10 Mini-Oordenkings Vir VroueVoorbeeld

Ondersteuningstelsel

Stel jou ’n krag voor wat só sterk is dat jy al jou vrese, pyn, probleme, onsekerhede en angs daarin kan stort en kan wéét dit sal hanteer word … vir ewig. God se liefde is so ’n krag. Hy nooi jou uit om al jou bekommernisse na Hom toe te bring en hulle aan die voet van die kruis te laat. Hy sal jou troos, versterk en bemoedig, want Hy gee vir jou om.

Hy het sy besorgdheid oor jou op ’n baie tasbare manier gewys toe Christus vrywillig aarde toe gekom het om te wys hoe om saam met ander en vir God te leef. Hy het jou sonde op Hom geneem toe Hy aan die kruis gesterf het. En nou is Hy in die hemel, waar Hy vir jou intree. Hy weet hoe die lewe op aarde is en Hy wil jou daarmee help. Vra Hom net.