Meer As KoraleVoorbeeld

Vra vir sy krag

Dalk voel jy skoon uitgeput oor alles in hierdie vrou se portret ...

Ek voel ook ietwat …

… huiwerig = Is dit regtig wat ek begeer?

… bang = Sê nou ek misluk?

… ontnugter = Dit gaan ’n moeilike klim wees!

Daar is oomblikke dat ek selfs wonder: “Watter verskil sal dit maak as ek ’n knap vrou word wat deugsaam is?”

Maar hierdie soort gedagtes verdwyn wanneer ons onthou dat die beskrywing van hierdie spesiale vrou in God se Woord opgeteken staan. Sy is Gód se portret, en sy weerkaats Gód se beeld van skoonheid en Gód se ontwerp vir uitsonderlikheid. Hý ken die waarde van die werk wat Hy vir ons gegee het om vir Hom te doen, en Hý weet wat dit geestelik en liggaamlik van ons sal vra om dit te kan doen. Dalk begin ons dan besef hoekom hierdie sterk vrou so ’n seldsame skat is.

Fluister vandag ’n smeekgebed tot God om vir jou krag – sý krag – te gee. Verklaar dat dit jou begeerte is om ’n vrou te word wat, soos ’n vaardige leër, met energie, moed, dapperheid, deursettingsvermoë, volharding en krag – God se krag – deur die uitdagings en verantwoordelikhede van die lewe sal beweeg. Ek weet jy begeer presies dieselfde as wat ek begeer – om ’n vrou te wees wat waarlik beeldskoon in God se oë is, om God se goedkeuring te geniet, om van Hom te hoor: “Uitstekend! Jy is ʼn voortreflike slaaf; een op wie ek kan staatmaak” (Matt. 25:21), om uit sy mond te hoor dat jý “’n eerbare vrou” is (Rut 3:11).

Hierdie oordenkings is saamgestel uit MEER AS KORALE deur Elizabeth George © Christelike Uitgewersmaatskappy.