Die HuwelikskursusVoorbeeld

Liefde in Aksie

Die liefde is meer as net gevoelens; dit is wat ons doen en betrek dade. Die liefde kos ons altyd iets.

Die vyf tale van die liefde 1

1. liefdevolle woorde
2. bedagsame geskenke
3. fisieke aanraking
4. kwaliteit-tyd
5. vriendelike optrede

Vir elke een van ons gaan een van hierdie tale van die liefde meer effektief wees as die ander.

Die meeste mense het 'n ander taal as hulle huweliksmaat.

Ons probeer meestal om liefde te kommunikeer in die taal wat ons dit verstaan en wil ontvang.

'n Liefdevolle huwelik is een waarin ons probeer om ons man of vrou se behoeftes te vervul in 'n taal wat hulle laat voel ons het hulle lief.

1. Liefdevolle woorde

Woorde kan opbou of afbreek. 

Gee komplimente en bemoedig mekaar elke dag.

Praat vriendelik met mekaar.

Vir party mense voel dit asof hul by 'n oase in die woestyn aankom wanneer hulle woorde van bevestiging hoor.

2. Bedagsame geskenke

Geskenke is 'n manier om in jou huwelik te belê

• Die geskenke hoef nie duur te wees nie, dit gaan meer oor die gedagte as die geskenk, byvoorbeeld 'n enkele blom, 'n staaf sjokolade
• moenie wag vir spesiale geleenthede nie
• vind aktief uit waarvan jou huweliksmaat hou (wat jou sak pas!)

3. Fisieke aanraking

Om mekaar liefdevol aan te raak is 'n kragtige manier van kommunikasie in die huwelik. In tye van nood, gaan aanraking wys jy gee om, meer as enigiets anders, indien hierdie jou of jou huweliksmaat se taal van die liefde is.

Ons moet deur die hele reeks werk en uitvind wanneer wat toepaslik is: hande vashou, arms om mekaar te plaas, 'n soen, 'n drukkie, rug massering, seksuele voorspel, seks.

4. Kwaliteit-tyd

Om saam te wees beteken meer as hoe naby julle liggaamlik aan mekaar is. Dit gaan daaroor om aandag aan mekaar te gee.

Kwaliteit-tyd bou vriendskap, deur:

• saam te gesels
• saam te eet
• tyd saam te geniet

5. Vriendelike optrede

Dit gaan daaroor om deur ons optrede ons liefde aan ons huweliksmaat te toon en om hulle behoeftes op 'n praktiese wyse te vervul. 

Vind uit watter optrede die meeste vir jou huweliksmaat beteken.

Die liefde is nie net 'n gevoel nie, dit vereis die wil om mekaar se behoeftes te vervul. Ons word geroep om mekaar soos Jesus lief te hê.

Die lering van die vyf tale van die liefde is aangepas uit Dr Gary Chapman se boek, Die vyf tale van die liefdeⓇ: Die geheim van liefde vir 'n leeftyd (© 2015). Gepubliseer deur Northfield Publishing. Gebruik met toestemming.

Leer meer oor die Huwelikskursus, by die skakel hier .