Die Beter Leesplan

Veranderd: Die Volgende Stappe vir 'n Veranderde lewe

Sielsontgiftiging

Heilige Emosies - Bybelse Antwoorde vir Elke Uitdaging

'n Sprong van Vreugde

Daaglikse Oordenkings met Greg Laurie

Glo God Is Goed — Ongeag

Kom saam, Jesus roep jou

God se vaders - vrae vir vaders

25 Dae tot Kersfees

<div class="version vid6 iso6393afr" data-vid="6" data-iso6393="afr">
 <div class="book bkMAT">
 <div class="chapter ch25" data-usfm="MAT.25">
 <div class="label">25</div><div class="s1">Die profetiese rede: die gelykenis van die tien meisies</div><div class="p"> 1&#8220;Dan sal dit met die koninkryk van die hemel gaan soos met tien meisies wat hulle lampe gevat het om die bruidegom te gaan inwag. 2Vyf van hulle was onverstandig en vyf verstandig. 3Die onverstandiges het hulle lampe gevat maar nie ekstra olie met hulle saamgevat nie, 4terwyl die verstandiges saam met hulle lampe ook nog olie in houers gevat het. 5Toe die bruidegom lank wegbly, het hulle almal vaak geword en aan die slaap geraak.</div><div class="p"> 6&#8220;In die middel van die nag was daar 'n geroep: &#8216;Hier kom die bruidegom! Gaan hom tegemoet!&#8217; 7Toe staan al die meisies op en maak hulle lampe reg. 8Die onverstandiges s&#234; toe vir die verstandiges: &#8216;Gee vir ons van julle olie, want ons lampe gaan dood.&#8217; 9Maar die verstandiges antwoord: &#8216;Nee, daar is nie genoeg vir ons en vir julle nie. Gaan liewer winkel toe en koop vir julle olie.&#8217;</div><div class="p"> 10&#8220;Terwyl die onverstandiges olie gaan koop het, het die bruidegom gekom. Di&#233; wat gereed was, het saam met hom ingegaan na die bruilof toe, en die deur is gesluit.</div><div class="p"> 11&#8220;Later kom die ander meisies ook daar aan en roep: &#8216;Meneer, Meneer, maak vir ons oop!&#8217; 12Maar die bruidegom antwoord: &#8216;Ek s&#234; vir julle: Ek ken julle nie!&#8217;</div><div class="p"> 13&#8220;Waak dan, omdat julle nie weet op watter dag en uur dit sal gebeur nie.&#8221;</div><div class="s1">Die profetiese rede: die gelykenis van die muntstukke</div><div class="r">(Luk. 19:11-27)</div><div class="p"> 14&#8220;Verder gaan dit soos met 'n man wat op reis wou gaan. Hy het sy slawe bymekaargeroep en sy besittings aan hulle toevertrou. 15Vir een het hy vyf goue muntstukke gegee, vir 'n ander twee, en vir 'n derde een. Hy het aan elkeen volgens sy bekwaamheid gegee en toe op reis gegaan.</div><div class="p"> 16&#8220;Die een wat vyf goue muntstukke ontvang het, het dadelik daarmee gaan werk en 'n wins gemaak van nog vyf. 17So ook die een wat twee gekry het: hy het 'n wins gemaak van nog twee. 18Maar die slaaf wat een gekry het, het 'n gat in die grond gaan grawe en sy eienaar se geld daarin weggesteek.</div><div class="p"> 19&#8220;Na 'n lang tyd het die eienaar van daardie slawe teruggekom en van hulle rekenskap gevra. 20Die een wat vyf goue muntstukke ontvang het, kom toe en bring die ander vyf saam, en s&#234;: &#8216;Meneer, vyf goue muntstukke het u aan my toevertrou. Hier is dit met vyf ander wat ek wins gemaak het.&#8217; 21Toe s&#234; sy eienaar vir hom: &#8216;Mooi so! Jy is 'n goeie en getroue slaaf. Oor min was jy getrou, oor baie sal ek jou aanstel. Kom in en deel in my vreugde!&#8217;</div><div class="p"> 22&#8220;Toe kom die een met die twee goue muntstukke en s&#234;: &#8216;Meneer, twee goue muntstukke het u aan my toevertrou. Hier is dit met twee ander wat ek wins gemaak het.&#8217; 23Sy eienaar s&#234; toe vir hom: &#8216;Mooi so! Jy is 'n goeie en getroue slaaf. Oor min was jy getrou, oor baie sal ek jou aanstel. Kom in en deel in my vreugde!&#8217;</div><div class="p"> 24&#8220;Toe kom die een wat een goue muntstuk ontvang het, en s&#234;: &#8216;Meneer, ek ken u en weet dat u 'n harde man is, wat oes waar u nie gesaai het nie, en pluk waar u nie geplant het nie. 25Omdat ek bang was, het ek u muntstuk in die grond gaan begrawe. Hier het u u geld terug.&#8217; 26Toe s&#234; sy eienaar vir hom: &#8216;Jy is 'n slegte en 'n lui slaaf! Jy het geweet dat ek oes waar ek nie gesaai het nie, en pluk waar ek nie geplant het nie. 27Dan moes jy my geld in die bank gesit het, en ek sou dit by my koms met rente teruggekry het. 28Vat die muntstuk van hom af weg en gee dit aan die een wat die tien het. 29Aan elkeen wat het, sal meer gegee word, en hy sal oorvloed h&#234;; maar van hom wat nie het nie, sal ook die bietjie wat hy het, weggevat word. 30En gooi die nuttelose slaaf uit in die diepste duisternis daarbuite. Daar sal hulle huil en op hulle tande kners.&#8217; &#8221;</div><div class="s1">Die profetiese rede: die laaste oordeel</div><div class="p"> 31&#8220;Wanneer die Seun van die mens in majesteit kom en al die engele saam met Hom, sal Hy op sy koninklike troon gaan sit. 32Al die volke sal voor Hom bymekaar gebring word, en Hy sal die mense van mekaar skei soos 'n wagter die skape van die bokke skei. 33Die skape sal Hy regs en die bokke links van Hom laat staan.</div><div class="p"> 34&#8220;Dan sal die Koning vir di&#233; aan sy regterkant s&#234;: &#8216;Kom, julle wat deur my Vader gese&#235;n is! Die koninkryk is van die skepping van die w&#234;reld af vir julle voorberei. Neem dit as erfenis in besit, 35want Ek was honger, en julle het My iets gegee om te eet; Ek was dors, en julle het My iets gegee om te drink; Ek was 'n vreemdeling, en julle het My gehuisves; 36Ek was sonder klere, en julle het vir My klere gegee; siek, en julle het My verpleeg; in die tronk, en julle het My besoek.&#8217; 37Dan sal di&#233; wat die wil van God gedoen het, Hom vra: &#8216;Here, wanneer het ons U honger gesien en U gevoed, of dors en U iets gegee om te drink? 38En wanneer het ons U 'n vreemdeling gesien en U gehuisves, of sonder klere, en vir U klere gegee? 39Wanneer het ons U siek gesien of in die tronk en U besoek?&#8217; 40En die Koning sal hulle antwoord: &#8216;Dit verseker Ek julle: Vir sover julle dit aan een van die geringste van hierdie broers van My gedoen het, het julle dit aan My gedoen.&#8217;</div><div class="p"> 41&#8220;Dan sal die Koning vir di&#233; aan sy linkerkant s&#234;: &#8216;Gaan weg van My af, julle vervloektes! Gaan na die ewige vuur wat vir die duiwel en sy engele voorberei is, 42want Ek was honger, en julle het My niks gegee om te eet nie; Ek was dors, en julle het My niks gegee om te drink nie; 43Ek was 'n vreemdeling, en julle het My nie gehuisves nie; sonder klere, en julle het My nie klere gegee nie; siek en in die tronk, en julle het My nie versorg nie.&#8217; 44Dan sal hulle ook antwoord: &#8216;Here, wanneer het ons U honger of dors of 'n vreemdeling of sonder klere of siek of in die tronk gesien en U nie gehelp nie?&#8217; 45En Hy sal hulle antwoord: &#8216;Dit verseker Ek julle: Vir sover julle dit aan een van hierdie geringstes nie gedoen het nie, het julle dit aan My ook nie gedoen nie.&#8217; 46En hierdie mense sal die ewige straf ontvang, maar di&#233; wat die wil van God gedoen het, die ewige lewe.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGAL">
 <div class="chapter ch5" data-usfm="GAL.5">
 <div class="label">5</div><div class="p"> 1Christus het ons vrygemaak om werklik vry te wees. Staan dan vas in hierdie vryheid en moet julle nie weer onder 'n slawejuk laat indwing nie.</div><div class="s1">Die Christelike vryheid</div><div class="p"> 2Kyk, ek, Paulus, s&#234; vir julle: As julle julle laat besny, sal Christus vir julle geen betekenis h&#234; nie. 3Ek s&#234; dit weer nadruklik vir elkeen wat hom laat besny: Hy is verplig om die hele wet van Moses te onderhou. 4Julle wat van julle sonde vrygespreek wil word deur die wet te onderhou, julle het julle band met Christus verbreek, julle het die genade van God verbeur. 5Wat ons betref, deur die werking van die Gees is dit ons hoop en verwagting dat ons deur te glo, vrygespreek sal word. 6In Christus Jesus is dit nie van belang of jy besny is of nie. Al wat van belang is, is geloof wat deur die liefde tot dade oorgaan.</div><div class="p"> 7Julle was so goed op pad. Wie het julle verhinder om die waarheid te bly gehoorsaam? 8Wie het julle omgepraat? Nie God nie; Hy roep julle tot gehoorsaamheid. 9'n Bietjie suurdeeg deurtrek die hele deeg. 10Ons band met die Here gee my die vertroue dat julle net so sal dink soos ek. Maar die man wat vir julle in verwarring bring, wie hy ook al mag wees, God sal hom straf.</div><div class="p"> 11Wat my betref, broers, as ek nog verkondig dat 'n mens besny moet word, waarom word ek dan nog vervolg? Dan is die kruis as struikelblok mos uit die weg geruim. 12Ek wens die mense wat di&#233; verwarring onder julle stig, wou hulleself dan maar heeltemal ontman!</div><div class="s1">Die Gees van God en ons sondige natuur</div><div class="p"> 13Julle, broers, julle is tot vryheid geroep. Moet net nie julle vryheid misbruik as 'n verskoning om sonde te doen nie, maar dien mekaar in liefde. 14Die hele wet word in hierdie een gebod saamgevat: &#8220;Jy moet jou naaste liefh&#234; soos jouself.&#8221; 15Maar julle byt en verskeur mekaar; pas op dat julle mekaar nie later heeltemal verslind nie.</div><div class="p"> 16Wat ek bedoel, is d&#237;t: Laat julle lewe steeds deur die Gees van God beheers word, dan sal julle nooit swig voor begeertes van julle sondige natuur nie. 17Wat ons sondige natuur begeer, is in stryd met wat die Gees wil, en wat die Gees wil, is in stryd met wat ons sondige natuur begeer. Hierdie twee staan lynreg teenoor mekaar, en daarom kan julle nie doen wat julle graag wil nie. 18Maar as julle julle deur die Gees laat lei, staan julle nie meer onder die wet nie.</div><div class="p"> 19Die praktyke van die sondige natuur is algemeen bekend: onsedelikheid, onreinheid, losbandigheid, 20afgodsdiens, towery, vyandskap, haat, naywer, woede, rusies, verdeeldheid, skeuring, 21afguns, dronkenskap, uitspattigheid en al dergelike dinge. Ek waarsku julle soos ek julle al vroe&#235;r gewaarsku het: Wie hom aan sulke dinge skuldig maak, sal nie die koninkryk van God as erfenis verkry nie.</div><div class="p"> 22Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, 23nederigheid en selfbeheersing. Teen sulke dinge het die wet niks nie. 24Di&#233; wat aan Christus Jesus behoort, het hulle sondige natuur met al sy hartstogte en begeertes gekruisig. 25Ons lewe deur die Gees; laat die Gees nou ook ons gedrag bepaal. 26Ons moenie verwaand wees, mekaar uittart of op mekaar afgunstig wees nie.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGAL">
 <div class="chapter ch6" data-usfm="GAL.6">
 <div class="label">6</div><div class="s1">Dra mekaar se laste</div><div class="p"> 1Broers, as iemand in die een of ander sonde val, moet julle wat julle deur die Gees laat lei, so iemand in 'n gees van sagmoedigheid reghelp. En pas op: jy kan self ook in versoeking kom. 2Dra mekaar se laste, en gee op di&#233; manier uitvoering aan die wet van Christus. 3As iemand hom verbeel hy is iets en hy is niks, bedrieg hy homself. 4Laat elkeen sy eie doen en late ondersoek: as dit goed is, kan hy daarop trots wees sonder om dit met di&#233; van 'n ander te vergelyk. 5Elkeen sal rekenskap moet gee oor wat hy gedoen het.</div><div class="p"> 6Iemand wat onderrig ontvang in die woord van God, moet sy leermeester laat deel in al die goeie dinge wat hy het.</div><div class="p"> 7Moenie julleself mislei nie: God laat nie met Hom spot nie. Wat 'n mens saai, dit sal hy ook oes. 8Wie op die akker van sy sondige natuur saai, sal van die sondige natuur dood en verderf oes. Maar wie op die akker van die Gees saai, sal van die Gees die ewige lewe oes. 9Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel. 10Solank ons die geleentheid het, moet ons dus aan almal goed doen, veral aan ons medegelowiges.</div><div class="s1">Laaste waarskuwing en groet</div><div class="p"> 11Van hier af skryf ek eiehandig aan julle. Kyk net die groot letters!</div><div class="p"> 12Daardie mense wat so daarop aandring dat julle julle ook moet laat besny, wil maar net uiterlik 'n goeie indruk maak, sodat hulle nie vervolg sou word ter wille van die kruis van Christus nie. 13Al het hulle hulle laat besny, onderhou hulle self nie die wet van Moses nie, maar hulle wil net h&#234; dat julle julle moet laat besny sodat hulle kan roem oor wat met julle liggaam gebeur het. 14Maar wat my betref, mag God verhoed dat ek ooit oor iets anders roem as oor die kruis van ons Here Jesus Christus, want deur die kruis is die w&#234;reld vir my dood en ek vir die w&#234;reld. 15Of 'n mens besny is of nie, is nie van belang nie, maar dat jy 'n nuwe mens is. 16En almal wat volgens hierdie beginsel leef, die ware Israel &#8211; mag God aan hulle vrede gee en barmhartigheid bewys.</div><div class="p"> 17Niemand moet dit vir my verder moeilik maak nie, want ek dra al klaar die littekens van Jesus aan my liggaam.</div><div class="p"> 18Die genade van ons Here Jesus Christus sal by julle gees wees, broers! Amen.</div>
 </div>
 </div>
</div>

60 Om Nuut Te BeginVoorbeeld

Skrif

Aangaande hierdie leesplan

Verwante Leesplanne