Geloof Soos ’N MosterdsaadVoorbeeld

Lig jou oë op na Hom

Dit is vroegoggend en ek sit en kyk uit oor die Drakensberge. Ek ervaar dat Jesus vir my sê: “Glo in My, want Ek is standvastig en so onwankelbaar soos hierdie berge voor jou. Ek is onbeweeglik en tog leef Ek.”

Berge boei my omdat hulle nie kan beweeg nie en tog verander hulle voorkoms gedurig. Vroeg vanoggend het die berge in die skadu’s gelê. Noudat die helder son opgekom het, is die skadu’s weg en kan ek die pragtige groen somergras sien wat die berg soos ’n gladde mat bedek. Daar is min skadu’s oor.

Ons hemelse Vader is baie soos ’n berg. Hy is standvastig. Hy is getrou. Hy is indrukwekkend en groot. Tog is Hy so ongelooflik opwindend omdat Hy gedurig by ons omstandighede aanpas. Hy bly nooit agter nie. Hy is altyd op hoogte van alles. Hy is betrokke by die omstandighede en die situasies wat ek en jy op hierdie oomblik beleef. Hy het belowe dat Hy ons nooit sal verlaat of in die steek sal laat nie (Heb. 13:5).

Ons kan vanoggend tot hierdie God uitroep: “Meester, gee vir my meer geloof sodat ek U kan geniet, sodat ek U kan vertrou en sodat ek net in U sal glo. My hulp kom van Jesus Christus alleen. Nie van die berge of van mense nie, maar van God en God alleen. Amen! Halleluja!”