEH">
 <div class="chapter ch1" data-usfm="NEH.1">
 <div class="label">1</div><div class="s1">Nehemia kry berig oor Jerusalem</div><div class="p"> 1Die verhaal van Nehemia seun van Gakalja.</div><div class="p">Dit was in die maand Kislef, die twintigste jaar. Ek was in die vestingstad Susan. 2Ganani, een van my medeamptenare, het daar aangekom uit Juda, hy en 'n paar ander manne. Ek het by hulle navraag gedoen oor die Jude&#235;rs wat uit die ballingskap vrygelaat is en teruggegaan het, en oor Jerusalem, 3en hulle het vir my ges&#234;: &#8220;Die ballinge wat teruggegaan het, beleef daar in die provinsie Juda groot ellende en smaad. Die muur van Jerusalem l&#234; om, en die stadspoorte is verbrand.&#8221;</div><div class="s1">Die gebed van Nehemia</div><div class="p"> 4By die aanhoor van di&#233; woorde het ek gaan sit en gehuil en dae lank getreur. Ek het gevas en tot die God van die hemel gebid. 5Ek het ges&#234;:</div><div class="p">&#8220;Ag, Here, God van die hemel, groot en ontsagwekkende God wat u verbond en u troue liefde handhaaf teenoor di&#233; wat vir U liefhet en u gebooie gehoorsaam, 6luister tog, gee tog ag op die gebed wat ek, u dienaar, sonder ophou tot U bid.</div><div class="p">&#8220;Ek bid vir u dienaars, die Israeliete, ek doen belydenis van die sondes wat ons teen U begaan het. Ook ek en my familie het gesondig. 7Ons het U nie ge&#235;er nie, ons was ongehoorsaam aan die gebooie, die voorskrifte, die bepalings wat U aan u dienaar Moses gegee het.</div><div class="p"> 8&#8220;Dink tog aan die belofte wat U aan u dienaar Moses gemaak het: &#8216;As julle ontrou is, sal Ek julle onder die volke verstrooi, 9maar as julle julle tot My bekeer en my gebooie gehoorsaam en nakom, sal Ek julle weer bymekaarmaak, al is julle oor die hele aarde versprei. Ek sal julle terugbring na die plek toe wat Ek gekies het om my Naam daar te laat woon.&#8217; </div><div class="p"> 10&#8220;Hulle is u dienaars, u volk vir wie U met u groot mag en krag gered het. 11Ag, Here, luister tog na die gebed van u dienaar en na die gebed van u dienaars, hulle vir wie dit 'n vreugde is om u Naam te eer. Laat my tog voorspoedig wees met wat ek vandag wil doen. Laat hierdie man my simpatiek gesind wees.&#8221;</div><div class="p">Ek was die koning se skinker.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkNEH">
 <div class="chapter ch2" data-usfm="NEH.2">
 <div class="label">2</div><div class="s1">Nehemia kry toestemming om Jerusalem te herbou</div><div class="p"> 1Dit was in die maand Nisan, die twintigste jaar van koning Artasasta. Die wyn was voor hom, en ek moes dit optel en aan hom gee. Ek was nooit bedruk voor hom nie, 2maar di&#233; dag s&#234; die koning vir my: &#8220;Hoekom lyk jy so bedruk? Is jy dalk siek? Nie? Hartseer dan?&#8221;</div><div class="p">Ek was baie bang, 3maar ek het vir die koning ges&#234;: &#8220;Mag die koning baie lank lewe! Hoe sal ek dan nie bedruk lyk as die stad waar my voorvaders begrawe is, in puin l&#234; en sy poorte verbrand is nie?&#8221;</div><div class="p"> 4Toe s&#234; die koning vir my: &#8220;Is daar iets wat jy my wil vra?&#8221;</div><div class="p">Ek het 'n skietgebed opgestuur na die God van die hemel 5en toe vir die koning ges&#234;: &#8220;As die koning dit goedvind, as u dienaar op u goedgesindheid mag reken, stuur my na Juda toe, na die stad waar my voorvaders begrawe is, sodat ek die stad kan herbou.&#8221;</div><div class="p"> 6Die koningin het langs die koning gesit. Hy het vir my gevra: &#8220;Hoe lank sal jou reis duur en wanneer sal jy terug wees?&#8221;</div><div class="p">Hy was die saak dus goedgesind, hy het my die opdrag gegee. Ek het vir hom 'n tyd aangedui 7en toe vir hom gevra: &#8220;As die koning dit goedvind, laat ek briewe kry aan die goewerneurs in Wes-Eufraat, sodat hulle my vrye deurgang kan gee tot ek in Juda aankom. 8Ek het ook 'n brief aan Asaf nodig, die opsigter oor die staatsbos, dat hy my kan voorsien van hout om die poorte van die vesting by die tempel te maak, en vir die stadsmuur en vir die huis wat ek sal bewoon.&#8221;</div><div class="p">My God het sy goeie hand oor my gehou, en die koning het my versoek toegestaan. 9Ek het by die goewerneurs in Wes-Eufraat gekom en die briewe van die koning aan hulle oorhandig. Die koning het offisiere en ruiters met my saamgestuur.</div><div class="p"> 10Toe Sanballat die Goroniet en Tobija die Ammonitiese amptenaar dit hoor, was dit vir hulle slegte nuus. Hulle het dit as 'n groot ramp beskou dat daar iemand gekom het wat iets goeds vir die Israeliete wou doen.</div><div class="s1">Die besluit om die muur te herstel</div><div class="p"> 11Ek het in Jerusalem aangekom, en na ek drie dae daar was, 12is ek die nag stilletjies uit met 'n paar man by my. Ek het vir niemand ges&#234; wat my God my in die hart gegee het om vir Jerusalem te doen nie. Behalwe my rydier het ek geen diere by my gehad nie. 13Ek is di&#233; nag deur die Dalpoort na die Jakkalsfontein en die Vullispoort toe en het die mure van Jerusalem nagegaan waar hulle afgebreek was en ook die poorte wat verbrand was. 14Toe ek by die Fonteinpoort en die Koningsdam kom, was daar nie plek vir my rydier om verby te kom nie, 15en moes ek in die nag met die vallei op boontoe sodat ek die muur kon nagaan. Daarna het ek omgedraai en is ek weer deur die Dalpoort en terug huis toe.</div><div class="p"> 16Die ampsdraers het nie geweet waarheen ek was en wat ek gedoen het nie. Tot dusver het ek niks laat blyk teenoor die Jude&#235;rs, die priesters, die vooraanstaande burgers, die ampsdraers of die ander wat die werk moes doen nie. 17Maar toe s&#234; ek vir hulle: &#8220;Julle sien self die benarde toestand waarin ons sit. Jerusalem l&#234; in puin en sy poorte is verbrand. Kom ons herbou die muur van Jerusalem, dat di&#233; vernedering nie langer op ons rus nie.&#8221;</div><div class="p"> 18Ek het hulle toe vertel hoe my God sy goeie hand oor my gehou het en wat die koning vir my ges&#234; het. Hulle het ges&#234;: &#8220;Kom ons bou!&#8221; en hulle het die goeie werk aangepak.</div><div class="p"> 19Maar toe Sanballat die Goroniet, Tobija die Ammonitiese amptenaar en Gesem die Arabier hoor wat ons doen, het hulle ons uitgelag en smalend gevra: &#8220;Wat vir 'n ding is dit waarmee julle besig is? Wil julle in opstand kom teen die koning?&#8221;</div><div class="p"> 20Ek het hulle geantwoord en vir hulle ges&#234;: &#8220;Die God van die hemel sal ons laat slaag in wat ons doen. Ons, sy dienaars, gaan bou. Julle het n&#243;g aandeel n&#243;g reg in Jerusalem, en geen historiese band met hom nie.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkNEH">
 <div class="chapter ch3" data-usfm="NEH.3">
 <div class="label">3</div><div class="s1">Die bouwerk begin</div><div class="p"> 1Die ho&#235;priester Eljasib en sy ampsgenote die priesters het begin en die Skaappoort gebou. Hulle het die poort gewy en sy deure ingesit. Daarna het hulle gebou tot by die Toring-van-die-Honderd, dit gewy en toe verder gebou tot by die Gananeltoring. 2Die manne van Jerigo het die volgende stuk gebou en Sakkur seun van Imri die volgende. 3Die Sena&#228;familie het die Vispoort gebou. Hulle het die houtwerk klaar gemaak en die deure, die skarniere en die sluitbalke ingesit. 4Meremot seun van Urija, seun van Kos, het die volgende stuk herstel, Mesullam seun van Berekja, seun van Mesesabel, die volgende, en Sadok seun van Ba&#228;na die volgende. 5Die volgende stuk is herstel deur die mense van Tekoa, maar hulle vooraanstaande mense was nie gewillig om swaar werk te doen vir hulle Here nie. 6Jojada seun van Paseag, en Mesullam seun van Besodja het die Ou Poort herstel. Hulle het die houtwerk klaar gemaak en die deure, die skarniere en die sluitbalke ingesit. 7Die volgende stuk is herstel deur Melatja van Gibeon en Jadon van Meronot, en deur die manne van Gibeon en Mispa wat in diens was van die goewerneur van Wes-Eufraat. 8Ussi&#235;l seun van Garhaja, en die smede het die volgende stuk herstel, en Gananja, een van die salfmengers, die volgende. Hulle het buite om Jerusalem gebou tot by die Bre&#235; Muur. 9Refaja, seun van Gur en gesagvoerder oor 'n halwe stadswyk van Jerusalem, het die volgende stuk herstel, 10en Jedaja seun van Garumaf die volgende, tot regoor sy huis. Die volgende stuk is herstel deur Gattus seun van Gasabneja. 11'n Volgende deel, tot by die Bakoondtoring, is herstel deur Malkija seun van Garim, en Gassub seun van Pagat-Moab. 12Sallum, seun van Loges en gesagvoerder oor 'n halwe stadswyk van Jerusalem, het die volgende stuk gebou, hy en sy dogters.</div><div class="p"> 13Die Dalpoort is herstel deur Ganun en die inwoners van Sanoag. Hulle het die poort herbou, sy deure, skarniere en sluitbalke ingesit, en die stuk muur van vier honderd en vyftig meter tot by die Vullispoort gebou. 14Die Vullispoort self is herstel deur Malkija, seun van Rekab en gesagvoerder oor die stadswyk Bet-Kerem. Hy het die poort herbou en die deure, skarniere en sluitbalke ingesit. 15Die Fonteinpoort is herstel deur Sallun, seun van Kol-Gose en gesagvoerder van die stadswyk Mispa. Hy het die poort herbou, die dak opgesit en die deure, skarniere en sluitbalke ingesit, en verder ook die muur van die Kanaaldam herbou, van die Koningstuin af tot by die trappe wat uit die Dawidstad afkom. 16Nehemia, seun van Asbuk en gesagvoerder oor die halwe stadswyk Bet-Sur, het die volgende stuk herstel, tot regoor die Dawidsgrafte en tot by die gemesselde dam en die kwartiere van die lyfwag.</div><div class="p"> 17Die volgende stuk is herstel deur die Leviete, die eerste deur Regum seun van Bani, en die ander deel deur Gasabja, die gesagvoerder oor die halwe stadswyk Ke&#239;la, namens sy wyk. 18Die volgende stuk is herstel deur hulle ampsgenote, die eerste deur Binnu&#239;, seun van Genadad en gesagvoerder oor die ander helfte van die stadswyk Ke&#239;la, 19en die ander deel deur Eser, seun van Jesua en gesagvoerder oor Mispa. Dit was die deel van regoor die ingang van die wapenkamer af tot by die draai in die muur. 20Die volgende deel is herstel deur Baruk seun van Sabbai, van die draai af tot by die ingang na die ho&#235;priester Eljasib se huis. 21Die volgende stuk, van die ingang na Eljasib se huis af tot aan die anderkant van die huis, is herstel deur Meremot seun van Urija, seun van Kos.</div><div class="p"> 22'n Volgende stuk is deur die priesters herstel, die eerste deur die manne van die omliggende gebied, 23die tweede deel deur Benjamin en Gassub, regoor hulle huise, die derde deel deur Asarja seun van Ma&#228;seja, seun van Ananeja, reg voor sy huis. 24Die volgende stuk, die deel van Asarja se huis af tot by die draai en verder tot in die hoek, is herstel deur Binnu&#239; seun van Genadad. 25Palal seun van Usai het die stuk herstel van regoor die draai af, en ook die toring teen die boonste paleis by die Wagplein. Die volgende stuk is herstel deur Pedaja seun van Paros, 26en die tempelslawe wat op die Ofel gewoon het. Dit was die gedeelte tot regoor die Waterpoort aan die oostekant en die aangeboude toring.</div><div class="p"> 27Die volgende deel, die stuk van regoor die groot aangeboude toring af tot by die Ofelmuur, is herstel deur die mense van Tekoa. 28Die stuk van bokant die Perdepoort af is deur die priesters herstel, elkeen die gedeelte regoor sy huis. 29Sadok seun van Immer het die volgende stuk, di&#233; regoor sy huis, herstel, en Semaja, seun van Sekanja en opsigter van die Oospoort, die volgende stuk. 30Die volgende deel is herstel deur Gananja seun van Selemja, en Ganun die sesde seun van Salaf, en die volgende deur Mesullam seun van Berekja tot regoor sy kamer. 31Malkija, een van die smede, het die volgende stuk herstel, tot by die kwartiere van die tempelslawe en die handelaars, regoor die Inspeksiepoort en verder tot by die kamer bo-op die hoek. 32Tussen die kamer op die hoek en die Skaappoort het die smede en die handelaars die herstelwerk gedoen.</div>
 </div>
 </div>
</div>

KanoniesVoorbeeld

Skrif

Aangaande hierdie leesplan

Verwante Leesplanne