Die Beter Leesplan

Veranderd: Die Volgende Stappe vir 'n Veranderde lewe

Sielsontgiftiging

Heilige Emosies - Bybelse Antwoorde vir Elke Uitdaging

'n Sprong van Vreugde

Daaglikse Oordenkings met Greg Laurie

Glo God Is Goed — Ongeag

25 Dae tot Kersfees

Kom saam, Jesus roep jou

Wie Braai Jou Wors?

<div class="version vid6 iso6393afr" data-vid="6" data-iso6393="afr">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s1">Die gelykenis van die saaier</div><div class="r">(Mark. 4:1-9; Luk. 8:4-8)</div><div class="p"> 1Dieselfde dag het Jesus van die huis af gegaan en by die see gaan sit. 2'n Groot menigte het so om Hom saamgedrom dat Hy in 'n skuit geklim en daarin gaan sit het, maar die mense het almal op die strand bly staan. 3Hy het hulle baie dinge in gelykenisse vertel en onder andere ges&#234;:</div><div class="p">&#8220;'n Saaier het eendag gaan saai. Met die saai het 'n deel van die saad op die pad geval, en 4die vo&#235;ls het gekom en dit opgepik. 5'n Ander deel daarvan het op klipbanke geval, waar daar nie baie grond was nie, en dit het gou opgekom omdat die grond nie diep was nie. 6Maar toe die son warm word, is dit verskroei, en omdat dit nie wortel geskiet het nie, het dit verdroog. 7'n Ander deel het tussen die onkruid geval, en die onkruid het opgekom en dit laat verstik. 8Die ander saad het in goeie grond geval en 'n oes gelewer, party honderdvoudig, ander sestigvoudig en ander dertigvoudig.</div><div class="p"> 9&#8220;Wie ore het, moet luister!&#8221;</div><div class="s1">Die doel van die gelykenisse</div><div class="r">(Mark. 4:10-12; Luk. 8:9-10)</div><div class="p"> 10Die dissipels het vir Jesus kom vra: &#8220;Hoekom gebruik U gelykenisse as U met die mense praat?&#8221;</div><div class="p"> 11Hy het hulle geantwoord: &#8220;Aan julle is dit gegee om die geheime van die koninkryk van die hemel te ken, maar aan hulle is dit nie gegee nie. 12Wie het, vir hom sal nog meer gegee word, en hy sal oorvloed h&#234;; maar wie nie het nie, van hom sal ook die bietjie wat hy het, weggevat word. 13Om hierdie rede praat Ek met hulle in gelykenisse: omdat hulle kyk maar nie sien nie, en hoor maar nie luister en verstaan nie. 14In hulle geval word die profesie van Jesaja vervul wat s&#234;:</div><div class="b"></div><div class="q1">&#8220; &#8216;Julle sal hoor en hoor en tog niks verstaan nie, en kyk en kyk en tog niks sien nie.</div><div class="q1"> 15Hierdie volk se verstand is afgestomp: hulle het hulle ore toegedruk en hulle o&#235; toegemaak</div><div class="q1">sodat hulle nie met hulle o&#235; kan sien en met hulle ore kan hoor</div><div class="q1">en met hulle verstand kan verstaan en hulle bekeer, en Ek hulle gesond maak nie.&#8217; </div><div class="b"></div><div class="p"> 16&#8220;Maar julle o&#235; is bevoorreg dat hulle sien, en julle ore dat hulle hoor. 17Dit verseker Ek julle: Baie profete en gelowiges wou graag sien wat julle sien, maar het dit nie gesien nie, en wou graag hoor wat julle hoor, maar het dit nie gehoor nie.&#8221;</div><div class="s1">Jesus verklaar die gelykenis van die saaier</div><div class="r">(Mark. 4:13-20; Luk. 8:11-15)</div><div class="p"> 18&#8220;Luister julle dan na wat die gelykenis van die saaier beteken: 19Die Bose kom by elkeen wat die woord van die koninkryk hoor maar dit nie verstaan nie, en vat dan weg wat in sy hart gesaai is. Dit is hy by wie daar op die pad gesaai is. 20Die man weer by wie daar op die klipbanke gesaai is, is hy wat die woord hoor en dit dadelik met blydskap aanneem. 21Hy laat dit egter nie by hom wortel skiet nie, en hy hou nie lank uit nie. As hy ter wille van die woord verdruk en vervolg word, word hy gou afvallig. 22Die man by wie daar tussen die onkruid gesaai is, is hy wat die woord hoor, maar die bekommernis van die lewe en die verleidelikheid van rykdom verstik die woord, en dit bly sonder vrug. 23Die man by wie daar op goeie grond gesaai is, is hy wat die woord hoor en dit verstaan. Hy dra inderdaad vrug en lewer 'n oes: soms honderdvoudig, soms sestigvoudig, soms dertigvoudig.&#8221;</div><div class="s1">Die gelykenis van die onkruid tussen die koring</div><div class="p"> 24Hy het nog 'n gelykenis aan hulle voorgehou en ges&#234;: &#8220;Die koninkryk van die hemel kan vergelyk word met 'n man wat goeie saad op sy land gesaai het. 25Een nag, toe die mense slaap, het sy vyand gekom en onkruid tussen die koring gesaai en verdwyn. 26Toe die groen koring opskiet en in die aar begin kom, het die onkruid ook sigbaar geword. 27Die slawe van die boer kom s&#234; toe vir hom: &#8216;Meneer, het u nie goeie saad op u land gesaai nie? Waar kom die onkruid dan vandaan?&#8217; 28Hy antwoord hulle: &#8216;Dit is 'n vyand se werk.&#8217; Die slawe s&#234; toe vir hom: &#8216;Wil u h&#234; ons moet dit gaan uittrek?&#8217; 29&#8216;Nee,&#8217; s&#234; hy, &#8216;as julle die onkruid nou bymekaarmaak, sal julle die koring saam uittrek. 30Laat altwee saam groei tot met die oes. In die oestyd sal ek vir di&#233; wat oes, s&#234;: Maak eers die onkruid bymekaar en bind dit in bondels om dit te verbrand, maar bring die koring na my skuur toe.&#8217; &#8221;</div><div class="s1">Die gelykenisse van die mosterdsaadjie en die suurdeeg</div><div class="r">(Mark. 4:30-32; Luk. 13:18-21)</div><div class="p"> 31Hy het nog 'n gelykenis aan hulle voorgehou en ges&#234;: &#8220;Die koninkryk van die hemel is soos 'n mosterdsaadjie wat iemand gevat en in sy land geplant het. 32Dit is die kleinste van al die soorte saad, maar as dit uitgegroei het, is dit groter as die tuinplante en word dit 'n boom, sodat die vo&#235;ls in sy takke kom nes maak.&#8221;</div><div class="p"> 33Hy het hulle nog 'n gelykenis vertel: &#8220;Die koninkryk van die hemel is soos suurdeeg wat 'n vrou gevat en in 'n groot skottel meel ingewerk het totdat dit heeltemal deursuur was.&#8221;</div><div class="s1">Die gebruik van gelykenisse</div><div class="r">(Mark. 4:33-34)</div><div class="p"> 34Al hierdie dinge het Jesus vir die mense in gelykenisse geleer, en sonder 'n gelykenis het Hy hulle niks geleer nie. 35So moes vervul word wat die Here deur 'n profeet ges&#234; het:</div><div class="b"></div><div class="q1">&#8220;Ek sal gelykenisse gebruik as Ek praat;</div><div class="q1">Ek sal bekend maak wat geheim gebly het van die skepping af.&#8221; </div><div class="s1">Verklaring van die gelykenis van die onkruid</div><div class="p"> 36Daarna het Jesus van die mense af weggegaan huis toe. Sy dissipels kom toe by Hom en vra: &#8220;Verduidelik tog vir ons die gelykenis van die onkruid in die land.&#8221;</div><div class="p"> 37Jesus antwoord: &#8220;Hy wat die goeie saad saai, is die Seun van die mens. 38Die saailand is die w&#234;reld. Die goeie saad, dit is die mense van die koninkryk; die onkruid is die aanhangers van die Bose; 39die vyand wat die onkruid saai, is die duiwel. Die oes is die voleinding van die w&#234;reld; di&#233; wat oes, is die engele.</div><div class="p"> 40&#8220;Soos die onkruid bymekaargemaak en met vuur verbrand word, so sal dit by die voleinding van die w&#234;reld wees. 41Die Seun van die mens sal sy engele stuur, en hulle sal uit sy koninkryk verwyder almal wat ander mense in sonde laat val, en almal wat die wet van God oortree, 42en sal hulle in die brandende oond gooi. Daar sal hulle huil en op hulle tande kners. 43Dan sal die gelowiges in die koninkryk van hulle Vader skitter soos die son.</div><div class="p">&#8220;Wie ore het, moet luister.&#8221;</div><div class="s1">Drie kort gelykenisse</div><div class="p"> 44&#8220;Met die koninkryk van die hemel gaan dit soos met 'n skat wat in 'n saailand onder die grond l&#234;. Wanneer iemand dit kry, maak hy dit weer toe; en omdat hy baie in sy skik is, gaan verkoop hy alles wat hy het, en hy koop daardie land.</div><div class="p"> 45&#8220;Met die koninkryk van die hemel gaan dit soos met 'n handelaar wat op soek is na goeie p&#234;rels. 46As hy 'n baie waardevolle p&#234;rel raakloop, gaan verkoop hy alles wat hy het, en koop die p&#234;rel.</div><div class="p"> 47&#8220;Verder gaan dit met die koninkryk van die hemel soos met 'n treknet wat in die see gegooi is en allerhande soorte vis vang. 48As dit vol geword het, sleep hulle dit op die strand uit en gaan sit om die goeie vis in mandjies bymekaar te maak, maar die onbruikbares gooi hulle weg. 49So sal dit by die voleinding van die w&#234;reld wees. Die engele sal uitgaan en die slegtes skei van die goeies 50en hulle in die brandende oond gooi. Daar sal hulle huil en op hulle tande kners.&#8221;</div><div class="s1">Ou en nuwe skatte</div><div class="p"> 51&#8220;Verstaan julle al hierdie dinge?&#8221;</div><div class="p">&#8220;Ja,&#8221; antwoord hulle Hom.</div><div class="p"> 52Hy s&#234; toe vir hulle: &#8220;So is elke skrifgeleerde wat 'n leerling word in die koninkryk van die hemel, soos 'n huiseienaar wat uit sy voorraad nuwe en ou dinge te voorskyn bring.&#8221;</div><div class="s1">Jesus word in Nasaret misken</div><div class="r">(Mark. 6:1-6; Luk. 4:16-30)</div><div class="p"> 53Toe Jesus hierdie gelykenisse klaar vertel het, het Hy daarvandaan weggegaan. 54Hy het in die dorp gekom waar Hy grootgeword het, en Hy het die mense in hulle sinagoge so geleer dat hulle verstom was en ges&#234; het: &#8220;Waar kry hy hierdie wysheid vandaan en die vermo&#235; om die kragtige dade te doen? 55Is hy dan nie die timmerman se seun nie? Is sy ma nie Maria en sy broers Jakobus, Josef, Simon en Judas nie? 56En sy susters, is hulle nie almal hier by ons nie? Waar kry hy dan al hierdie dinge vandaan?&#8221;</div><div class="p"> 57En hulle wou niks van Hom weet nie.</div><div class="p">Jesus s&#234; toe vir hulle: &#8220;'n Profeet word oral erken behalwe in die plek waar hy grootgeword het, en in sy familiekring.&#8221;</div><div class="p"> 58Vanwe&#235; hulle ongeloof het Hy daar nie baie wonderwerke gedoen nie.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">Die dood van Johannes die Doper</div><div class="r">(Mark. 6:14-29; Luk. 9:7-9)</div><div class="p"> 1Daardie tyd het Herodes, die heerser, gehoor wat van Jesus vertel word, 2en hy het vir sy paleispersoneel ges&#234;: &#8220;Maar dit is mos Johannes die Doper! Hy is uit die dood opgewek, daarom werk die kragte in hom!&#8221;</div><div class="p"> 3Vroe&#235;r het Herodes vir Johannes laat vang, laat boei en in die tronk laat opsluit. Dit het hy gedoen oor Herodias die vrou van sy broer Filippus, 4want Johannes het vir Herodes ges&#234;: &#8220;U mag haar nie as vrou vat nie.&#8221; 5Herodes wou hom daaroor doodmaak maar was tog bang vir die mense, omdat hulle hom as 'n profeet beskou het.</div><div class="p"> 6Met Herodes se verjaarsdagviering het die dogter van Herodias voor die gaste gedans. Herodes was so in sy skik met haar 7dat hy 'n eed afgel&#234; het dat hy vir haar sal gee net wat sy vra. 8Haar ma het haar voorges&#234; en sy het gevra: &#8220;Gee vir my hier in 'n skottel die kop van Johannes die Doper.&#8221;</div><div class="p"> 9Hieroor het die koning baie sleg gevoel, maar vanwe&#235; die eed wat hy voor die gaste afgel&#234; het, het hy opdrag gegee dat aan haar versoek voldoen moet word. 10Hy het iemand gestuur en Johannes in die tronk laat onthoof. 11Hulle het sy kop in 'n skottel ingebring en aan die meisie gegee, wat dit na haar ma toe gevat het. 12Sy dissipels het sy liggaam kom haal en begrawe; en hulle het dit vir Jesus gaan vertel.</div><div class="s1">Die eerste vermeerdering van die brood</div><div class="r">(Mark. 6:30-44; Luk. 9:10-17; Joh. 6:1-14)</div><div class="p"> 13Toe Jesus dit hoor, het Hy met 'n skuit daarvandaan weggegaan na 'n stil plek om alleen te wees. Die mense het hiervan gehoor en Hom van die dorpe af te voet gevolg. 14Toe Hy uit die skuit klim, het Hy die groot menigte mense daar gesien. Hy het hulle innig jammer gekry en die siekes onder hulle gesond gemaak.</div><div class="p"> 15Toe dit al aand begin word, het sy dissipels vir Hom kom s&#234;: &#8220;Dit is 'n afgele&#235; plek en dit het al laat geword. Stuur die mense terug dat hulle vir hulle kan gaan kos koop in die dorpe.&#8221;</div><div class="p"> 16Maar Jesus s&#234; vir hulle: &#8220;Hulle hoef nie weg te gaan nie. Gee julle vir hulle iets om te eet.&#8221;</div><div class="p"> 17Hulle s&#234; toe vir Hom: &#8220;Ons het hier net vyf brode en twee visse.&#8221;</div><div class="p"> 18&#8220;Bring dit vir My hier,&#8221; s&#234; Hy.</div><div class="p"> 19Hy het die menigte beveel om op die groen gras te gaan sit om te eet. Toe neem Hy die vyf brode en die twee visse, kyk op na die hemel en vra die se&#235;n. Daarna het Hy die brood gebreek en dit aan sy dissipels gegee, en hulle het dit aan die mense gegee. 20Al die mense het ge&#235;et en genoeg gekry, en hulle het nog twaalf mandjies vol bymekaargemaak van die stukke brood wat oorgebly het. 21Daar was omtrent vyf duisend mans wat ge&#235;et het, afgesien van die vrouens en kinders.</div><div class="s1">Jesus loop op die see</div><div class="r">(Mark. 6:45-52; Joh. 6:15-21)</div><div class="p"> 22Net daarna het Jesus sy dissipels in die skuit laat klim om solank voor Hom uit te vaar na die oorkant toe terwyl Hy nog eers die mense huis toe laat gaan. 23Nadat Hy die mense weggestuur het, het Hy alleen na die berg toe gegaan om te bid. Toe dit aand word, was Hy daar alleen.</div><div class="p"> 24Die skuit was reeds 'n paar kilometer van die kus af en is deur die golwe geteister, want die wind was van voor. 25Met dagbreek die volgende m&#244;re het Hy op die see na hulle toe aangeloop gekom. 26Toe sy dissipels Hom op die see sien loop, het hulle groot geskrik en ges&#234;: &#8220;Dis 'n spook!&#8221; Van angs het hulle hard begin skreeu.</div><div class="p"> 27Maar Jesus het dadelik met hulle gepraat en ges&#234;: &#8220;Wees gerus, dit is Ek. Moenie bang wees nie.&#8221;</div><div class="p"> 28Toe s&#234; Petrus vir Hom: &#8220;Here, as dit regtig U is, beveel my om op die water na U toe te kom.&#8221;</div><div class="p"> 29&#8220;Kom!&#8221; s&#234; Hy.</div><div class="p">Petrus het uit die skuit geklim, op die water begin loop en naby Jesus gekom. 30Maar toe Petrus sien hoe sterk is die wind, het hy bang geword en begin sink en uitgeroep: &#8220;Here, red my!&#8221;</div><div class="p"> 31Dadelik het Jesus sy hand uitgesteek, hom gegryp en vir hom ges&#234;: &#8220;Kleingelowige, waarom het jy begin twyfel?&#8221;</div><div class="p"> 32Hulle het toe in die skuit geklim, en die wind het gaan l&#234;. 33Die manne in die skuit het voor Jesus gekniel en ges&#234;: &#8220;U is waarlik die Seun van God.&#8221;</div><div class="s1">Jesus genees mense in die landstreek Gennesaret</div><div class="r">(Mark. 6:53-56)</div><div class="p"> 34Hulle het toe land toe gevaar en by Gennesaret aan wal gegaan. 35Net toe die mense van daardie plek agterkom wie Hy is, het hulle boodskappers deur daardie hele omgewing gestuur, en die mense het almal wat ongesteld was, na Hom toe gebring. 36Hulle het Hom gevra dat die siekes tog maar net aan die soom van sy klere mag raak. En almal wat dit gedoen het, het gesond geword.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1JN">
 <div class="chapter ch4" data-usfm="1JN.4">
 <div class="label">4</div><div class="s1">Die vals profete</div><div class="p"> 1Geliefdes, moenie enigeen glo wat s&#234; dat hy die Gees van God het nie, want daar is nou reeds baie vals profete in die w&#234;reld, maar ondersoek elkeen, ondersoek of sy gees van God afkomstig is. 2Hi&#233;raan ken julle die Gees van God: elkeen wat bely dat Jesus werklik die Christus is wat mens geword het, het die Gees wat van God afkomstig is. 3En elkeen wat dit nie van Jesus bely nie, het nie die Gees wat van God afkomstig is nie. Hy het die gees van die antichris, die gees van wie julle gehoor het dat hy kom en wat nou reeds in die w&#234;reld is.</div><div class="p"> 4Julle behoort aan God, liewe kinders, en het die vals profete klaar oorwin omdat Hy wat in julle is, groter is as die duiwel, wat in die w&#234;reld is. 5Hulle behoort aan die w&#234;reld, en wat hulle s&#234;, is dus van die w&#234;reld afkomstig, en die w&#234;reld luister na hulle. 6Ons behoort aan God, en wie vir God ken, luister na ons; wie nie aan God behoort nie, luister nie na ons nie. Hieraan kan ons die Gees van die waarheid en die gees van die dwaalleer onderskei.</div><div class="s1">God is liefde</div><div class="p"> 7Geliefdes, ons moet mekaar liefh&#234;, want liefde kom van God, en elkeen wat liefhet, is 'n kind van God en ken God. 8Wie nie liefhet nie, het geen kennis van God nie, want God is liefde. 9Hi&#233;rin is God se liefde vir ons geopenbaar: sy enigste Seun het Hy na die w&#234;reld toe gestuur sodat ons deur Hom die lewe kan h&#234;. 10Werklike liefde is d&#237;t: nie die liefde wat ons vir God het nie, maar die liefde wat Hy aan ons bewys het deur sy Seun te stuur as versoening vir ons sondes.</div><div class="p"> 11Geliefdes, as dit is hoe God sy liefde aan ons bewys het, behoort ons mekaar ook lief te h&#234;. 12Niemand het God nog ooit gesien nie, maar as ons mekaar liefhet, bly God in ons en het sy liefde in ons sy doel volkome bereik.</div><div class="p"> 13Hi&#233;raan weet ons dat ons in Hom bly en Hy in ons: Hy het ons sy Gees gegee. 14En ons het gesien en is getuie daarvan dat die Vader die Seun as Redder van die w&#234;reld gestuur het. 15Wie bely dat Jesus die Seun van God is &#8211; God bly in hom en hy in God. 16En ons ken die liefde wat God vir ons het, en ons glo daarin.</div><div class="p">God is liefde; wie in die liefde bly, bly in God en God bly in hom. 17Hi&#233;rin het die liefde sy doel volkome met ons bereik: ons het niks te vrees vir die oordeelsdag nie, want in hierdie w&#234;reld lewe ons reeds deur die liefde net soos Jesus. 18Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie. 19Ons het lief omdat God ons eerste liefgehad het. 20As iemand s&#234;: &#8220;Ek het God lief,&#8221; en hy haat sy broer, is hy 'n leuenaar; want wie sy broer, wat hy kan sien, nie liefhet nie, kan onmoontlik vir God liefh&#234;, wat hy nie kan sien nie. 21En hierdie gebod het ons van Hom gekry: Wie vir God liefhet, moet ook sy broer liefh&#234;.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1JN">
 <div class="chapter ch5" data-usfm="1JN.5">
 <div class="label">5</div><div class="s1">Liefde en geloof</div><div class="p"> 1Elkeen wat glo dat Jesus die Christus is, is 'n kind van God; en elkeen wat vir die Vader liefhet, het ook die ander lief wat kinders van die Vader is. 2Hi&#233;raan weet ons dat ons die kinders van God liefhet: wanneer ons God liefhet en sy gebooie onderhou. 3Die liefde vir God bestaan dan daarin dat ons sy gebooie gehoorsaam. Sy gebooie is ook nie moeilik om te gehoorsaam nie, 4want enigeen wat 'n kind van God is, kan die sondige w&#234;reld oorwin. En die oorwinning wat ons oor die w&#234;reld behaal het, is deur ons geloof. 5Wie anders is dit wat die w&#234;reld oorwin as hy wat glo dat Jesus die Seun van God is?</div><div class="s1">Die getuienis oor Jesus Christus</div><div class="p"> 6Die Een wat deur die water van sy doop en die bloed van sy dood na ons toe gekom het, is Jesus Christus; nie net deur die water nie, maar deur die water &#233;n die bloed. Die Gees is die getuie daarvan, en die Gees is die waarheid. 7Daar is dus drie wat getuig : 8die Gees en die water en die bloed, en die drie se getuienis stem ooreen. 9Ons aanvaar mense se getuienis, hoeveel te meer die getuienis van God, want dit is God wat getuig, en die getuienis handel oor sy Seun. 10Wie in die Seun van God glo, besit die getuienis in sy hart; wie God nie glo nie, maak Hom tot leuenaar, omdat hy nie die getuienis glo wat God oor sy Seun gelewer het nie. 11En die getuienis behels d&#237;t: God het ons die ewige lewe gegee, en di&#233; lewe is deur sy Seun. 12Wie die Seun het, het die lewe; wie nie die Seun van God het nie, het ook nie die lewe nie.</div><div class="s1">Die doel van die brief</div><div class="p"> 13Hierdie brief skrywe ek vir julle, sodat julle kan weet dat julle die ewige lewe het, julle wat in die Seun van God glo.</div><div class="s1">Voorbidding</div><div class="p"> 14En nou kan ons met vrymoedigheid na God gaan, omdat Hy ons gebede verhoor as ons enigiets volgens sy wil vra. 15En aangesien ons weet dat Hy ons gebede verhoor as ons iets s&#243; vra, weet ons ook dat ons kry wat ons van Hom vra.</div><div class="p"> 16As iemand sy broer sonde sien doen wat nie tot die dood lei nie, moet hy bid en God sal die broer die ewige lewe gee. Dit geld di&#233; wat sonde doen wat nie tot die dood lei nie. Daar is sonde wat tot die dood lei; daarvoor s&#234; ek nie dat hy moet bid nie. 17Alle ongeregtigheid is sonde, maar daar is sonde wat nie tot die dood lei nie.</div><div class="s1">Ons ken die ware God</div><div class="p"> 18Ons weet dat iemand wat uit God gebore is, nie meer sondig nie, maar die Seun van God bewaar hom, en die duiwel kry geen houvas op hom nie. 19Ons weet dat ons aan God behoort en dat die hele sondige w&#234;reld in die mag van die duiwel is. 20En ons weet dat die Seun van God gekom het en ons verstand gegee het om die ware God te ken; en ons is in die ware God, in sy Seun, Jesus Christus. Hy is die ware God en die ewige lewe. 21Liewe kinders, bly dus weg van die afgode af.</div>
 </div>
 </div>
</div>

60 Om Nuut Te BeginVoorbeeld

Skrif

Aangaande hierdie leesplan

Verwante Leesplanne