Wandel in die Heilige GeesVoorbeeld

Jy kan nie vriendskap met iemand hê wat jy "dit" noem nie. Baie mense het nie gemeenskap met die Heilige Gees nie omdat hulle Hom as 'n dryfveer eerder as 'n vriend en krag eerder as 'n persoon beskou. Jesus het nooit na die Heilige Gees as "dit" verwys nie, maar altyd as "Hy". Die Heilige Gees is 'n persoon. Hy is nie 'n duif, wind, vuur, wolk, dryfveer of krag nie. Hy is nie 'n gevoel nie. Hy is nie 'n krag nie. Hy is 'n ware persoon.

Om met die Heilige Gees te praat, moet ons Hom as 'n persoon beskou. Sommige sien die Heilige Gees as tale. Hulle dink dus omdat hulle in tale praat, het hulle alles wat van die Heilige Gees ontvang kan word. Gemeenskap met die Heilige Gees is veel meer as net om in tale te praat. Dit is 'n gawe om in tale te praat, maar die Heilige Gees is 'n persoon. Nee, die Heilige Gees self is nie 'n gawe nie; Hy is God.

Dit is moontlik om deur geloof in tale te praat, maar nie enige intimiteit of vriendskap met die Heilige Gees te hê nie. Dis moontlik om die gawes te ervaar, maar tog aan 'n verhouding tekort te skiet. Simson het byvoorbeeld sy gawe van buitengewone krag uitgeoefen, maar het geen verbintenis met die Gees van God gehad nie. Jesus het gewaarsku teen mense wat demone uitdryf, siekes genees en profeteer, maar Hom nie ken nie en sonde doen. 'n Verhouding met die Heilige Gees moet 'n groter prioriteit wees as om in sy krag en gawes te wandel. Om in tale te praat moet jou verhouding met die Heilige Gees versterk, maar moet Hom nie beskou as bloot in tale praat nie. Dis soos om te sê dat Jesus 'n sondaar se gebed is. Die sondaar se gebed lei iemand tot redding, maar Jesus is God en 'n persoon en Hy is groter as "'n gebed". Die Heilige Gees is dus meer as gawes; Hy is God. Hy wil 'n verhouding hê. Daardie verhouding begin daarmee om te verstaan dat ons Hom as 'n persoon moet beskou, nie 'n "dit"nie. Hy wil jou vriend wees. Hou op om Hom as 'n krag te hanteer. Die Heilige Gees is nie 'n krag nie; Hy is 'n persoon.