Draai Weg van VerslawingVoorbeeld

Wanneer jy die Gees toelaat om jou denke met die waarheid uit die Woord van God te oorheers, sal jy in vryheid lewe. Jesus het gesê: "... en julle sal die waarheid ken, en die waarheid sal julle vrymaak" (Johannes 8:32). Die woord "ken" verwys na soveel meer as net 'n verstandelike bewustheid van iets. Dit beteken om ten diepste en sonder enige twyfel oortuig te wees. Jy "weet wat jy weet" die waarheid is. Dit is 'n waarheid wat in jou diepste menswees weerklank vind. Dit is wat dit beteken om die waarheid te ken en daardeur vrygemaak te word. 

Die soort "ken" waarvan Jesus praat, wat jou sal vrymaak, is 'n soort kennis wat waarlik ken. Dit is nie raaiwerk nie. Dit is nie om te hoop nie. Dit is nie om te toets nie. Jy weet dat jy weet omdat jy dit as waar ervaar het. 

Met die Woord van God ervaar ons nie altyd die onweerlegbare bewys van die geloof wat nodig is om die werking van die waarheid uit te voer nie. Dit is waarom die Woord van God soveel klem op geloof lê — want dit is uiters noodsaaklik om enige verslawende gedrag te oorkom. Jy moet eers glo dat die Woord van God waar is, en dan sy Woord as waarheid in jou omstandighede toepas om in jou weerklank te vind en die bevrydende werk in jou lewe te doen. Die waarheid help jou om jou vestings af te breek, maar slegs wanneer jy dit as waarheid behandel. Jy moet jou denke, optrede, hart en wil in ooreenstemming bring met sy Woord en sy uitspraak oor wat jou omstandighede of denkpatroon is waarvoor jy te staan kom sodat dit jou kan vrymaak. 

Wat weet jy van die Woord van God wat jou kan help om bevryding van jou verslawing te kry?

Ons hoop hierdie leesplan het jou bemoedig. Vir verdere inligting om jou lewe om te draai, klik op hier.