Die Beter Leesplan

Veranderd: Die Volgende Stappe vir 'n Veranderde lewe

Sielsontgiftiging

Heilige Emosies - Bybelse Antwoorde vir Elke Uitdaging

'n Sprong van Vreugde

Daaglikse Oordenkings met Greg Laurie

Glo God Is Goed — Ongeag

Sy Glorie, My Storie: 'n Studie Van Sy Heerlikheid in Hebreërs

Staan weer op

Voltydse Volharding

<div class="version vid6 iso6393afr" data-vid="6" data-iso6393="afr">
 <div class="book bkMAT">
 <div class="chapter ch23" data-usfm="MAT.23">
 <div class="label">23</div><div class="s1">Jesus waarsku teen die skrifgeleerdes en die Farise&#235;rs</div><div class="r">(Mark. 12:38-39; Luk. 11:43-46; 20:45-46)</div><div class="p"> 1Toe het Jesus die menigte en sy dissipels toegespreek 2en ges&#234;: &#8220;Die skrifgeleerdes en die Farise&#235;rs het die gesag om die wet van Moses te vertolk. 3Julle moet alles doen en onderhou wat hulle vir julle s&#234;, maar hulle voorbeeld moet julle nie navolg nie, want hulle doen self nie wat hulle s&#234; nie. 4Hulle bind swaar en ondraaglike laste saam en sit dit op die mense se skouers, maar self wil hulle nie 'n vinger verroer om dit te dra nie. 5Alles wat hulle doen, doen hulle net om deur mense gesien te word. Hulle maak die gebedsband om hulle voorkop breed, en die tossels aan hulle klere groot. 6Hulle hou van die ereplekke by die feesmaaltye, en van die voorste plekke in die sinagoges 7en om op straat deur die mense begroet en as &#8216;rabbi&#8217; aangespreek te word.</div><div class="p"> 8&#8220;Maar julle moet julle nie &#8216;rabbi&#8217; laat noem nie; net Een is julle Leermeester en julle is almal broers. 9Moet niemand hier op aarde as &#8216;vader&#8217; aanspreek nie, want Een is julle Vader: die Vader in die hemel. 10Julle moet julle nie &#8216;leiers&#8217; laat noem nie, want Een is julle Leier: die Christus.</div><div class="p"> 11&#8220;Maar die grootste onder julle moet bereid wees om die ander te dien. 12Wie hoogmoedig is, sal verneder word, en wie nederig is, sal verhoog word.&#8221;</div><div class="s1">Jesus veroordeel huigelary</div><div class="r">(Mark. 12:40; Luk. 11:39-42; 20:47)</div><div class="p"> 13&#8220;Ellende wag vir julle, skrifgeleerdes en Farise&#235;rs, huigelaars! Julle sluit die deur van die koninkryk in die mense se gesig toe. Julle gaan self nie in nie, en julle verhinder di&#233; wat wel wil ingaan. </div><div class="p"> 15&#8220;Ellende wag vir julle, skrifgeleerdes en Farise&#235;rs, huigelaars! Julle trek oor see en land rond om een bekeerling te maak, en as hy dit word, maak julle hom twee maal so ryp vir die hel as wat julle self is.</div><div class="p"> 16&#8220;Ellende wag vir julle, julle wat ander wil lei en self blind is. Julle s&#234;: &#8216;As iemand by die tempel 'n eed afl&#234;, is hy nie aan sy eed gebind nie, maar as hy by die goud van die tempel 'n eed afl&#234;, moet hy die eed nakom.&#8217; 17Blinde dwase! Wat is belangriker: die goud of die tempel waardeur die goud geheilig word? 18Julle s&#234; ook: &#8216;As iemand by die altaar 'n eed afl&#234;, is hy nie aan sy eed gebind nie, maar as hy by die offergawe bo-op die altaar 'n eed afl&#234;, moet hy die eed nakom.&#8217; 19Julle blindes! Wat is belangriker: die offergawe of die altaar waardeur die offergawe geheilig word? 20Wie by die altaar 'n eed afl&#234;, l&#234; 'n eed af by die altaar en by alles wat daarop is. 21Wie by die tempel 'n eed afl&#234;, l&#234; 'n eed af by die tempel en by God wat daarin woon. 22En wie by die hemel 'n eed afl&#234;, l&#234; 'n eed af by die troon van God en by God wat daarop sit.</div><div class="p"> 23&#8220;Ellende wag vir julle, skrifgeleerdes en Farise&#235;rs, huigelaars! Julle gee tiendes van kruisement, anys en koljander, maar wat volgens die wet van God die swaarste weeg, laat julle na: geregtigheid, barmhartigheid en betroubaarheid. Juis hierdie dinge moet 'n mens doen en die ander nie nalaat nie. 24Blinde leiers! Julle skep die muggie uit julle beker uit, maar julle sluk die kameel in.</div><div class="p"> 25&#8220;Ellende wag vir julle, skrifgeleerdes en Farise&#235;rs, huigelaars! Julle maak die buitekant van die beker en die skottel skoon, maar binne is hulle vol hebsug en onmatigheid. 26Blinde Farise&#235;r, maak eers die binnekant van die beker skoon, dan sal sy buitekant ook skoon wees.</div><div class="p"> 27&#8220;Ellende wag vir julle, skrifgeleerdes en Farise&#235;rs, huigelaars! Julle is soos witgeverfde grafte, wat van buite mooi lyk maar daarbinne vol doodsbene en allerhande onsuiwerheid is. 28So is julle ook: van buite lyk julle vir mense vroom, maar van binne is julle vol huigelary en minagting van die wet.&#8221;</div><div class="s1">Jesus kondig hulle straf aan</div><div class="r">(Luk. 11:47-51)</div><div class="p"> 29&#8220;Ellende wag vir julle, skrifgeleerdes en Farise&#235;rs, huigelaars! Julle hou die grafte van die profete in stand en versier die gedenktekens van die vromes, 30en julle s&#234;: &#8216;As ons in die dae van ons voorvaders gelewe het, sou ons nie medepligtig gewees het aan die vergieting van die bloed van die profete nie.&#8217; 31Op di&#233; manier erken julle self dat julle nakomelinge is van die moordenaars van die profete. 32Gaan maar aan, maak klaar wat julle voorvaders begin het!</div><div class="p"> 33&#8220;Julle slange, addergeslag! Hoe sal julle ontkom aan die straf in die hel? 34Luister dus goed! Ek stuur profete, wyse manne en leraars na julle toe. Julle sal party van hulle doodmaak en kruisig, en party in julle sinagoges gesel en hulle van die een dorp na die ander vervolg. 35So sal julle verantwoordelik wees vir die bloed van al die vromes wat op die aarde uitgestort is, van die bloed van die onskuldige Abel af tot by die bloed van Sagaria seun van Berekja, vir wie julle tussen die tempel en die altaar vermoor het. 36Dit verseker Ek julle: Die straf vir al hierdie dinge sal op die mense van vandag neerkom.&#8221;</div><div class="s1">Klag oor Jerusalem</div><div class="r">(Luk. 13:34-35)</div><div class="p"> 37&#8220;Jerusalem, Jerusalem! Jy wat die profete doodmaak en die boodskappers stenig wat na jou toe gestuur is, hoe dikwels wou Ek jou kinders bymekaarmaak soos 'n hen haar kuikens onder haar vlerke bymekaarmaak, maar julle wou nie! 38Kyk, nou word julle stad as puinhoop aan julle oorgelaat. 39Maar Ek s&#234; vir julle: Julle sal My van nou af sekerlik nie sien nie totdat die dag kom wanneer julle sal uitroep: Loof Hom wat in die Naam van die Here kom! &#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s1">Die profetiese rede: die tempel sal afgebreek word</div><div class="r">(Mark. 13:1-2; Luk. 21:5-6)</div><div class="p"> 1Toe Jesus van die tempel af weggaan, het sy dissipels nader gekom en sy aandag op die tempelgeboue gevestig. 2Maar Hy antwoord hulle: &#8220;Julle sien al hierdie dinge? Dit verseker Ek julle: Hier sal nie een klip op die ander bly nie; alles sal afgebreek word.&#8221;</div><div class="s1">Die profetiese rede: rampe en vervolging</div><div class="r">(Mark. 13:3-13; Luk. 21:7-19)</div><div class="p"> 3Nadat Jesus op die Olyfberg gaan sit het, kom die dissipels alleen na Hom toe en vra: &#8220;S&#234; vir ons, wanneer sal hierdie dinge gebeur en wat sal die teken van u koms en van die einde van hierdie w&#234;reld wees?&#8221;</div><div class="p"> 4Jesus antwoord hulle: &#8220;Pas op dat niemand julle mislei nie. 5Baie sal onder my Naam kom en s&#234;: &#8216;Ek is die Christus,&#8217; en hulle sal baie mense mislei. 6Julle sal die rumoer van oorlo&#235; en gerugte van oorlo&#235; hoor. Pas op, moenie verskrik word nie. Dit moet kom, maar dit is nog nie die einde nie. 7Die een nasie sal teen die ander te staan kom en die een koninkryk teen die ander; daar sal op baie plekke hongersnode en aardbewings wees. 8Al hierdie dinge is geboortepyne, die begin van die nuwe tyd.</div><div class="p"> 9&#8220;Die mense sal julle oorlewer om mishandel te word, en hulle sal julle doodmaak. Julle sal deur al die nasies gehaat word omdat julle my Naam bely. 10In daardie tyd sal baie mense van die geloof afvallig word, en hulle sal mekaar verraai en mekaar haat.</div><div class="p"> 11&#8220;Daar sal baie vals profete kom, en hulle sal baie mense mislei. 12Omdat die minagting van die wet van God sal toeneem, sal die liefde by baie verkoel. 13Maar wie tot die einde volhard, sal gered word. 14En hierdie evangelie van die koninkryk sal in die hele w&#234;reld verkondig word, sodat al die nasies die getuienis kan hoor. Eers dan sal die einde kom.&#8221;</div><div class="s1">Die profetiese rede: die groot verdrukking</div><div class="r">(Mark. 13:14-23; Luk. 21:20-24)</div><div class="p"> 15&#8220;Wanneer julle ooreenkomstig die woord van die profeet Dani&#235;l die ding wat 'n gruwel is vir God en wat verwoesting aanrig, in die heilige plek sien staan &#8211; wie dit lees, moet dit goed begryp &#8211; 16dan moet di&#233; wat in Judea is, die berge in vlug. 17Die man wat op die dakstoep sit, moet nie ingaan om sy goed uit die huis te gryp nie, 18en die man wat op die land is, moet nie omdraai om sy klere te gaan haal nie.</div><div class="p"> 19&#8220;Dit sal bitter swaar gaan met die vrouens wat in daardie tyd swanger is en met di&#233; wat nog klein kindertjies het. 20Bid dat julle nie in die winter of op 'n sabbatdag hoef te vlug nie, 21want in daardie tyd sal daar so 'n groot verdrukking wees soos daar van die begin van die w&#234;reld af nie was nie en ook nie weer sal wees nie. 22En as dit nie was dat God daardie tyd ingekort het nie, sou geen mens dit oorleef nie; maar ter wille van die uitverkorenes sal God daardie tyd inkort.</div><div class="p"> 23&#8220;As iemand in daardie tyd vir julle s&#234;: &#8216;Kyk, hier is die Christus!&#8217; of: &#8216;Kyk, daar is Hy!&#8217; moet julle dit nie glo nie. 24Daar sal vals christusse en vals profete na vore kom, en hulle sal groot tekens en wonderwerke doen om, as dit moontlik was, selfs die uitverkorenes te mislei. 25Kyk, Ek het dit vir julle vooruit ges&#234;. 26En as die mense vir julle s&#234;: &#8216;Kyk, Hy is in die woestyn!&#8217; moet julle nie daarheen gaan nie; of as hulle s&#234;: &#8216;Hy is in die slaapkamer!&#8217; moet julle dit nie glo nie. 27Die koms van die Seun van die mens sal wees soos 'n weerligstraal wat in die ooste uitslaan en die hele lugruim tot in die weste verlig.</div><div class="p"> 28&#8220;Waar die aas ook al l&#234;, daar sal die aasvo&#235;ls bymekaarkom.&#8221;</div><div class="s1">Die profetiese rede: die koms van die Seun van die mens</div><div class="r">(Mark. 13:24-27; Luk. 21:25-28)</div><div class="q1"> 29&#8220;Kort na die verdrukking van daardie tyd</div><div class="q1">sal die son verduister word, en die maan sal nie skyn nie;</div><div class="q1">die sterre sal uit die ruimte val, en die kragte van die hemelruim sal ontwrig word.</div><div class="b"></div><div class="m"> 30&#8220;Dan sal die teken van die Seun van die mens in die hemelruim verskyn, en al die volke van die aarde sal verslae wees. Hulle sal die Seun van die mens op die wolke van die hemel sien kom met groot krag en majesteit. 31Die groot trompet sal weerklink, en Hy sal sy engele uitstuur om sy uitverkorenes bymekaar te maak uit die vier windstreke, van elke uithoek van die aarde af.&#8221;</div><div class="s1">Die profetiese rede: die voorbeeld van die vyeboom</div><div class="r">(Mark. 13:28-31; Luk. 21:29-33)</div><div class="p"> 32&#8220;Leer dit van die vyeboom as voorbeeld: wanneer sy takke begin sag word en hy blare kry, weet julle die somer is naby. 33So moet julle ook wanneer julle al hierdie dinge sien, weet dat die tyd naby is, voor die deur. 34Dit verseker Ek julle: Nog in die leeftyd van hierdie geslag sal dit alles gebeur. 35Die hemel en die aarde sal vergaan, maar my woorde nooit.&#8221;</div><div class="s1">Die profetiese rede: die dag en die uur van die wederkoms</div><div class="r">(Mark. 13:32-37; Luk. 17:26-30,34-35)</div><div class="p"> 36&#8220;Maar niemand weet wanneer daardie dag en uur kom nie, nie die engele in die hemel nie en ook nie die Seun nie. Net die Vader weet dit. 37Soos dit in die dae van Noag was, sal dit ook wees by die koms van die Seun van die mens. 38In daardie dae voor die sondvloed het hulle soos gewoonlik ge&#235;et en gedrink en getrou tot op die dag dat Noag in die ark ingegaan het. 39Hulle het nie besef wat aan die gang was nie, totdat die sondvloed gekom en hulle almal weggesleur het. Net so sal dit gaan by die koms van die Seun van die mens. 40Dan sal twee mense op die land werk, die een sal saamgeneem en die ander een agtergelaat word. 41Twee vroue sal by die meul koring maal, die een sal saamgeneem en die ander een agtergelaat word. 42Bly dus waaksaam, omdat julle nie weet watter dag julle Here kom nie.</div><div class="p"> 43&#8220;Onthou dit: as die huiseienaar geweet het watter tyd van die nag die dief kom, sou hy wag gehou het en nie toegelaat het dat daar in sy huis ingebreek word nie. 44Om dieselfde rede moet julle ook altyd gereed wees, want die Seun van die mens kom op 'n uur dat julle dit nie verwag nie.&#8221;</div><div class="s1">Die profetiese rede: die getroue en die ontroue slaaf</div><div class="r">(Luk. 12:41-48)</div><div class="p"> 45&#8220;Wie is eintlik die getroue en verstandige slaaf vir wie sy eienaar oor sy ander slawe aangestel het om hulle op tyd kos te gee? 46Dit is die slaaf vir wie sy eienaar by sy tuiskoms so aan die werk sal kry. Gelukkig is hy! 47Dit verseker Ek julle: Hy sal hom aanstel oor alles wat hy besit.</div><div class="p"> 48&#8220;Maar as dit 'n slegte slaaf is, sal hy by homself dink: my eienaar bly lank weg. 49Dan sal hy die ander slawe begin slaan en saam met die dronkaards eet en drink. 50Die eienaar van daardie slaaf sal op 'n dag kom dat hy dit nie verwag nie, en op 'n uur wat hy nie vooraf weet nie. 51Dan sal sy eienaar hom laat doodmaak en hom die lot van huigelaars laat deel. Daar sal hulle huil en op hulle tande kners.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGAL">
 <div class="chapter ch3" data-usfm="GAL.3">
 <div class="label">3</div><div class="s1">Die wet of die geloof</div><div class="p"> 1Julle Galasi&#235;rs, is julle dan so sonder begrip? Wie het julle verstand benewel? Jesus Christus is tog so duidelik aan julle verkondig dat julle Hom as 't ware aan die kruis kon sien hang! 2Net een ding wil ek van julle weet: Het julle die Heilige Gees ontvang deur die wet van Moses te onderhou of deur die evangelie te glo? 3Is julle dan so sonder begrip? Julle het met die Gees begin; wil julle nou in eie krag eindig? 4Was al julle swaarkry dan verniet? Dit kon tog nie verniet gewees het nie! 5Hy wat julle met die Heilige Gees toerus en kragtig onder julle werk, doen Hy dit omdat julle die wet onderhou of omdat julle die evangelie glo? 6So was dit ook met Abraham: &#8220;Hy het in God geglo, en God het hom vrygespreek.&#8221; </div><div class="p"> 7Julle sien dus dat di&#233; wat glo, kinders van Abraham is. 8Die Skrif het vooruit geweet dat God ook mense wat nie Jode is nie, sou vryspreek as hulle glo. Daarom het die Skrif al voorheen die goeie nuus vir Abraham gebring: &#8220;In jou sal al die nasies gese&#235;n word.&#8221; 9Dit is dus di&#233; wat glo, wat saam met die gelowige Abraham gese&#235;n word.</div><div class="p"> 10Maar almal wat staatmaak op die onderhouding van die wet, val onder die vloek, want daar staan geskrywe: &#8220;Daar rus 'n vloek op elkeen wat nie stiptelik alles doen wat in die boek van die wet geskrywe staan nie.&#8221; 11En dat niemand op grond van die wet deur God vrygespreek word nie, is duidelik, want &#8220;hy wat deur God vrygespreek is omdat hy glo, sal lewe.&#8221; </div><div class="p"> 12By die wet gaan dit egter nie om die geloof nie, maar om die daad, want daar staan: &#8220;Hy wat d&#243;&#233;n wat die wet s&#234;, sal daardeur lewe.&#8221; </div><div class="p"> 13Christus het ons losgekoop van die vloek wat die wet meebring, deur in ons plek 'n vervloekte te word. Daar staan naamlik geskrywe: &#8220;Vervloek is elkeen wat aan 'n hout opgehang is.&#8221; 14Daardeur kan ook hulle wat nie Jode is nie, deur Christus Jesus deel kry aan die se&#235;n wat God aan Abraham toeges&#234; het. So het ons dan deur die geloof die Gees ontvang wat God beloof het.</div><div class="s1">Die wet en die belofte</div><div class="p"> 15Broers, ek gaan nou 'n voorbeeld uit die gewone lewe neem. As 'n testament, wat maar net mensewerk is, eers geldig is, kan niemand dit ongeldig maak of iets daaraan toevoeg nie. 16God het sy beloftes aan Abraham en aan sy nakomeling gegee. Daar staan nie &#8220;aan nakomelinge&#8221;, meer as een nie, maar: &#8220;en aan jou nakomeling&#8221; , net een, en hierdie nakomeling is Christus.</div><div class="p"> 17Hiermee wil ek d&#237;t s&#234;: God het 'n verbond met Abraham gesluit en dit t&#243;&#233; al geldig gemaak. Die wet, wat eers vier honderd en dertig jaar later gekom het, kan nie hierdie verbond ongeldig maak, sodat God se belofte aan Abraham nie meer sou geld nie. 18As 'n mens dit wat beloof is, kry op grond van die onderhouding van die wet van Moses, kry jy dit nie meer op grond van die belofte nie, en God het sy genade aan Abraham juis deur 'n belofte toeges&#234;.</div><div class="p"> 19Watter doel dien die wet dan? Dit is later bygevoeg as gevolg van die sonde, en dit is bedoel vir die tyd totdat die nakomeling op wie die belofte betrekking het, sou kom. Engele het die wet deur middel van 'n tussenganger aan die volk gegee. 20Maar as daar net &#233;&#233;n is wat handel, is 'n tussenganger nie nodig nie, en God &#237;s net een.</div><div class="s1">Slawe en seuns</div><div class="p"> 21Wil dit nou s&#234; dat die wet van Moses in stryd is met die beloftes van God?</div><div class="p">Beslis nie! As 'n wet gegee was wat in staat was om die ware lewe te skenk, sou 'n mens inderdaad vrygespreek kon word op grond daarvan dat hy die wet onderhou. 22Maar volgens die Skrif is die hele w&#234;reld vasgevang in die greep van die sonde; die belofte word dus vir die gelowiges vervul alleen op grond van die geloof in Jesus Christus.</div><div class="p"> 23Voordat hierdie geloof gekom het, is ons deur die wet gevange gehou en bewaak totdat die tyd van die geloof sou aanbreek. 24Ons was dus onder die toesig van die wet totdat Christus sou kom, sodat ons deur te glo, vrygespreek sou word. 25Maar nou dat die tyd van die geloof gekom het, staan ons nie meer onder die toesig van die wet nie.</div><div class="p"> 26Deur hierdie geloof in Christus Jesus is julle nou almal kinders van God, 27want julle almal wat deur die doop met Christus verenig is, het nou deel van Christus geword. 28Dit maak nie saak of iemand Jood of Griek, slaaf of vry, man of vrou is nie: in Christus Jesus is julle almal &#233;&#233;n. 29En as julle aan Christus behoort, is julle ook nakomelinge van Abraham en erfgename kragtens die belofte van God.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGAL">
 <div class="chapter ch4" data-usfm="GAL.4">
 <div class="label">4</div><div class="p"> 1Hierby wil ek nog d&#237;t s&#234;: Solank 'n erfgenaam nog minderjarig is, verskil sy posisie nie werklik van di&#233; van 'n slaaf nie, al behoort die hele erfenis aan hom. 2Tot die dag wat sy pa bepaal het, staan hy onder toesig van voogde en word sy besittings deur bestuurders beheer.</div><div class="p"> 3En so is dit ook met ons. Toe ons nog geestelik onmondig was, was ons slawe van wettiese godsdienstige re&#235;ls. 4Maar toe die tyd wat God daarvoor bepaal het, aangebreek het, het Hy sy Seun gestuur. Hy is uit 'n vrou gebore en van sy geboorte af was Hy aan die wet onderworpe 5om ons, wat aan die wet onderworpe was, los te koop sodat ons as kinders van God aangeneem kon word. 6En omdat ons sy kinders is, het God die Gees van sy Seun in ons harte gestuur, en in ons roep Hy uit: &#8220;Abba!&#8221; Dit beteken: Vader! 7Jy is dus nie meer 'n slaaf nie; jy is nou 'n kind van God. En omdat jy sy kind is, het God jou ook sy erfgenaam gemaak.</div><div class="s1">Paulus se besorgdheid oor die Galasi&#235;rs</div><div class="p"> 8Daar was 'n tyd toe julle nie vir God geken het nie en slawe was van nikswerd afgode. 9Maar noudat julle Hom leer ken het, of liewer, noudat Hy julle ken, hoe val julle dan nou weer terug na daardie minderwaardige en armsalige wettiese godsdienstige re&#235;ls? Wil julle van voor af weer slawe daarvan wees? 10Julle hou aan om besondere dae en maande, feesgeleenthede en jare te vier. 11Ek vrees my harde werk aan julle was dalk tevergeefs.</div><div class="p"> 12Ek smeek julle, broers: Word soos ek, soos ek my ook met julle vereenselwig het. Julle het my nooit sleg behandel nie. 13Julle onthou mos hoe dit gekom het dat ek die eerste keer die evangelie aan julle verkondig het. Dit was deurdat ek siek geword het. 14En al was my toestand vir julle 'n versoeking om my te verag of selfs te verfoei, het julle dit nie gedoen nie. Inteendeel, julle het my ontvang asof ek 'n engel van God was, ja, asof ek Christus Jesus self was. 15Julle was so bly daaroor. Wat het nou van julle blydskap geword? D&#237;t kan ek van julle getuig: As dit moontlik was, sou julle julle o&#235; uitgeruk en vir my gegee het. 16Het ek dan nou julle vyand geword deurdat ek die waarheid aan julle voorhou?</div><div class="p"> 17Daardie mense se ywer vir julle is nie met suiwer bedoelings nie. Hulle wil julle van my losmaak sodat julle julle vir hulle saak sal beywer. 18Om jou vir 'n goeie saak te beywer, is goed, maar dan moet dit altyd die geval wees en nie net as ek by julle is nie. 19My kinders, ek verkeer van voor af weer in geboortepyne oor julle totdat Christus in julle gestalte kry. 20Ek wens ek kon nou by julle wees en op 'n ander toon met julle praat. Ek is werklik besorg oor julle.</div><div class="s1">Hagar en Sara</div><div class="p"> 21Julle wat so graag aan die wet van Moses onderworpe wil wees, s&#234; vir my: Hoor julle nie wat die wet s&#234; nie? 22Daar staan tog geskrywe dat Abraham twee seuns gehad het, een by 'n slavin en een by 'n vrygeborene. 23Sy seun by die slavin is volgens die loop van die natuur verwek en gebore, maar sy seun by die vrygeborene kragtens 'n belofte van God.</div><div class="p"> 24'n Mens moet dit figuurlik verstaan. Die twee vroue staan vir twee verbonde. Die een is by Sinaiberg gesluit en bring slawe voort. Di&#233; verbond is Hagar. 25Hagar staan vir Sinaiberg in Arabi&#235;, en dit is 'n beeld van die huidige Jerusalem, want Jerusalem en sy kinders is slawe. 26Maar die hemelse Jerusalem is vry, en dit is ons moeder. 27Daar staan immers geskrywe:</div><div class="b"></div><div class="q1">&#8220;Verbly jou, onvrugbare wat nie kinders kon h&#234; nie.</div><div class="q1">Juig van vreugde,</div><div class="q1">jy wat nooit moeder kon word nie,</div><div class="q1">want die kinderlose vrou wat deur haar man verlaat is,</div><div class="q1">sal meer kinders h&#234; as die vrugbare wie se man by haar is.&#8221; </div><div class="b"></div><div class="p"> 28En julle, my broers, is net soos Isak kragtens die belofte kinders van God. 29Destyds het die seun wat volgens die loop van die natuur gebore is, die seun vervolg wat deur die Gees in die w&#234;reld gekom het. En dit is nou nog so. 30Maar wat s&#234; die Skrif hiervan? &#8220;Jaag die slavin en haar seun weg, want die seun van die slavin mag hoegenaamd nie saam met die seun van die vrygeborene erf nie.&#8221; 31Ons is dus nie kinders van 'n slavin nie, broers; ons is kinders van die vrye.</div>
 </div>
 </div>
</div>

60 Om Nuut Te BeginVoorbeeld

Skrif

Aangaande hierdie leesplan

Verwante Leesplanne