Aan Ons: Vier die Koms van JesusVoorbeeld

Vredevors 

Vrede. Ongeag van waar ons woon of wat ons glo, ons almal begeer vrede. Omdat ons siele daarna smag, probeer ons dit op verskeie maniere bekom — mense, leiers, finansies, gemak, dwelmmiddels. Dit maak nie saak hoe hard ons probeer nie, ons sal nooit ware, langdurige vrede ervaar totdat ons nie die bron daarvan ontmoet nie. 

In Jesaja 9:5 word Jesus Vredevors genoem. Dit word soos volg in Hebreeus gedefinieer:

Vors — sar
Prins, heerser, leier, beampte, kaptein

Vrede — shalom
Volledigheid, gesondheid, welsyn, vrede, veiligheid; in verbondsverhouding met God

Wanneer hierdie twee woorde tot 'n titel gekombineer word, vind jy 'n leier wat volkome welstand, vrede en veiligheid voorsien. Hoe wonderlik is dit nie? Met een naam is Hy onmiddellik anders as enige menslike heerser wat ons nog ooit op aarde gesien het. Toe Hy gekom het, was Hy in God se vrede geklee. 

Jesus se vrede nooi 'n kalmte in ons lewens in, ongeag van wat om ons skuil. Hy gee aan ons vrede deur die beproewinge van die lewe heen, en moedig ons aan om nie ontsteld of bang te wees nie (Johannes 14:27). Hy bied vir ons vrede op ons lewensreis met Jesus totdat Hy weer kom (1 Tessalonisense 5:23). Wanneer ons byna oorweldig word deur vrees, word ons kalmeer deur die vrede van God wat alle verstand te bowe gaan (Filippense 4:7). 

Jesus, ons Vredevors, is die enigste manier hoe ons vrede met God kan hê. Wanneer ons ja sê vir Jesus en glo dat Hy gesterf en weer opgestaan het, word ons tot 'n regte verhouding met Hom genooi. Hy smag daarna om verhoudings te herstel, en soos wat dit gebeur, leer ons hoe om vredemakers te wees in 'n wêreld wat dit bitter nodig het. 

Ongeag van waar jy in jou reis met Christus is, sit vandag tyd daarvoor opsy om oor Jesus as jou Vredevors te peins.