Laai die Bybeltoep afIn Die Sakewêreld Met GodVoorbeeld
Die woord "prediker" is 'n direkte leenwoord uit Latyn, wat dienaar beteken. Dit het selfs 'n ander Latynse woord "minus" as grondwoord (ook deur Engels geleen), wat minder beteken.
Jesus het geestelik niks geword sodat ons iets kon word. God het Hom beloon deur aan Hom die Naam bo alle name te gee. Enigeen wat besluit om vir Jesus te volg, sal ook sy voorbeeld volg!
Die wêreld het so 'n beheptheid met produktiwiteit dat winste bo mense gestel word. Hulle noem dit om "uitkomsgedrewe" te wees. God se uitkomste is egter nie soos ons s'n nie. Jesus is eerder besorgd om kragtige mense te bou wat soos Hy lyk, soos Hy dink en soos Hy optree. Sy Heilige Gees het ten doel om ons te leer om in verbintenis met God te wandel en om sy werke te doen.
Terwyl die wêreld reëls skep om uitkomste te verseker, werk die dissipels van God se koninkryk om aan ander vryheid en krag te skenk om so die beeld van Jesus oor die hele aarde te vermenigvuldig.
Die wêreld sê: "dis nie persoonlik nie, dis net besigheid". Die koninkryk, aan die ander kant, is nie geïnteresseerd as dit nie persoonlik is nie. Sy koninkryk is van nature ingestel op verhoudings en is dus behep daarmee om gesonde mense te bou en gesonde verbintenisse te skep.
Sy koninkryk is geduldig, lankmoedig, medelydend en vrygewig ... en help ander om voordeliger denkprosesse en werksgewoontes te betree. Dis 'n wins vir sy koninkryk wanneer ander in Hom verwesenlik word.
Weer eens, Jesus is nie iemand anders wanneer Hy in die sakewêreld betrokke raak nie. Sy beweegredes en uitkomste verander nie. Hoe Hy mense liefhet, verander nie. Hy neem steeds die mindere rol in sodat ander kan wen. Wanneer ons by Hom aansluit om ander te help om Jesus se goedheid te ontdek, te ervaar en te wandel in hul oorspronklike roeping om sy vriend te wees, word dit dissipelskap genoem. Dit is presies wat Hy ons roep om met Hom in die sakewêreld te doen.
Hier is net een vraag:
1. Hoe nooi God jou uit om van ander dissipels te maak en hulle te bemagtig?
BONUS. Indien hierdie vraag vir jou onmoontlik is om te beantwoord, kan jy hierdie een probeer: het jy al ooit saam met God oor iets onbaatsugtig gedroom? Indien wel, wat? Indien nie ... staan 'n rukkie aan 'n droomskrum af. Wat lekker van drome is, is dat hulle sonder verpligtinge is. Wat sou saam met God "kon gewees" het?
Aangaande hierdie leesplan
Gee gierigheid 'n opstopper in die gesig met al God se roekelose liefde! God is gretig om sy liefde, goedheid en wysheid aan almal in die hemel en op aarde te vertoon. Duik sommer in God se begeerte om besighede te gebruik om op bonatuurlike wyse fisieke en geestelike armoede aan te raak en so die oorvloed van sy koninkryk na die aarde te bring.
More
