Ken die Liefde - 'n Studie van 1, 2 en 3 JohannesVoorbeeld

Lees: 2 Johannes 1:5-8 SOAP - 2 Johannes 1:6

Liefde beteken dat ons volgens die gebooie van God lewe. Soos julle van die begin af gehoor het, is dit sy gebod dat julle in die liefde moet lewe.

Oordenking

Dwarsdeur die hele Skrif beveel God sy mense om Hom en hulle naaste lief te hê. Wat is hierdie liefde? In 2 Johannes word verduidelik dat as ons gehoorsaam is aan die gebooie van God, dan het ons die Here en ons naaste lief. As ons doen wat die Skrif sê, wys ons ons liefde vir God. Op sy beurt sal dit daartoe lei dat ons reg en met liefde optree teenoor diegene om ons.

Dit mag eenvoudig lyk, maar dit is beslis nie maklik nie. Ons hardkoppigheid, trots, selfsug en ontevredenheid staan in ons pad. Ons kan so maklik oorweldig word deur ons sonde en die leuen glo dat dit onmoontlik is om God se opdragte te volg. Wanneer ons met Hom wandel, rus Hy ons toe met alles wat ons nodig het om sy wil te doen (Hebreërs 13:21). Die God wat die opdrag gee dat ons Hom moet liefhê, is ook die Een wat ons tot hulp sal kom wanneer ons Hom vra.

Gebed

Here, ek wil so graag vir U en ander liefhê, maar as dit daarby kom om gehoorsaam te wees aan u Woord, skiet ek tekort. Bemoedig my en help my dat dit vir my aangenaam sal wees om te doen wat U behaag, sodat my woorde van liefde ook in my dade tot uiting kan kom. Amen.