Wat die Vader SêVoorbeeld

 Jy Is My Geliefde Kind  

Die Vader sê: “Voordat jy nog 'n gedagte was, het Ek elke detail van jou ontwerp geken. Van die aantal hare op jou kop tot die aantal dae in jou lewe, Ek het jou gemaak vir My plesier en genot. Meer as die sand in die see, is My gedagtes van liefde teenoor jou. Jy is My geliefde kind, en Ek is trots om jou Myne te noem.”

Jy is God se kind! Baie mense het grootgeword in gesinne met pa's wat nie aktief betrokke was nie, ander het grootgeword met wonderlike pa's, of dalk pa's wat glad nie teenwoordig was nie. Hierdie ervarings word dikwels die lens waardeur ons ons hemelse Vader sien.

Hoe stel jy jou Abba Vader voor?

Allison Fowler sê: “Die hart is die lens waardeur ons vir God sien. As ons weier om te vergewe, word ons bitterheid en wraakgedagtes vuil kolle op die lens wat ons vermoë om Hom duidelik te sien, vertroebel.” Nooi dus die Here om jou hart te skoon te vee van valse oortuigings oor sy karakter wat dalk gevorm het uit jou opvoeding of uitdagings wat jy moes trotseer. Laat die realiteit van sy karakter diep in jou vestig: God se karakter is die verpersoonliking van volmaaktheid, vriendelikheid en liefde; dit is sonder gebrek, fout of vlek.

Neem 'n paar oomblikke, maak jou oë toe en besin oor God se verstommende natuur. Genesende olie uit die hemel stroom tans in jou hart in, verwyder troebelheid en maak die oë van jou hart oop. Luister na jou Vader se stem terwyl Hy waarheid in jou gees fluister, en ontvang sy welige liefde wat in sy hart vir jou groei. Die Vader sê: "Jy is my geliefde kind."