MarkusVoorbeeld

Lees: Markus 8:34–9:29 

SOAP: Markus 9:7

Daar het toe ‘n wolk gekom wat sy skaduwee oor hulle laat val het; en uit die wolk het daar ‘n stem gekom: “Dit is my geliefde Seun. Luister na Hom.” 

Oordenking

Markus gaan voort om die vraag wie Jesus is, deurlopend in sy weergawe van die evangelie te beantwoord. Jesus se verheerliking was ‘n opvallend persoonlike gebeurtenis. Jesus het nie eens toegelaat dat al twaalf van sy dissipels dit aanskou nie, net Petrus, Jakobus en Johannes. Agterna het Hy hulle beveel om vir niemand voor die bestemde tyd te vertel wat hulle gesien het nie.

Gelukkig kan ons nou van hierdie gebeurtenis lees en dit verstaan (ten minste iets daarvan). God die Vader het Jesus se identiteit op die berg bevestig. Hy het bevestig dat Jesus sy enigste Seun is wat met die goddelike doel gestuur is om die prys vir ons sonde te betaal. Watter voorreg moes dit nie vir Petrus, Jakobus en Johannes gewees het om hierdie oomblik te aanskou nie! 

Vandag kan ons, omdat hierdie ongelooflike gebeurtenis aangeteken is, met sekerheid weet wie Jesus is: die Seun van God. Namate ons in ons geloof groei, kan ons seker wees van sy goddelikheid. Hy is nie ‘n profeet wat wonderwerke verrig het nie. Hy is die Skepper en Onderhouer van alle lewe. Hy is die Een wat ons red van die dood. Hy is die Seun van God. Hy verdien die hoogste eer, trou en lof.

Gebed 

Here, ek verloor dikwels u heiligheid uit die oog. Help my om u heerlikheid te sien. Gee my ‘n dieper begeerte om U te volg, U te eer en U te loof vir wie U is. Amen.