God, Wat Van My?Voorbeeld

Om Vergete Te Voel

Die pyn wat jy ervaar wanneer jy deur God vergete voel, is baie moeilik om te verduur. Jy kan van een uiterste gaan om die bietjie geloof wat jy oorhet te probeer behou, tot die ander uiterste om jou geloof heeltemal te verwerp omdat jou pogings om jou geloof te behou, jou net herinner aan al die dinge wat jy nie het nie. 

Selfs al voel ons soms deur God vergete, is Hy werklik in staat om ons te vergeet?

Jesaja 49:15 sê: ''Kan 'n vrou haar eie baba vergeet, haar nie ontferm oor die kind wat sy in die wêreld gebring het nie? Selfs al sou so iets kon gebeur, Ek sal jou nie vergeet nie."

Daarom is dit onmoontlik vir God om jou te vergeet. Dit is nie in sy aard nie en wie Hy is, sal Hom dit nie toelaat nie. Jy kan sy Woord vertrou bo wat jy voel, want Hy is 'n God wat sy Woord bo sy Naam verhef. Alhoewel ons dus soms deur God verlate voel, is ons nooit werklik nie. Ons moet egter nie hierdie gevoel ignoreer nie. Daardie gevoel van verlatenheid is vir ons 'n geleentheid om sy teenwoordigheid en opperheerskappy oor ons lewens te ervaar op maniere waaraan ons nie gewoond is nie.

As nuwe ouers het ons geleer, alhoewel ons ons dogter liewer het as onsself, daar wel tye sal wees dat sy nie deur ons geliefd sal voel nie, weens haar beperkte siening en lewensbeskouing. Dit verander steeds nie die onbetwisbare feit dat ons haar oneindig liefhet nie. Net so het ons hemelse Vader planne vir ons, maar daardie planne sal ons nie altyd laat "voel" dat God ons liefhet nie. 

Dit laat die vraag ontstaan: waarom baseer ons die kwaliteit van God se vaderskap op dit wat ons sien Hy fisiek vir ons of ander doen? Dink 'n oomblik daaroor na. 

Dit wil voorkom asof ons vergeet dat God nie tot hierdie fisiese wêreld beperk is nie, en ook nie deur vlees beperk word nie. Selfs tyd het net een Heerser en sy naam is Jehova, oftewel jou hemelse Vader. 

Onthou, selfs as jy nie die persoon is wat hulle vir die werk gekies het nie, nie die persoon is wat hulle vir die rol of bevordering gekies het nie of nie die persoon is wat hulle gekies het om mee te trou nie, jy nog steeds God se keuse is. Ons kan dit nie op God uithaal nie, want Hy het ons eerste liefgehad en gekies. 

Dawid se eie vader, Isai, het hom nie gekies toe Samuel by sy huis aangekom het om een ​​van sy seuns as koning te salf nie. Isai het Dawid nie eens oorweeg nie! Dit was amper asof God vir Isai toegelaat het om uit te wys wie van sy kinders hy as koning sou kies. Daarna tree God in en bewys dat die vergete een, die een is wat Hy gekies het.