In die skadu van die AllerhoogsteVoorbeeld

God se glimlag  

Hierdie bekende en geliefde seën, met sy eenvoudige maar merkwaardig omvattende bewoording, herinner ons aan die bron van alle seën: Jahwe. Die Here is die Een wat ons beskerm, want sonder Hom kan ons nie eens een keer asemhaal nie. Die Here is die Een wat ons liefhet en sy goedheid oor ons uitstort, want Hy is die gewer van alle goeie gawes. Die Here is die Een wat aan ons genade en vrede gee, want voordat Hy ons gered het, was ons sy vyande. 

Wanneer die Bybel van God se guns praat, verwys dit na God se spesiale aandag. Is dit nie verstommend om te dink dat God na jou kyk met ’n glimlag op sy gesig nie? Hy is ten nouste by jou lewe betrokke. Hy weet tot hoeveel hare daar op jou kop is. Hy weet alles van jou en Hy weet ook van alles wat jy nodig het, beter as jy self. En nie net weet God wat jy nodig het nie, Hy sal dit ook vir jou voorsien deur sy onbeperkte krag en eindelose liefde. Dié wat vir God liefhet, geniet sy seëninge, beskerming, genade en vrede, elke oomblik, vandat hulle gebore word totdat hulle die dag na Hom toe gaan. Dit is ’n belofte wat jou deur enigiets kan dra. Laat God vandag sy seën oor jou uitspreek. 

Ek laat vir julle vrede na; my vrede deel Ek met julle. Ek gee nie soos die wêreld gee nie. Julle moet nie ontsteld of beangs word nie. (Johannes 14:27)