Laai die Bybeltoep afGeanker in Hoop: Leesstukke uit die Nuwe TestamentVoorbeeld
Dink na oor vandag se leesstuk met hierdie vrae:
- Hoe het Jesus opgetree teenoor hierdie vrou wat 'n sosiale uitgeworpene was as gevolg van haar leefwyse?
- Hoe vergelyk hierdie gedeelte die liggaamlike en geestelike honger en dors?
Lewegewende Water
Jesus was vol vriendelikheid, deernis en vergifnis teenoor 'n sosiaal verstote vrou wat met verskeie mans romantiese verhoudings gehad het. In plaas daarvan om haar te verneder oor haar keuses, het Jesus haar sagkens vertel dat die geestelike water wat Hy gee, meer bevredigend en betekenisvol is as die troos wat sy in haar verhoudings soek (Johannes 4:14–18). Weens ons fisieke honger en dors, het ons voortdurende voeding nodig. Ons soek ook dikwels tydelike oplossings in (verhoudings, media, geld, sake, ens.) om ons aandag van ons dieper behoeftes af te lei. Jesus wys ons met hierdie verhaal dat die geestelike ons grootste behoefte is en dat slegs Hy alleen hierdie innerlike stroom lewende water aan ons kan gee (Johannes 4:14).
Dink na oor jou verhaal:
- 'n Ontmoeting met Christus gee nuwe hoop na 'n lewe van teleurstellings. Hoe het Jesus se interaksie met die vrou by die waterput vir haar nuwe hoop gegee?
Skrif
Aangaande hierdie leesplan
Ons vestig dikwels ons hoop op dinge in die wêreld om ons – vir 'n bevordering, 'n beter verhouding, 'n hegter familie en genesing van siektes. Om egter net op aardse dinge te hoop, sal ons hoop beskaam word. Die Bybel sê dat ons verlies en teleurstellings op aarde sal beleef, maar God hou ons in sy ewige liefde vas. Jy sal met hierdie leesplan leer hoe God vir jou sorg en sien hoedat geestelike hoop jou met krag tydens die lewensstorme vul.
More
