God, Wat Van My?Voorbeeld

Terwyl Ek Wag 

Terwyl jy wag, onthou dat as kind van die allerhoogste God, elke tydperk jou tydperk is. Hierdie opvatting dat dit net ons tydperk is wanneer dinge volgens plan verloop, is verkeerd en toksies. 

Toe Dawid skape opgepas het, was dit nog steeds sy ''tydperk" en toe Josef in die tronk opgesluit is vir 'n misdaad wat hy nie gepleeg het nie, was dit nog steeds sy "tydperk". 

Terwyl ons wag, sal dit wat ons fisies sien, ons geloof in God uitdaag omdat daar nie altyd fisiese bewyse sal wees van wat ons glo Hy moet doen nie. In daardie tye moet ons onthou dat ons deur die geloof lewe en nie deur dit wat ons sien nie. Ons neem ons besluite op grond van geloof in God, nie deur die beperkings van ons huidige omstandighede nie. Terwyl ons wag, leer ons hoe om ons eie wil — ons tydlyn van hoe dinge moet gebeur — en selfs ons doelwitte aan God te onderwerp. Die veiligste plek om te wees is in sy hande, want net Hy het die vermoë om in vandag, môre en volgende jaar te leef. 

Om te wag onthul wie en wat ons aanbid. Dit openbaar diepgewortelde vrese en selfs verborge angstige oortuigings. Toe die Israeliete gewag het om by die beloofde land uit te kom, het hulle onmiddellike bevrediging nagestreef, want dit is wat hulle na waarde geskat het. Hulle wou terugkeer na slawerny eerder as om te wag en die reis te verduur omdat hulle in hul harte ander gode aanbid het. 

Om te wag is nooit tydmors nie. God het nie sy belofte van die Israeliete weerhou nie — Hy was besig om hulle voor te berei. Waarna wend jy jou as jy ontevrede is met jou omstandighede? Die antwoord op hierdie vraag verklap baie oor jou hart. 

Terwyl ons wag, berei God ons voor op wat voorlê. Elke dag praat God, maar as ons op die toekoms fokus en die Een wat ons lei, verwaarloos, sal ons Hom nie hoor nie. Daarom sal die tyd verbygaan, maar ons sal net so gefrustreerd en onkundig wees soos die eerste dag, want ons het geen rigting ontvang van die Een wat ons beweer dat ons dien nie.